MajayjayOpenSky

Ang pangalan niya ay Tessie Agana, isang tubong Majayjay, Laguna.

Si Tessie—Maria Theresa Rigotti Agana sa tunay na buhay—ay isinilang noong Mayo 16, 1942. Siya ay anak ng beteranang aktres na si Linda Estrella at ni Dr. Adriano Agana.

Ayon sa pahayag ng digital group na Memories of Old Manila (MOM), si Tessie ang itinuturing na kauna-unahang pangunahing child superstar sa Pilipinas.

“Ang unang pangunahing Filipino child superstar ay malawakang kinikilalang si Tessie Agana, na kilala bilang ‘original child wonder,’” ayon sa MOM.

Sinabi ng grupo na si Agana ang nagbukas ng landas para sa maraming makabagong artista na nagsimula bilang child stars at kalauna’y naging malalaki at pinarangalan na aktres.

“…naglatag sila ng daan para sa mga sumunod na bituin tulad nina Vilma Santos, Snooky Serna, at Serena Dalrymple…,” ayon pa sa grupo.

Idinagdag nito na ang mga nabanggit na dating child stars ay mga tagapagmana ng isang alamat na aktres na sumikat sa pagsilang ng lokal na sinema sa pagsapit ng ika-20 siglo.

“…kung saan si Atang de la Rama ay madalas ituring na kauna-unahang pangkalahatang bituin ng pelikulang Pilipino mula sa panahon ng silent films…,” ayon sa manifesto ng MOM.

Tinagurian si Agana bilang tagapagligtas ng Sampaguita Pictures noong panahong ito ay dumaranas ng pagkalugi.

Si Tessie raw ang “nagligtas sa Sampaguita Pictures sa pamamagitan ng kanyang napakalaking hit na Roberta noong dekada 1950…”

Ang pag-angat ni Agana sa kasikatan ay isang huwaran. “Ang kanyang pambihirang papel sa Roberta ay naging isang napakalaking tagumpay sa takilya, nagligtas sa Sampaguita Pictures mula sa pagkalugi, at nagdala sa kanya sa pambansang kasikatan.”

Ayon sa MOM, ang pamana ni Tessie Agana:

“Siya ang naglatag ng daan para sa maraming child actors, at naging kauna-unahang ikonikong child star ng Pilipinas.”

Maraming taga-Majayjay ang ipinagmamalaki si Tessie Agana.

“eksena sa isang pelikula na
ginanap sa ating bayan”
(colorized)