Development Studies Society

𝗜𝗣𝗔𝗚𝗟𝗔𝗕𝗔𝗡 𝗔𝗡𝗚 𝗔𝗞𝗔𝗗𝗘𝗠𝗜𝗞𝗢𝗡𝗚 𝗞𝗔𝗟𝗔𝗬𝗔𝗔𝗡! 𝗟𝗔𝗕𝗔𝗡𝗔𝗡 𝗔𝗡𝗚 𝗣𝗔𝗦𝗜𝗦𝗠𝗢 𝗔𝗧 𝗣𝗔𝗡𝗨𝗡𝗨𝗣𝗜𝗟 𝗡𝗚 𝗘𝗦𝗧𝗔𝗗𝗢!

Noong Hunyo 26, inilunsad ang 𝗗𝗮𝗹𝘂𝘆𝗼𝗻𝗴 𝗞𝗮𝗻𝗮𝘆𝘂𝗻𝗮𝗻: 𝗗𝗲𝗳𝗲𝗻𝗱 𝗔𝗰𝗮𝗱𝗲𝗺𝗶𝗰 𝗙𝗿𝗲𝗲𝗱𝗼𝗺 𝗖𝗮𝗺𝗽𝗮𝗶𝗴𝗻 bilang pagtugon sa lumalalang panunupil sa akademikong kalayaan at sa karapatan ng mga estudyante na matuto kasama ang mamamayan sa pamamagitan ng community integration at fieldwork.

Ang unibersidad ay hindi lamang binubuo ng mga pagkatuto sa loob ng silid-aralan at mga babasahin na kinakailangang tapusin. Bahagi ng tunay na edukasyon ang pakikipamuhay sa mamamayan, pag-aaral sa kongkretong kalagayan ng lipunan, at pagsasabuhay ng mga natutuhan sa pamamagitan ng paglilingkod sa mga batayang sektor.

Subalit sa halip na suportahan ang ganitong uri ng pagkatuto, patuloy na dumarami ang mga hakbang na pumipigil dito. Sa mga nagdaang taon, patuloy na dumarami ang mga burukratikong rekisito at prosesong ipinapataw sa mga estudyante at g**o na nagsasagawa ng immersions at fieldwork. Kasabay nito ang tumitinding surveillance, red-tagging, intimidasyon, at militarisasyon na naglalayong pigilan ang mga kabataang makisalamuha sa mga komunidad at maunawaan ang kongkretong kalagayan ng sambayanan.

Para sa mga mag-aaral ng Araling Pangkaunlaran at iba pang disiplina na nakaugat sa paglilingkod sa mamamayan, ang community integration ay isang mahalagang prosesong nagpapabuhay muli sa pagkatuto, pananaliksik, at pakikipamuhay sa mga magsasaka, mangingisda, manggagawa, katutubo, at iba pang marhinalisadong sektor upang higit na maunawaan ang mga ugat ng kahirapan at kawalan ng katarungan sa lipunan. Ang edukasyong nakakulong sa apat na sulok ng silid-aralan ay hindi sapat upang humubog ng mga lingkod-bayan na tunay na nagsisilbi sa sambayanan.

Mariing kinondena ng Development Studies Society ang mga patakaran at mekanismong naglilimita sa community integration at practicum ng mga estudyante. Sa halip na suportahan ang kritikal na pag-aaral at malayang pananaliksik, nagiging instrumento ang mga ito sa pagpapatahimik at pagkitid ng demokratikong espasyo sa loob at labas ng pamantasan. Ayon kay Niele, Chairperson ng Development Studies Society, "𝗧𝗮𝗸𝗼𝘁 𝗮𝗻𝗴 𝗻𝗲𝗼𝗹𝗶𝗯𝗲𝗿𝗮𝗹 𝗻𝗮 𝗲𝗱𝘂𝗸𝗮𝘀𝘆𝗼𝗻 𝘀𝗮 𝗽𝗮𝗴-𝗮𝗮𝗿𝗮𝗹 𝗻𝗮 𝗹𝘂𝗺𝘂𝗹𝘂𝗯𝗼𝗴 𝘀𝗮 𝗺𝗴𝗮 𝗺𝗮𝘀𝗮𝗻𝗴 𝗺𝗮𝗴𝘀𝗮𝘀𝗮𝗸𝗮 𝗮𝘁 𝗺𝗮𝗻𝗴𝗶𝗻𝗴𝗶𝘀𝗱𝗮, 𝗱𝗮𝗵𝗶𝗹 𝘀𝗮 𝗽𝗮𝗴𝗱𝗮𝗹𝘂𝘆𝗼𝗻𝗴 𝘀𝗮 𝗸𝗮𝗻𝗮𝘆𝘂𝗻𝗮𝗻 𝗻𝗮𝘁𝗶𝗻 𝗻𝗮𝘀𝗶𝘀𝗶𝗽𝗮𝘁 𝗮𝗻𝗴 𝘁𝘂𝗻𝗮𝘆 𝗻𝗮 𝘂𝗴𝗮𝘁 𝗻𝗴 𝗮𝘁𝗶𝗻𝗴 𝗽𝗮𝗴𝗵𝗶𝗵𝗶𝗿𝗮𝗽." Ipinunto niyang ang mga paghihigpit sa community integration ay hindi lamang pumipinsala sa pagkatuto ng mga estudyante, kundi maging sa karapatan nilang magsuri, makiisa, at maglingkod sa mamamayan.

