Provincial Engineer's Office

Tree planting para sa kalikasan, para sa kinabukasan.

Kaninang umaga sa Sampinit Complex, pinangunahan ni Gov. Mujiv Hataman ang tree growing activity kung saan mahigit kumulang 3,000 na punongkahoy, kabilang ang narra at mahogany, ang itinanim ng daan-daang mga empleyado ng Provincial Government of Basilan kasama ang AFP, PNP, MENRE, Isabela LGU, CENRO, MPW, MBHTE at iba pang line agencies.

Kasama rin ang mga kabataan na buong sigasig na tumulong sa pagtatanim, isang simbolo ng sama-samang pagkilos ng mga Basileño para protektahan ang kagubatan at kalikasan ng lalawigan.

Nagpasalamat si Gov. Mujiv sa lahat ng nakibahagi sa aktibidad at hinikayat ang lahat na ipagpatuloy ang ganitong mga inisyatiba para sa mas luntiang Basilan.