Tindig - TSU

Pahayag ng pakikiisa ni Kabataan Partylist National President at First Nominee Raoul Manuel sa Tindig-TSU.

Tulad ng malawak na hanay ng kabataang estudyante sa TSU at iba pang mga progresibong organisasyon, kinukundena rin ni Raoul Manuel ang demokratikong atake sa tatlong estudyante ng TSU na binantaan ng suspensyon dahil umano sa pagdalo sa mobilisasyon upang gunitain ang International Women’s Day habang bitbit ang organisasyon ng Tindig-TSU. Dagdag pa rito, mensahe niya na dapat huwag pigilan ang mga kabataang estudyante na makilahok sa mga aktibidad na nag lalayong ipaglaban ang kanilang mga karapatan, adbokasiya at usapin na nakakaapekto sa ating lipunan. Mas lalo pa dapat aniyayahan ang mga kabataan na maging kritikal at sanayin ang kanilang mga karapatan.

Patunay lamang ito na walang mali sa pagiging aktibo at kritikal ng mga kabataan sa pakikilahok sa mga iba’t ibang suliranin ng ating bansa. Sa panahon na patuloy ang pagpapatahimik sa mga kabataan ay mas lalo lamang silang titindig para sa kanilang karapatan.