Angel Arches

𝟏𝟐𝟖𝐓𝐇 𝐏𝐇𝐈𝐋𝐈𝐏𝐏𝐈𝐍𝐄 𝐈𝐍𝐃𝐄𝐏𝐄𝐍𝐃𝐄𝐍𝐂𝐄 𝐃𝐀𝐘

Subong nga adlaw, June 12, 2026 guinaselebrar naton ang ika-128 nga proklamasyon sang kahilwayan sang pungsod Pilipinas. Sa tema nga “Kalayaan, Kinabukasan, Kasaysayan”, guinadumdom naton ang kaisog kag sakripisyo sang aton mga baganihan nga nakipagbato para sa aton kahilwayan. Kabay magahupong para sa aton pinalangga nga Pilipinas.

Mabuhay ang Pilipinas, Mabuhay ang mga Pan-ayanon!

𝐒𝐀𝐍𝐆𝐆𝐔𝐍𝐈𝐀𝐍𝐆 𝐁𝐀𝐘𝐀𝐍 𝐑𝐄𝐆𝐔𝐋𝐀𝐑 𝐒𝐄𝐒𝐒𝐈𝐎𝐍 𝐀𝐍𝐃 𝐂𝐎𝐌𝐌𝐈𝐓𝐓𝐄𝐄 𝐌𝐄𝐄𝐓𝐈𝐍𝐆 𝐎𝐅 𝐓𝐎𝐔𝐑𝐈𝐒𝐌

Panibag-o nga adlaw para hinalaan ang mga lihok para sa pag-umwad sang banwa sang Panay kaupod ang bilog nga Sangguniang Bayan.

Guinpatigayon man diri ang isa ka pagsinapol sa Committee on Tourism angut sa aton guinbalay nga “Tourism Code” bilang mayor nga pagsulondan sa ikasangkad sang sektor sang Turismo sa aton banwa. Guinpangunahan ni SB Alfie Benliro kaupod man ang mga miyembro sang nasambit nga komitiba.

𝐓𝐀𝐍𝐙𝐀 𝐒𝐔𝐑 – 𝐆𝐀𝐍𝐃𝐀𝐍𝐆 𝐍𝐀𝐍𝐀𝐘 𝟐𝟎𝟐𝟔

Ang akon pagpaabot sang dako nga pagpasalamat sa pumuluyo sang Barangay Tanza Sur sa pag-organisar sang isa ka makabuluhan nga Gandang Nanay 2026. Isa ini ka selebrasyon nga nagapakilala kag paghatag pagpasidungog sa mga kababainhan nga nagaserbi nga suga sang aton mga panimalay, kag nagahatag inspirasyon sa mga masunod nga henerasyon sa ila sakripisyo para maabot ang handum sang ila mga kabataan.

Paagi sa sini nga aktibidad, ginasaulog naton ang ila pagkamahigugmaon, kag pagdumdom sa ila katahum, mabaskog nga karakter, kag sa tagipusuon nga napuno sang gugma para sa pamilya kag komunidad.

Madamo guid nga salamat Kap Herman Acat kaupod man ang bilog nga Barangay Council, Barangay Health Workers, Barangay Tanods, SK Chairperson Arrish Owen Oleo kaupod man ang iya Sangguniang Kabataan Council kag sa mga pumuluyo sang Barangay Tanza Sur sa inyo imbistasyon nga akon mangin parte sining madinalag-on nga selebrasyon.

𝐁𝐑𝐈𝐆𝐀𝐃𝐀 𝐄𝐒𝐊𝐖𝐄𝐋𝐀 – 𝐏𝐀𝐖𝐀 𝐄𝐋𝐄𝐌𝐄𝐍𝐓𝐀𝐑𝐘 𝐒𝐂𝐇𝐎𝐎𝐋

Nangin kabahin kita sang Brigada Eskwela 2026 sang Pawa Elementary School kag guinakalipay ko gid nga makita ang pagbinuligay para sa aton mga barangay officials, estudyante. guinikanan kag ang pamunuan sang Pawa Elementary School sa liderato sang ila School Head, Maam Marites Dolor.

Ang Brigada Eskwela nagasimbolo simbolo sang kooperasyon, pahatag prayoridad sa edukasyon kag pag-atipan sa kinahanglanon sang aton mga kabataan.

Salamat sa tanan nga volunteers, kag stakeholders nga nagbuligay kag nagpakita sang bayanihan.