Rommel L. Rutor

Somewhere to the North ... Solo BDay Trip muna, yung walang hassle, walang mind you, walang others -- just I, Me and Myself. 😍😍😍

Sundalo natad-an patay ha sulod han Creek ha Bungto han Gandara

CALBIGA, Samar (May 28, 2026) -- Usa nga aktibo nga sundalo an natad-an waray na kinabuhi ha usa nga kanal o creek ha usa nga ginhihingayad nga Kalsada han Maharlika Highway dapit ha Barangay Diaz ha Bungto han Gandara.

Kaupod han patay ng lawas an usa nga motor nga daw upod nga nataktak kaupod an biktima ha nasabi nga Creek.

Ha inisyal nga impormasyon tikang han mga otoridad, usa nga concerned citizen iton nagpahibaro ha mga otoridad kanina han aga nga samtang nanginginano ine han mga nagumok nga mga Caution Tape ngan warning signs ha ginhihingayad nga Kalsada dapit ha Brgy. Diaz han nasabi nga Bungto, nahikit-an hine an biktima nga nakadto ha sulod han Creek nga kaparte manta han ginhihingayad nga Kalsada.

Ha pag-responde han mga otoridad, naabtan an biktima nga kulob nga nalutaw ha nasabi nga Creek, kaupod an motorsiklo, belt bag nga sulod an mga alahas ngan higamit hine, sugad an pusil nga isyu ha nasabi nga Biktima.

An biktima in ginkilala ha Alyas nga Sonny, 39 anyos, ngan residente han Brgy. Sto. Nino, Gandara, Samar -- ngan usa nga aktibo nga sundalo han 8th Infantry Division han Philippine Army.

Nahitad-an biktima nga mayda hilarum nga samad dapit ha may agtang hine.

Dire pa klaro kun naaksidente han nasabi nga gin aayad nga Kalsada, kundi nagpapadayon an imbestigasyon han kapulisan, sugad han Pag review han mga CCTV ha nasabi nga lugar, basi mabaruan an hinungdan han Hitabo. # # #