Sulo

Noong Lunes, Disyembre 14 , inaprubahan ni Pangulong Rodrigo Duterte ang panukala ng Department of Education (DepEd) na magkaroon ng face-to-face discussion sa mga paaralan na nasa mga lugar na mababa ang posibilidad na hawaan ng COVID-19.

Ito ay inalmahan ng ilang mga grupo lalo na sa sektor ng edukasyon, dahil ayon sa kanila, ito ay maaaring maging dahilan ng muling pagtaas ng bilang ng mga kaso ng COVID-19 sa bansa. Ngunit iginiit ng Kalihim ng Edukasyon na si Leonor Briones na ayon sa mga pag-aaral, mas malaki ang posibilidad na mahawaan ng COVID-19 sa loob ng tahanan kaysa sa mga paaralan.

Sang-ayon ba kayo sa naging pahayag ng DepEd? Dapat na nga bang ibalik ang face to face discussion sa mga lugar na low-risk sa COVID-19? Ibahagi ang inyong opinyon sa comment section ng post na ito.

: Isang anyo ng pagkilala sa karapatan sa edukasyon

Tuwing ika-10 ng Disyembre bawat taon, ay ipinagdiriwang ang Pandaigdigang Araw ng Karapatang-Pantao. Ito ay isang espesyal na araw upang ipaalala sa lahat ang kahalagahan ng ating mga karapatan na ating ipinaglaban sa harap ng mga inhustiya, at hindi pagkakapantay-pantay sa loob ng mahabang panahon. Ngayong taon, ang tema ay “Recover Better – Stand Up for Human Rights” na nangangahulugan ng pagbangon mula sa kasalukuyang pandaigdigang suliranin na dulot ng pandemya, at kaalinsabay nito ay ang pagtindig para sa karapatan ng bawat isa para sa isang pantay, nagkakaisa, at makataong mundo.

Ang edukasyon ay isa sa mga batayang karapatan ng bawat Pilipino, at isang mahalagang serbisyong panlipunan na dapat ay natatamasa ng bawat mamamayan. Sa pagpapatupad ng distance learning sa taong pampaaralan 2020-2021, hindi iilan ang mg a suliraning kinaharap ng sektor. Nariyan ang hindi pa naipamimigay na modyul, mabagal na koneksyon sa internet at pahirapan sa paghahatid ng modyul sa mga mag-aaral.

Bukod pa riyan, hindi pa rin natutugunan ang panawagan ng sapat at nakabubuhay na sahod para sa mga g**o at mga non-teaching staff. Nariyan din ang tumataas na bilang ng mga hindi nakakapag-enroll dahil sa kulang na mga kagamitan para sa online class. Bukod pa sa mga ito, marami pa ring kakulangan sa mga kagamitan na angkop sa pagsasagawa ng distance learning gaya ng laptop, smartphone, at iba pa. At hindi pa rin humihinto ang patuloy na pagsagka sa academic freedom, pati na rin ang hayagang pangre-redtag sa mga estudyanteng kritikal sa kasalukyang administrasyon.

Ang mga problemang umusbong ngayong panahon ng bagong kadawyan o new normal, at ang mga matagal nang problema na hindi pa rin natutugunan ng estado ay repleksyon ng problematikong sitwasyon ng sektor ng edukasyon, na ang pangunahing naaapektuhan ay ang mga mag-aaral, g**o, at mga kawani ng paaralan. Ang hindi sapat na pagtugon sa mga problema ng sektor ay isang anyo ng paglabag sa karaatang-pantao ng mga mamamayan.

Ang Sulô ay nakikiisa sa panawagan na tumindig para sa karapatang pantao ng bawat Pilipino na naaapektuhan ng pandemya. Ang grupo ay naniniwala na ang pangunahing adbokasiya nito na ay isang anyo ng pagkilala sa karapatang pantao ng bawat Pilipino, partikular sa karapatan sa de-kalidad, makatao, at ligtas na edukasyon ngayong panahon ng pandemya, pati na rin ang panahon matapos ito.

From Dr. Serafin Arviola of Philippine Normal University-Manila:

Bangon Luzon 4.0
A Relief Operation for the victim of recent typhoon in Albay, Cagayan and Dingalan, Aurora.
We would like to thank all our UNESCO Clubs nationwide, UNESCO Clubs from other countries, partner institutions and individual donors. As of today, December 2, 2020 the total collected in-cash donation is 500,000.00.

We are still accepting in-cash donation via

Landbank
Account Name: NCBUCP INC
Account Number: 1981-1777-69
Branch: LDP-YMCA Branch
Address: 350 A. Villegas St. (formerly Arroceros), Ermita, Manila
Swift Code: TLBPPHMMXX

GCASH number - 09479824155

(Please Send your GCASH transaction and Land Bank deposit slip at [email protected])

For in-kind donation (no used clothes will be allowed), you can bring it at Eurotel Hotel North Edsa on December 9-10, 2020 from 10:00 am to 3:00 pm. We are at the second floor function room for the repacking of relief goods. These relief goods will go to Dingalan, Aurora.

Our UNESCO Clubs spearheaded by St. Paul University PVCD in Cagayan is now repacking the relief goods to be distributed in the most affected areas brought about by the floods.

Sa Patuloy na Pagbangon at Pagsulong: Mga Inisyatibo para sa mga Naapektuhan ng Nagdaang Kalamidad

Hindi maikakaila ang mga epekto at pinsala ng mga nagdaang bagyo mula Rolly hanggang Ulysses. Maraming buhay, ari-arian ang nasalanta ng mga ito. Patuloy pa ring naghihirap ang marami sa ating mga kababayan ngayong panahon ng kalamidad. Hindi rin maitatanggi na naapektuhan din nito ang sektor ng edukasyon sa pangkabuuan, mula sa mga pasilidad hanggang sa mga mahahalagang tao na gumagampan dito gaya ng mga g**o, mag-aaral, non-teaching personnel, pati na rin ang mga opisyales at administrasyon ng mga paaralan.

Bilang tugon sa mga epekto ng mga nagdaang kalamidad, narito ang ilang mga inisyatibo at donation drives na maaaring paglagakan ng mga tulong at donasyon para sa ating mga kababayang nasalanta.

Naniniwala ang Sulô na sama-sama tayong makakabangon pagkatapos ng sakuna, at walang dapat maiwan dito. Makababangon tayo, at muling kikilos para sa ating kinabukasan at maayos na buhay na nararapat para sa bawat isa sa atin.

PAHABOL: Maaaring maglagay ang bawat isa ng mga detalye ng kanilang mga inisyatibo at donation drive para sa mga nasalanta ng mga bagyo.