Search The Scripture Ministry

HINDI KA MAGIGING EPEKTIBO SA MINISTRY KUNG MADALI KANG MAGTAMPO

Sa paglilingkod sa Diyos, hindi lahat ng pagkakataon ay puno ng papuri at pagkilala. May mga araw na hindi ka mapapansin, hindi ka maa-appreciate, at may mga pagkakataong hindi ka maiintindihan ng iba.

Ngunit tandaan natin na ang ministeryo ay hindi tungkol sa ating sarili. Ito ay tungkol kay Cristo at sa Kanyang gawain.

Kapag ang isang lingkod ay madaling magtampo, madali rin siyang panghinaan ng loob. Ngunit ang isang pusong tunay na nakatuon sa Diyos ay natututong magpatawad, magpakumbaba, at magpatuloy sa kabila ng mga pagsubok.

Hindi lahat ng pagtutuwid ay pag-atake. Minsan, ginagamit ng Diyos ang pagsaway upang tayo ay lumago at maging mas mabuting manggagawa sa Kanyang ubasan.

Kaya kung may nakasakit sa iyo, matutong magpatawad.
Kung may hindi pumansin sa iyo, magpatuloy ka pa rin.
Kung may tumuwid sa iyo, tanggapin mo nang may pagpapakumbaba.

Sapagkat hindi tayo naglilingkod para sa papuri ng tao kundi para sa kaluwalhatian ng Diyos.

“Maging matatag kayo at huwag matinag. Laging maging masigasig sa gawain ng Panginoon.”
— 1 Corinto 15:58

ISANG MAPAGPALANG UMAGA SA LAHAT 🙏 🙏

Isa sa mga pinakamalaking pagpapala na patuloy na ibinibigay ng Panginoon sa iyo ay ang paggising mo tuwing umaga. Bawat bagong araw ay panibagong pagkakataon upang maranasan ang Kanyang pag-ibig, biyaya, at paggabay.

"This is the day which the LORD hath made; we will rejoice and be glad in it."
— Psalm 118:24 (KJV)