ALAB Filipino

Maligayang kaarawan, Ma’am Stephanie Domingo Vizon! 🎉❤️ Mula sa samahan ng Alab, taos-puso kaming nagpapasalamat sa iyong walang sawang paggabay at inspirasyon. Nawa’y punuin ng saya, pagmamahal, at pagpapala ang iyong espesyal na araw. 🎂📚

𝗟𝗮𝗸𝗮𝗱 𝗽𝗮𝗿𝗮 𝘀𝗮 𝗪𝗶𝗸𝗮 𝗮𝘁 𝗞𝗮𝗹𝗶𝗸𝗮𝘀𝗮𝗻 𝟐𝟎𝟐𝟓🌿👣

Bitbit ang mga islogan na may temang
“𝑹𝒆𝒔𝒑𝒐𝒏𝒔𝒂𝒃𝒍𝒆𝒏𝒈 𝑲𝒂𝒃𝒂𝒕𝒂𝒂𝒏: 𝑲𝒂𝒂𝒌𝒊𝒃𝒂𝒕 𝒂𝒏𝒈 𝑷𝒂𝒈𝒊𝒈𝒊𝒏𝒈 𝑴𝒂𝒌𝒂𝒃𝒂𝒚𝒂𝒏 𝒂𝒕 𝑴𝒂𝒌𝒂𝒌𝒂𝒍𝒊𝒌𝒂𝒔𝒂𝒏”, sabay-sabay nating inihayag sa mga Brgy. St. John at Saranay na gamitin ang Wikang Filipino sa pangangalaga ng ating kalikasan 💚

Hindi lang ito simpleng paglalakad—ito’y lakad ng pagkakaisa at malasakit, kung saan ipinakita ng mga mag-aaral ng BSNHS-SHS ang pagiging makabayan sa wika at makakalikasan sa gawa. 🙌 Kasabay ng paghawak ng tarpaulin, bitbit din ang responsibilidad habang namumulot ng kalat upang linisin ang ating komunidad. 🌎✨

Salamat sa lahat ng nakiisa—tunay kayong huwarang kabataan! 💙

𝐒𝐚 𝐛𝐚𝐰𝐚𝐭 𝐬𝐚𝐥𝐢𝐭𝐚 𝐚𝐭 𝐬𝐢𝐧𝐢𝐧𝐠, 𝐬𝐮𝐦𝐢𝐬𝐢𝐛𝐨𝐥 𝐚𝐧𝐠 𝐩𝐚𝐠𝐤𝐚𝐤𝐚𝐢𝐬𝐚. 💙

Buong buwan ng Agosto, ipinagdiwang natin ang 𝘽𝙪𝙬𝙖𝙣 𝙣𝙜 𝙒𝙞𝙠𝙖𝙣𝙜 𝙋𝙖𝙢𝙗𝙖𝙣𝙨𝙖 na may temang “𝑷𝒂𝒈𝒍𝒊𝒏𝒂𝒏𝒈 𝒔𝒂 𝑭𝒊𝒍𝒊𝒑𝒊𝒏𝒐 𝒂𝒕 𝑲𝒂𝒕𝒖𝒕𝒖𝒃𝒐𝒏𝒈 𝑾𝒊𝒌𝒂: 𝑴𝒂𝒌𝒂𝒔𝒂𝒚𝒔𝒂𝒚𝒂𝒏 𝒔𝒂 𝑷𝒂𝒈𝒌𝒂𝒌𝒂𝒊𝒔𝒂 𝒏𝒈 𝑩𝒂𝒏𝒔𝒂” sa pamamagitan ng iba’t ibang makabuluhang gawain— mula sa 𝙈𝙪𝙠𝙝𝙖 𝙣𝙜 𝙒𝙞𝙠𝙖 𝙖𝙩 𝙎𝙞𝙣𝙞𝙣𝙜, 𝙒𝙄𝙆𝙎𝙄𝙆𝘼𝙉 𝟐𝟎𝟐𝟓, 𝙄𝙨𝙡𝙤𝙜𝙖𝙣, 𝘿𝙖𝙜𝙡𝙞𝙖𝙣𝙜 𝙏𝙖𝙡𝙪𝙢𝙥𝙖𝙩𝙞 𝙖𝙩 𝙎𝙥𝙤𝙠𝙚𝙣 𝙒𝙤𝙧𝙙 𝙋𝙤𝙚𝙩𝙧𝙮 𝙝𝙖𝙣𝙜𝙜𝙖𝙣𝙜 𝙨𝙖 𝙥𝙞𝙣𝙖𝙠𝙖𝙩𝙖𝙢𝙥𝙤𝙠 𝙣𝙖 𝙇𝙖𝙠𝙖𝙙 𝙥𝙖𝙧𝙖 𝙨𝙖 𝙒𝙞𝙠𝙖 𝙖𝙩 𝙆𝙖𝙡𝙞𝙠𝙖𝙨𝙖𝙣. 🌿👣