Kasabay nito, iginiit din ng organisasyon na ang pakikipamuhay ay hindi isang pribilehiyo kundi mahalagang bahagi ng isang edukasyong nakaugat sa realidad ng sambayanan. Binigyang-diin ni Marc ng Development Studies Society na hindi maaaring ihiwalay ang edukasyon sa mamamayan. Aniya, ang mga pamantasan ay dapat manatiling espasyo ng malayang pag-iisip at kritikal na pagsusuri, kung saan malayang nakapag-aaral at nakikipag-ugnayan ang mga estudyante sa iba't ibang sektor ng lipunan. "𝗦𝗮𝗽𝗮𝗴𝗸𝗮𝘁 𝗮𝗻𝗴 𝗲𝗱𝘂𝗸𝗮𝘀𝘆𝗼𝗻𝗴 𝗵𝗶𝘄𝗮𝗹𝗮𝘆 𝘀𝗮 𝗺𝗮𝗺𝗮𝗺𝗮𝘆𝗮𝗻 𝗮𝘆 𝗲𝗱𝘂𝗸𝗮𝘀𝘆𝗼𝗻𝗴 𝗵𝘂𝗻𝗴𝗸𝗮𝗴, 𝗮𝘁 𝗮𝗻𝗴 𝗸𝗮𝗮𝗹𝗮𝗺𝗮𝗻𝗴 𝗵𝗶𝗻𝗱𝗶 𝗶𝗻𝗶𝗹𝗶𝗹𝗶𝗻𝗴𝗸𝗼𝗱 𝘀𝗮 𝗯𝗮𝘆𝗮𝗻 𝗮𝘆 𝗸𝗮𝗮𝗹𝗮𝗺𝗮𝗻𝗴 𝗵𝗶𝗻𝗱𝗶 𝗴𝗮𝗻𝗮𝗽 𝗻𝗮 𝗻𝗮𝗽𝗮𝗽𝗮𝗸𝗶𝗻𝗮𝗯𝗮𝗻𝗴𝗮𝗻," pagtatapos niya.

Sa gitna ng tumitinding panunupil, nananawagan ang kampanya sa mga administrasyon ng mga kolehiyo at unibersidad na tumindig para sa akademikong kalayaan, alisin ang mga mapanghadlang na proseso, at ipagtanggol ang mga makabayang mag-aaral laban sa red-tagging at iba pang anyo ng intimidasyon. Iginigiit din ang pagbuwag sa NTF-ELCAC at ang paglalaan ng pampublikong pondo sa mga serbisyong panlipunan, kabilang ang edukasyon, sa halip na sa mga programang nagpapalaganap ng panunupil.
Hinihikayat din ang mas malawak na hanay ng mga kabataan na huwag ikulong ang kanilang pag-aaral sa loob ng mga institusyon kundi dalhin ito sa mga komunidad, kung saan higit na mauunawaan ang materyal na kalagayan ng sambayanang Pilipino.

𝗜𝗻𝗮𝗮𝗻𝘆𝗮𝘆𝗮𝗵𝗮𝗻 𝗻𝗮𝗺𝗶𝗻 𝗮𝗻𝗴 𝗹𝗮𝗵𝗮𝘁 𝗻𝗮 𝗺𝗮𝗸𝗶𝗶𝘀𝗮 𝘀𝗮 𝗽𝗮𝗴𝗽𝗮𝗽𝗮𝗹𝗮𝗸𝗮𝘀 𝗻𝗴 𝗸𝗮𝗺𝗽𝗮𝗻𝘆𝗮𝗻𝗴 𝗽𝗮𝗿𝗮 𝘀𝗮 𝗮𝗸𝗮𝗱𝗲𝗺𝗶𝗸𝗼𝗻𝗴 𝗸𝗮𝗹𝗮𝘆𝗮𝗮𝗻! Sama-sama nating ipagtanggol ang karapatan ng mga estudyante na matuto mula sa mamamayan at igiit ang isang edukasyong tunay na nagsisilbi sa sambayanan.

