Unida Christian Church Santa Rosa

𝗗𝗶𝘀𝘁𝗿𝗶𝗰𝘁 𝗕𝗶𝗯𝗹𝗲 𝗤𝘂𝗶𝘇𝗕𝗲𝗲 𝟮𝟬𝟮𝟲 📖

Binabati namin ang ating mga kapatid na lumahok sa ginanap na District Bible Quizbee noong Sabado, January 24, 2026 sa UCC Progressive bilang paggunita sa National Bible Month na may temang “𝘎𝘰𝘥’𝘴 𝘞𝘰𝘳𝘥 𝘉𝘳𝘪𝘯𝘨𝘴 𝘓𝘪𝘧𝘦 𝘵𝘰 𝘖𝘶𝘳 𝘏𝘦𝘢𝘳𝘵𝘴 𝘢𝘯𝘥 𝘵𝘰 𝘖𝘶𝘳 𝘏𝘰𝘮𝘦𝘴.”

Ang mga kalahok mula sa UCC Santa Rosa ay nagsipagkamit ng mga karangalan sa kani-kanilang mga kategorya. Ang ating mga kalahok sa 𝘼𝙙𝙪𝙡𝙩 𝙇𝙚𝙫𝙚𝙡 na sina Kptd. Annie De Luna, Kptd. Romy De Luna at Kptd. Edison Ibañez ay nagwagi ng 𝟭𝘀𝘁 𝗽𝗹𝗮𝗰𝗲 at magiging kinatawan ng Distrito ng Laguna sa National Bible Quizbee sa Mayo.

Gayundin, binabati rin namin ang ating mga kalahok sa 𝙄𝙣𝙩𝙚𝙧𝙢𝙚𝙙𝙞𝙖𝙩𝙚 𝙖𝙩 𝙔𝙤𝙪𝙩𝙝 𝙇𝙚𝙫𝙚𝙡 na kapwa nakakuha ng 𝟮𝗻𝗱 𝗽𝗹𝗮𝗰𝗲. Sa Intermediate ay sina Kptd. Keith Hernandez, Kptd. Abigail Sauler, at Kptd. Luke Arguelles. Sa Youth ay sina Kptd. Aira Hernandez, Kptd. Margarette Manabat at Kptd. Nico Alojado.

Purihin ang ating Dakilang Diyos sa karunungang Kaniyang binibigay sa bawat isa sa ating patuloy na pag-aaral ng Kaniyang mga Salita. Nawa’y manatili tayong mapagpakumbaba sa harap ng Diyos, kinikilala na ang talino at tagumpay ay mula sa Kanya, at gamitin ang mga ito para sa Kanyang kaluwalhatian at sa paglilingkod sa kapwa. 🙏

𝐇𝐀𝐒𝐈𝐊: 𝐔𝐧𝐢𝐝𝐚 𝐓𝐡𝐚𝐧𝐤𝐬𝐠𝐢𝐯𝐢𝐧𝐠 𝐒𝐮𝐧𝐝𝐚𝐲 𝐚𝐧𝐝 𝐅𝐢𝐫𝐬𝐭 𝐅𝐫𝐮𝐢𝐭 𝐂𝐞𝐥𝐞𝐛𝐫𝐚𝐭𝐢𝐨𝐧 𝟐𝟎𝟐𝟔 🎑🌾

Sama-sama nating ipagdiwang bilang isang nagkakaisang iglesia ang Unida Thanksgiving Sunday and First Fruit Celebration 2026 na may temang, "𝗛𝗮𝘀𝗶𝗸: 𝗦𝗼𝘄𝗶𝗻𝗴 𝗶𝗻𝘁𝗼 𝗚𝗼𝗱'𝘀 𝗙𝗶𝗲𝗹𝗱, 𝗥𝗲𝗮𝗽𝗶𝗻𝗴 𝗚𝗼𝗱'𝘀 𝗙𝗮𝘃𝗼𝗿"

Ang Unida Thanksgiving Sunday ay gaganapin sa January 18, 2026 sa ating mga lokal na iglesia. At kasama ang ating mga distrito, ating ipagdiwang ang kabutihan ng ating Panginoon sa pamamagitan ng First Fruit Celebration sa darating na January 24, 2025.

Tunay na ang Diyos ay nararapat na purihin sa Kanyang nag-uumapaw na biyaya sa ating lahat. Purihin ang ating Panginoon!

𝗠𝗮𝗹𝗶𝗴𝗮𝘆𝗮𝗻𝗴 𝗕𝗮𝗴𝗼𝗻𝗴 𝗧𝗮𝗼𝗻, 𝗺𝗴𝗮 𝗸𝗮𝗽𝗮𝘁𝗶𝗱!🎆

Masdan ang mga larawan kuha mula sa Worship thru Music kanina, December 31, 2025 sa UCC Santa Rosa. Tunay na isang kagalakan ang magpuri sa ating Panginoon sa pamamagitan ng pag-aawitan bilang pasasalamat sa Kaniyang Kadakilaan sa taong nagdaan.

Sa pagtatapos ng taong 2025 at sa ating pagsalubong sa panibagong taon, nawa'y patuloy nating taglayin ang pag-ibig, kaligayahan at matatag na pananampalataya.

Purihin ang ating Diyos na gumabay at patuloy na gumagabay sa ating mga buhay!

📷Photos by: Juliana Medina & Ayel Gloria

Masdan ang mga larawan kuha mula sa Christmas Eve Worship kanina, December 24, 2025 sa UCC Santa Rosa. Sa ating pagsalubong sa Kapaskuhan ay patuloy nating alalahanin at sambahin ang ating Tagapagligtas, ang Panginoong Jesus.

Maligayang Pasko sa ating lahat!

📷Photos by: AJ Trinidad

𝗠𝗮𝗹𝗶𝗴𝗮𝘆𝗮𝗻𝗴 𝗣𝗮𝘀𝗸𝗼, 𝗺𝗴𝗮 𝗸𝗮𝗽𝗮𝘁𝗶𝗱!🎄🌟

Masayang pinagdiwang ng UCC Santa Rosa ang Christmas Fellowship and Sunday School Gift Giving kahapon, December 20, 2025. Ang gawain ay pinuno ng kasiyahan mula sa pag-awit, palaro, raffle at ng gift giving sa mga masisipag na mag-aaral ng Paaralang Lingguhan.

Papuri sa ating Panginoon sa Kanyang biyaya sa katagumpayan ng gawain. Salamat din sa ating mga kapatid ng buong-pusong nagkaloob para sa ating raffle prizes, gayundin sa mga kapatid na tumulong upang maging matagumpay ang ating Christmas Fellowship.

Mula sa UCC Santa Rosa, binabati namin ang bawat isa ng isang Pinagpala at Maligayang Pasko, mga kapatid!

Purihin natin ang ating Panginoong Jesus!

📷Photos by: AJ Trinidad & Juliana Medina