The Catalyst

ALERT: Sa kalagitnaan ng pagbabarikada ng mga residente laban sa presensya ng mga demolition personnel at pulisya, namataan ang dalawang miyembro ng SWAT sa crane ng Monocrete Corporation na may dala-dalang assault rifle na may scope, kung saan ang isa ay nakatutok umano sa mga residente.

Bandang 11:02 naman ng umaga, naghagis ng tear gas ang demolition team sa loob ng Panday Creek upang puwersahang itulak ang pagpapaalis sa mga residenteng tumututol sa demolisyon.

Ayon sa mga ulat, sa pamumuno ng Monocrete Corporation, mahigit 1,000 elemento ng awtoridad at 15 backhoe na ang ipinakalat sa komunidad. Tinatayang 300 kabahayan ang naapektuhan at ilang residente ang naiulat na nasaktan.

Malinaw na lumalagpas ito sa saklaw ng Writ of Ex*****on (8390-A), kung saan sampung kabahayan lamang ang dapat maapektuhan.