Magrehistro bilang indibidwal o organisasyon sa:
https://forms.gle/oyFqXuKavj77AtSv6

𝗗𝗘𝗙𝗘𝗡𝗗 𝗔𝗖𝗔𝗗𝗘𝗠𝗜𝗖 𝗙𝗥𝗘𝗘𝗗𝗢𝗠!

Sa gitna ng tumitinding pag-atake sa akademikomg kalaayan, patuloy na nilalansag ng estado ang mga espasyong nagbibigay daan sa mga estudyante upang matuto mula sa masang anakpawis.

Ang community integration at fieldwork sa mga komunidad, lalo na sa kanayunan, ay mahalagang bahagi ng edukasyon lalo na sa proseso ng paglalapat ng teorya sa kongkretong kalagayan ng lipunan. Sa pamamagitan nito, nahuhubog ang mga estudyante hindi lamang bilang mahuhusay na intelektwal kundi bilang mamamayang may malalim na pag-unawa sa mga ugat ng kahirapan, kawalan ng lupa, at iba pang demokratikong suliranin ng sambayanan.

Ngunit sa halip na kilalanin ang halaga nito, patuloy itong tinatarget ng mga naratibo ng “terror grooming” ng NTF-ELCAC. Ang community integration at fieldwork ay ginagawang target ng red-tagging at panunupil. Lalo pa itong pinatitindi ng pagilalim ng administrasyon sa panig ng estado at pinaiigting ang mga burukratikong mga patakaran sa loob ng mga pamantasan. Malinaw ito na pag-atake sa karapatan ng kabataan na matuto, mag-organisa, at makiisa sa sambayanan.

Sa harap ng mga pag-atakeng ito, itatayo ang 𝗗𝗮𝗹𝘂𝘆𝗼𝗻𝗴 𝗞𝗮𝗻𝗮𝘆𝘂𝗻𝗮𝗻: 𝗗𝗲𝗳𝗲𝗻𝗱 𝗔𝗰𝗮𝗱𝗲𝗺𝗶𝗰 𝗙𝗿𝗲𝗲𝗱𝗼𝗺 𝗖𝗮𝗺𝗽𝗮𝗶𝗴𝗻, isang kolektibong panawagan upang ipagtanggol ang karapatan ng mga estudyante sa malaya, makabayan, siyentipeko, at maka-masang edukasyon.

Iniimbitahan ang lahat na dumalo sa forum at makiisa sa pagpapalakas ng kampanya para sa akademikong kalayaan!

🗓 June 26, 2026 (Friday)
🕑 2:00 PM
📍 College of Education Room 204, Benitez Hall, UP Diliman

KABATAAN, MAKIISA SA LABAN NG MASA!

Dama ng mamamayang Pilipino ang krisis sa ilalim ng rehimeng US-Marcos na patuloy ang paggamit ng whole-of-nation approach para sugpuin ang mamamayang lumalaban. Nakikita ang tumitinding militarisasyon sa kanayunan tulad ng nangyaring pamamaslang ng berdugong AFP sa Toboso 19. Ang ganitong represyon ay dama rin ng mga estudyante sa kalunsuran. Lumalala ang red-tagging ng NTF-ELCAC sa mga kabataang-aktibista at ang mga represibong polisiya sa mga unibersidad na yumuyurak sa kalayaang pang-akademiko ng mga estudyante.

Tumataas ang matrikula, lumalala ang kawalan ng katiyakan sa kinabukasan, at lumalayo ang neoliberal na edukasyon sa tunay na pangangailangan ng mamamayan. Sa ganitong kalagayan, maraming estudyante ang nagsisimulang magtanong at magalit, bakit ganito ang sistema at sino ang tunay na nakikinabang dito? Saan ang kinalalagyan ng estudyante sa laban ng masa?

Sumama sa ating Educational Discussion ngayong Biyernes, Hunyo 5 (1-4 PM), sa pagtalakay sa papel ng kapangyarihang estudyante sa malawak na pakikibaka ng masa. Sama-sama nating suriin kung paano nahuhubog ang kamalayang estudyante sa gitna ng krisis, bakit mahalaga ang konkretong pag-unawa sa kalagayan ng masa, at kung bakit walang tunay na kapangyarihang estudyante kung hiwalay ito sa masa.

Susundan ito ng pagkilos at cultural night.
🔻 4:00 PM - Assembly @ CAS Tambayan
🔻 4:30 PM - Protest Action @ CAS Gate
🔻 6:00 PM - Cultural Night @ CAS Oblation

Makilahok at makiisa sa laban para sa ating karapatan!