KALADKARINGgala

DAYUHANG BIKTIMA NG LOVE SCAM, NASTRANDED, TINULUNGAN NG MGA PULIS

Bilang tugon sa adbokasiya ng administrasyon ni Pangulo Ferdinand R. Marcos Jr. na itaguyod ang isang maka-tao at may malasakit na pamahalaan, muling ipinamalas ng Philippine National Police (PNP) ang tunay na diwa ng public service sa pagtulong sa isang banyagang turista na nabiktima ng love scam sa Davao International Airport.

Noong April 11, 2025, bandang 7:45 ng umaga, isang 62-anyos na Canadian citizen ang napansing paikot-ikot sa loob at labas ng Passenger Airport Terminal Building, halatang naguguluhan at balisa. Agad itong ini-report ng ilang empleyado ng paliparan kay Police Executive Master Sergeant (PEMS) Donalyn T. Doromal ng Davao International Airport Police Station (DIAPS), na walang atubiling nilapitan ang dayuhan.

Sa mabilisang pag-uusap, ibinahagi ng foreigner na bumiyahe siya pa-Davao para makipagkita sa kanyang "girlfriend." Subalit, ayon sa kanya, ito'y panlilinlang lamang—hinihingian siya ng pera ng babae at nang makuha ito ay hindi na muling nagpakita. Naubos na ang kanyang pera at wala nang pantiket pabalik.

Hindi nagdalawang-isip si PEMS Doromal. Sa pamamagitan ng tulong-tulong na inisyatibo ng lahat ng naka-duty na DIAPS personnel, nakalikom sila ng voluntary contribution. Ang nasabing halaga ay ginamit para makabili ng plane ticket para sa Canadian national, na kalauna’y nakasakay sa Philippine Airlines flight PR 1806 patungong Maynila.

Lubos ang pasasalamat ng banyaga sa kabaitan ng mga pulis.

Sa pahayag ni Chief PNP, PGen Rommel Francisco D. Marbil, kanyang pinuri ang kabayanihang ipinamalas ng DIAPS personnel:

“Ang ating mga pulis ay hindi lang tagapagpatupad ng batas, kundi mga tagapagtaguyod din ng malasakit. Ang ginawa ng ating DIAPS personnel ay sumasalamin sa tunay na puso ng PNP. Nandito tayo para maglingkod at magprotekta—may puso, may malasakit, at makatao.”

Muling pinagtitibay ng PNP ang kanilang panata sa taos-pusong serbisyo publiko—para sa lahat, mapa-Pilipino man o banyaga. Isa itong patunay na sa panahon ng pangangailangan, andiyan ang kapulisan na handang tumulong nang walang hinihintay na kapalit.

Gospel: Mark 16:9-15
Reflection: Jesus Commissioning the Disciples
April 25, 2025

PNP CHIEF PGEN MARBIL BUMISITA SA RIZAL, CAGAYAN, INUTOS ANG MASUSING IMBESTIGASYON SA PAGPASLANG KAY MAYOR RUMA

Alinsunod sa direktiba ng Pangulong Ferdinand R Marcos Jr, personal na bumisita si Philippine National Police (PNP) Chief PGen Rommel Francisco Marbil sa Rizal, Cagayan ngayong Abril 25, 2025, upang suriin ang progreso ng imbestigasyon sa pagpaslang kay Rizal Mayor Joel A. Ruma.

Sinimulan ni PGen Marbil ang kanyang pagbisita sa Barangay Gagabutan, Rizal sa pagdalaw sa burol ng yumaong Mayor Ruma upang ipaabot ang kanyang pakikiramay sa pamilya nito.

Matapos magbigay ng respeto, nagtungo si PGen Marbil sa lugar ng krimen sa Barangay Illuru Sur upang personal na makita ang mga detalye ng insidente at tiyakin ang masusing pagsuri ng bawat aspeto ng imbestigasyon.

Pagkatapos ng pagbisita sa lugar ng krimen, nakipagpulong si PGen Marbil sa mga tauhan ng Rizal Police Station at mga kasamang yunit. Sa pulong na ito, binigyang-diin niya ang kahalagahan ng masusing imbestigasyon, at hinikayat ang koponan na maging masigasig sa paghahanap ng hustisya. “Ang kaligtasan ng ating mga mamamayan ay responsibilidad natin, at mas panatag ang kanilang loob kapag nakikita nila tayo sa lansangan, lalo na sa mga lugar na may mataas na tensyon tuwing panahon ng halalan. Kaya’t pinapalakas natin ang presensya ng pulisya upang masiguro ang kapayapaan at kaayusan,” ani PGen Marbil.

Kinalaunan, dumalo si PGen Marbil sa pulong ng Special Investigation Task Group (SITG), kung saan ibinahagi ang mga update sa imbestigasyon. Ang SITG, na binuo ng Police Regional Office 2, ay walang tigil na nagtatrabaho upang matuklasan ang mga detalye ng pagpaslang. Maingat na sinusuri ng task group ang mga ebidensya, kabilang ang CCTV footages mula sa lugar ng krimen, at tinutukoy ang mga posibleng saksi, upang masiguro na ang lahat ng ebidensya ay maayos na magagamit sa korte.

Bilang patunay ng dedikasyon ng PNP sa paghahanap ng hustisya, tiniyak ni PGen Marbil ang buong suporta para sa Police Regional Office 2 at SITG. “Kami ay nakatuon sa pagbibigay ng hustisya para kay Mayor Ruma, sa dalawa pang biktima, at sa mga residente ng Rizal, Cagayan,” kanyang idineklara.

Kasama ni PGen Marbil sa kanyang pagbisita sina PLtGen Jose Melencio C. Nartatez Jr., Deputy Chief PNP for Administration, at PMGen Nicolas Salvador, The Director for Operations.

Ang pagbisita ni PGen Marbil ay nagbigay-diin sa papel ng PNP sa pagpapatupad ng mga prinsipyo ng Bagong Pilipinas na pamamahala ni Pangulong Ferdinand Marcos Jr., na naglalayong lumikha ng mas ligtas at mas nagkakaisang bansa. “Ang Bagong Pilipinas initiative ay nagbibigay-diin sa transparency, hustisya, at kapayapaan, at ang PNP ay matatag sa kanilang dedikasyon sa mga layuning ito,” ani PGen Marbil.