Sigay

CAREER PARADE | Buong pagmamalaking ipinarada ng mga mag-aaral ng ika-10 baitang ang kanilang kasuotan bilang pagpapahayag ng kanilang mga hinahangad na karera sa hinaharap.

Ang nasabing parada ay kabilang sa Career Guidance Advocacy Program ng Ramon National High School.

𝗕𝗘𝗞𝗦𝗞𝗘𝗧𝗕𝗔𝗟𝗟 | Nagpakitang gilas ang mga mag-aaral na kabilang sa LGBTQIA+ community para sa kauna-unahang RNHS Beksketball na ginanap sa Doña Aurora M. Abaya Amphitheater.

Ang nasabing laro ay pinangunahan ni G. Billy Jay V. Valeros, SSLG Adviser at Presidente ng Bulalayaw sa Bayan ng Ramon.

Bukod sa pagbibigay aliw, layunin din ng larong ito na ipakita ang kakayahan ng mga tinaguriang "beki" sa kahit anumang larangan.

Sa huli ay itinanghal na panalo ang Team Malu sa iskor na 13 laban sa Team Masi na nakakuha naman ng 8 puntos.

𝗡𝗔𝗚𝗞𝗔𝗞𝗔𝗜𝗦𝗔
Mga mag-aaral at g**o, sabay-sabay na humataw para sa Galaw Pilipinas. Ito ay bilang pakikiisa pa rin sa pagdiriwang ng ika-51 na Anibersaryo ng pagkakatatag ng Ramon National High School.

𝐑𝐍𝐇𝐒 51𝐬𝐭 𝐅𝐨𝐮𝐧𝐝𝐢𝐧𝐠 𝐀𝐧𝐧𝐢𝐯𝐞𝐫𝐬𝐚𝐫𝐲 𝐔𝐩𝐝𝐚𝐭𝐞

Sinimulan ang ikalawang araw ng selebrasyon nang isang masiglang Fun Run sa pangunguna ng mga opisyales ng Supreme Secondary Learner Government (SSLG) na nilahukan ng mga mag-aaral, g**o, magulang at ilang stakeholders.

TINGNAN | Pormal nang binuksan ang selebrasyon ng 51st Founding Anniversary ng Ramon National High School, dating Magat Region Barangay High School, ngayong araw.

Kasama sa pagdiriwang na ito ang mga former principals, Oscariz Barangay officials, stakeholders, mga magulang at propesyonal na siya ring mga produkto ng paaralang ito.

𝐓𝐚𝐫𝐚 𝐍𝐚 𝐚𝐭 𝐌𝐚𝐠𝐩𝐚𝐭𝐚𝐥𝐚!

Maging bahagi ng aming tahanang 𝐑𝐚𝐦𝐨𝐧 𝐍𝐚𝐭𝐢𝐨𝐧𝐚𝐥 𝐇𝐢𝐠𝐡 𝐒𝐜𝐡𝐨𝐨𝐥, ang 𝐇𝐨𝐦𝐞 𝐨𝐟 𝐭𝐡𝐞 𝐎𝐫𝐢𝐠𝐢𝐧𝐚𝐥𝐬, para sa taong panuruan 2024-2025.

TINGNAN | Nagpakitang-gilas sa hataw at pagiging malikhain ang mga mag-aaral ng ika-9 na baitang at ika-12 na baitang ng HUMSS at GAS strand, kahapon, ika-19 ng Enero taong kasalukuyan sa Amphitheater, Ramon National High School.

Sa isang kamangha-manghang pagtitipon, nagsanib-puwersa ang mga mag-aaral para sa isang natatanging Trashion Show ng ikaw-12 na baitang bilang aktibidad sa asignaturang Contemporary Philippine Arts from the Regions (CPAR). Ang Trashion Show ay nagbigay diwa sa pagiging malikhain ng mga mag-aaral sa pamamagitan ng paggamit ng recyclable na mga materyales upang makabuo ng kanilang mga natatanging damit. Ipinakita ng bawat modelo ng damit ang kahalagahan ng pagsasabuhay ng pagiging eco-friendly. Naiuwi nina Carlo Gajete at Angel Nugal ng 12-Hope ang King at Queen Trashion Show.

Samantala, nagtagisan ng kanilang kakayahan sa pagsasayaw ang mga mag-aaral sa ika-9 na baitang ng Latin Dance para naman sa kanilang asignatura sa Physical Education (PE). Ito ay nagbigay ng pagkakataon para sa mga mag-aaral na ipakita ang kanilang talento sa pagsayaw at makipag-ugnayan sa isa't isa sa isang masiglang pag-indak. Iginawad naman ang gantimpalang champion sa 9-Diamond sa isinagawang pagsasayaw.

Bilang pagtatapos, isinabay din ang pagbibigay gantimpala sa isinagawang Drama Play ng mga ika-12 na baitang ng HUMSS at GAS strand noong nakaraang Martes, Enero 19 taong kasalukuyan.

🪶 Pamela Mangalinao

HAPPENING NOW| Kasalukuyang ginaganap ang Work Immersion Program Orientation para sa mga mag-aaral ng Grade 12 bilang paghahanda sa nalalapit na Work Immersion Deployment.

𝗣𝗨𝗡𝗢 𝗡𝗚 𝗣𝗔𝗚-𝗔𝗦𝗔| Iba't ibang punla ng mga puno ngunit iisang hangaring maghandog regalo ang magiliw na itinanim sa malawak na parang ng Ramon National High School (RNHS) bilang pakikiisa sa proyektong 𝘿𝙀𝙋𝙀𝘿'𝙎 236,000 𝙏𝙍𝙀𝙀𝙎 - 𝘼 𝘾𝙃𝙍𝙄𝙎𝙏𝙈𝘼𝙎 𝙂𝙄𝙁𝙏 𝙁𝙊𝙍 𝘾𝙃𝙄𝙇𝘿𝙍𝙀𝙉.

Ito ay nilahukan ng mga g**o, kawani, mag-aaral mula sa Humanities and Social Sciences (HUMSS), at mga opisyales ng SSLG at YES-O Club.

Ang nasabing proyekto ay naglalayong maturuan ang mga bata na pahalagahan at pangalagaan ang kalikasan tungo sa malinis at maayos na kinabukasan.