SPCY Pantubig

02.24.2024

“Kaya mong magbago kahit ikaw ay natatakot o nalilito dahil kasama mo si Hesukristo”

Sa pag-usad ng mga araw papalapit sa Semana Santa, hindi napapagod ang ating Birhen ng Fatima na dalawin ang mga tahanan at kumustahin ang Kanyang mga anak.

Maraming salamat po sa pamilya Vendication-Portillo sa pagtanggap sa ating Ina na isang buong linggo.

Kasalukuyan pong nasa tahanan ng pamilyang Contreras - Del Carmen ang ating Ina.

Sa mga nais na mapagdalhan ng ating Birhen ng Fatima o nais maging bahagi ng SPCY Pantubig, makipag-ugnayan lang po kayo sa amin.

02.18.2024

Dinaluhan ng mga bagong talagang mga tagapamuno ng SPCY Pantubig ang unang opisyal na pagpupulong na handog ng ating PCY San Rafael kahapon, Pebrero 18 na ginanap sa Bulwagan ng Kabataan ng Parokya ni San Juan de Dios.

Ang pagpupulong ay naglalaman ng dalawang partikular na layunin: ang paghahanda para sa Kapistahan ni San Juan de Dios at ang Semana Sanata.

Kinamusta rin ng mga opisyales ng PCY San Rafael ang bawat lider ng bawat SPCY na kanilang nasasakupan upang makamusta ang mga gawain na isinasagawa nila na may kaugnayan sa simbahan.

02.17.2024

Kasabay ng pagsisimula ng Kuwaresma, nagsimula na ring magbahay-bahay ng ating Birhen.

Nagsimula nang dumalaw ng ating Ina sa tahanan ng pamilyang Caly.

Matapos sa tahanan ng pamilyang Caly, nagtungo naman ang ating Ina sa tahanan ng pamilyang Vendication-Portillo.

Sa mga kabataan na nais na makasama kaming magdasal at maging bahagi ng aming pamilya, magkita-kita tayo sa darating na Sabado, Pebrero 24.

02.14.2024

Anong ARAW NG MGA PUSO?! ARAW KO ‘TO!

Kasabay ng Ash Wednesday at Araw ng mga Puso, binabati namin ang aming kasaping si Noe Kobe Caly ng isang punong-puno ng pagmamahal na maligayang kaarawan!

Nakita namin ang iyong paglilingkod Kuya Kobe sa ating bisita at sa simbahan sa bawat taong dumaraan, kaya nawa sa panibagong taong ipinagkaloob Niya, manatili nawa ang naglalagablab mong pananampalataya sa Kanya.

Mahal na mahal ka namin Kuya Kobe! Nawa ang araw na ito ay maging mas espesyal para sa’yo.

Muli, happiest birthday Kuya Kobe!

-from your SPCY Pantubig family 💛💜