Lens and Letters

#𝐇𝐀𝐆𝐔𝐏𝐈𝐓 𝐏𝐀𝐓𝐔𝐋𝐎𝐘 𝐀𝐍𝐆 𝐏𝐀𝐆𝐆𝐀𝐋𝐀𝐖 𝐏𝐀𝐓𝐔𝐍𝐆𝐎𝐍𝐆 𝐖𝐄𝐒𝐓-𝐍𝐎𝐑𝐓𝐇𝐖𝐄𝐒𝐓, 𝐏𝐎𝐒𝐈𝐁𝐋𝐄𝐍𝐆 𝐏𝐀𝐒𝐎𝐊 𝐒𝐀 𝐏𝐀𝐑 𝐒𝐀 𝐋𝐈𝐍𝐆𝐆𝐎

Patuloy na kumikilos pakanluran-hilagang kanluran o west-northwestward ang Tropical Storm “HAGUPIT” habang nananatili ang lakas nito, ayon sa pinakahuling abiso ng DOST-PAGASA na inilabas alas-11:00 ng gabi nitong Mayo 7, 2026.

Huling namataan ang sentro ng bagyo sa layong 1,750 kilometro silangan ng Northeastern Mindanao, nasa labas pa ng Philippine Area of Responsibility (PAR).

Taglay ng bagyo ang lakas ng hanging aabot sa 65 km/h malapit sa gitna at pagbugsong hanggang 80 km/h. Kumikilos ito sa bilis na 10 km/h.

Ayon sa DOST-PAGASA, inaasahang papasok ang bagyo sa loob ng PAR sa pagitan ng Sabado ng gabi, Mayo 9, at Linggo ng umaga, Mayo 10, at tatawagin itong “Caloy” kapag nasa loob na ng bansa.

Posible pang lumakas si “HAGUPIT” sa loob ng susunod na 24 oras bago unti-unting humina dahil sa hindi paborableng kondisyon ng panahon. Maaari rin itong maging isang tropical depression pagsapit ng Lunes ng gabi, Mayo 11, habang nasa Philippine Sea.

Sa ngayon, sinabi ng PAGASA na mababa pa ang posibilidad na direktang makaapekto ang bagyo sa lagay ng panahon at karagatan sa loob ng susunod na tatlong araw.

Pinapayuhan ang publiko at mga lokal na tanggapan ng disaster risk reduction and management na patuloy na magmonitor ng mga susunod na ulat at abiso kaugnay ng bagyong “HAGUPIT.”

Courtesy/Screengrab Photos from by: DOST-PAGASA page