Lubos ang aming pasasalamat sa lahat ng g**o, mag-aaral, at katuwang na naging bahagi ng matagumpay na pagdiriwang. 💙 Higit lalo sa ating Poong Maykapal na siyang nagbigay ng lakas at talino sa mga g**o at mag-aaral na nanguna sa pagdiriwang 🙏

Ang inyong pakikiisa ang tunay na tagumpay ng aming pagdiriwang! 💙🙏

Ngayong Intramurals 2025, hindi lang laro at sigawan ang bida, may pampalamig din para sa mga bumida 🏀 🏐 🏸 ♟️ 🕺 🏓 🏃‍♂️ 🎮

Salamat sa lahat ng bumili at sumuporta! 💙🙏

Sa bawat dilpat 😋 ramdam namin na ang inyong suporta’y sapat! 🥰

𝙅𝙐𝙎𝙏 𝙄𝙉 | Sinisimulan na ang pagdiriwang ng Buwan ng Wika sa pamamagitan ng pagsasagawa ng Poster Making Competition sa Senior High School Quadrangle kaugnay ang temang Ang Paglilinang ng Filipino at Katutubong Wika: Makasaysayan sa Pagbuo ng Bansa.

Kabilang ang mga mag-aaral ng Grade 11 at 12 sa naturang kompetisyong pinangungunahan ng HUMSS Department.

Ang Bartolome Sangalang National High School ay nakikiisa sa pagdiriwang ng 𝘽𝙪𝙬𝙖𝙣 𝙣𝙜 𝙒𝙞𝙠𝙖𝙣𝙜 𝙋𝙖𝙢𝙗𝙖𝙣𝙨𝙖 na may temang
“𝑷𝒂𝒈𝒍𝒊𝒏𝒂𝒏𝒈 𝒔𝒂 𝑭𝒊𝒍𝒊𝒑𝒊𝒏𝒐 𝒂𝒕 𝑲𝒂𝒕𝒖𝒕𝒖𝒃𝒐𝒏𝒈 𝑾𝒊𝒌𝒂: 𝑴𝒂𝒌𝒂𝒔𝒂𝒚𝒔𝒂𝒚𝒂𝒏 𝒔𝒂 𝑷𝒂𝒈𝒌𝒂𝒌𝒂𝒊𝒔𝒂 𝒏𝒈 𝑩𝒂𝒏𝒔𝒂”✍

𝗜𝘀𝗮𝗻𝗴 𝗺𝗮𝗽𝗮𝗴𝗽𝗮𝗹𝗮𝗻𝗴 𝗮𝗿𝗮𝘄 𝘀𝗮 𝗹𝗮𝗵𝗮𝘁!☀️

Ngayong araw na ito ay nais naming ihandog at ipakilala ang bagong mga opisyales ng 𝗔𝗟𝗔𝗕 𝗙𝗜𝗟𝗜𝗣𝗜𝗡𝗢 para sa taong panuruan 𝟐𝟎𝟐𝟓-𝟐𝟎𝟐𝟔✍ na kanilang pangungunahan, sila ang panibagong henerasyon ng mga kabataang mayroong layuning mas palaganapin, itaguyod, at paunlarin ang mayamang kultura nating mga Pilipino.

Nariyan din ang mga g**ong siyang gagabay at magsisilbing haligi upang mas maging matibay ang ating samahan. Ang mga Gurong Tagapayo at mga Katuwang na Tagapayo! Ang kanilang umaapaw na suporta at dedikasyon ang siyang magiging tulay upang marating ang tagumpay na inaasam ng 𝗔𝗟𝗔𝗕 𝗙𝗶𝗹𝗶𝗽𝗶𝗻𝗼.🔥

Ang bawat isa sa kanila ay mayroong mahalagang papel na gagampanan upang mas pag-alabin ang nagbabagang puso ng samahang 𝗔𝗟𝗔𝗕 𝗙𝗶𝗹𝗶𝗽𝗶𝗻𝗼. Ang dedikasyon ng bawat isa ang siyang magiging instrumento upang tiyak na maabot ang minimithing tagumpay ng 𝗔𝗟𝗔𝗕 𝗙𝗶𝗹𝗶𝗽𝗶𝗻𝗼!🔥

✨Maraming salamat, at isang mainit na pagbati mula sa mga opisyales ng ating minamahal na samahang 𝗔𝗟𝗔𝗕 𝗙𝗶𝗹𝗶𝗽𝗶𝗻𝗼!🔥

𝐏𝐮𝐬𝐨'𝐲 𝐩𝐚𝐠-𝐚𝐥𝐚𝐛𝐢𝐧, 𝐩𝐚𝐠𝐦𝐚𝐦𝐚𝐡𝐚𝐥 𝐬𝐚 𝐤𝐮𝐥𝐭𝐮𝐫𝐚𝐧𝐠 𝐏𝐢𝐥𝐢𝐩𝐢𝐧𝐨'𝐲 𝐚𝐭𝐢𝐧𝐠 𝐩𝐚𝐭𝐮𝐥𝐨𝐲 𝐧𝐚 𝐩𝐚𝐠-𝐢𝐧𝐢𝐭𝐢𝐧!🔥🇵🇭

Maayong adlaw sa ating lahat mga ka ALAB🙋
Natatandaan niyo pa ba ang salitang Padayon?
bagama't hindi na natin ito masyadong nagagamit o naririnig.

Kaya naman, muli nating balikan at pag-aralan ang mga salitang napag-iwanan na sa paglipas ng panahon.📜

Ang salitang "padayon" ay nagmula sa wikang Bisaya (Cebuano) at karaniwan itong ginagamit bilang panawagan o pahayag ng pagpapatuloy.

Halimbawa ng gamit:
"Padayon lang sa imong mga pangandoy."
Sa Tagalog: Ipagpatuloy mo lang ang iyong mga pangarap.

Padayon, BSNHS Batch 2025!

Ang inyong tagumpay ay bunga ng sipag, tiyaga, at determinasyong humubog sa inyo sa loob ng mga taon. Habang tinatahak ninyo ang panibagong yugto ng buhay, dalhin ninyo ang puso at dangal ng BSNHS. Mabuhay kayo, mga bagong bituin ng kinabukasan!

Mainit na pagbati mula sa ALAB FILIPINO CLUB 2024-2025❤️‍🔥

𝗣𝗨𝗦𝗢 𝗠𝗢, 𝗔𝗞𝗜𝗡 𝗡𝗔! 💘💅

Maligayang Araw ng mga Puso, mga ka-ALAB! 💖💋 Ngayong araw, ipagdiwang natin ang pagmamahal para sa pamilya, kaibigan, minamahal (kung meron 😆), at higit sa lahat, para sa sarili! 💗✨

Sa araw na ito, ipakita natin ang pagpapahalaga sa mga taong mahalaga sa atin. Isang simpleng ngiti, yakap, o mensahe ay sapat na para ipadama ang pagmamahal. Higit sa lahat, huwag kalimutang bigyan ng oras ang sarili dahil ang tunay na pag-ibig ay nagsisimula sa pagmamahal sa sarili.

𝗠𝗮𝗹𝗶𝗴𝗮𝘆𝗮𝗻𝗴 𝗔𝗿𝗮𝘄 𝗻𝗴 𝗺𝗴𝗮 𝗣𝘂𝘀𝗼! 💝💐

Maligayang kaarawan Doc Mario!!
Salamat po sa inyong sipag, tiyaga, at sa pagiging isang huwarang modelo sa loob at labas ng paaralan. Pagpalain po kayo ng mas marami pang taon ng kalusugan, tagumpay, at kasiyahan!