Dugong Bayani - Mayor Ross Rizal

MOA Signing Between Calamba at Santa Rosa para sa Pagpapatuloy ng Drug Rehabilitation Habang Itinatayo ang sarili nating Balay Silangan Reformation and Rehabilitation Center sa Brgy. Makiling. 🫂💙

Lumagda ang Pamahalaang Lungsod ng Calamba at Pamahalaang Lungsod ng Santa Rosa, sa panguguna ni Mayor Arlene Arcillas, sa isang Memorandum of Agreement para sa paggamit ng Balay Silangan ng Santa Rosa bilang pansamantalang reformation at rehabilitation facility para sa mga kwalipikadong drug surrenderers mula sa ating lungsod.

Habang isinasagawa ang konstruksyon ng sarili nating Balay Silangan Reformation and Rehabilitation Center sa Brgy. Makiling, tinitiyak natin na tuloy-tuloy ang pagbibigay ng kinakailangang intervention, rehabilitasyon, at suporta sa mga nagnanais magbagong-buhay.

Isang mahalagang hakbang tungo sa mas ligtas, mas maayos, at mas mapayapang Calamba.

Sa pamamahagi ng Learner’s Kit sa Tiyani Elementary School at Castor Alviar National High School, hindi lamang tayo nagbigay ng mga gamit sa pag-aaral—nagbigay rin tayo ng dagdag na inspirasyon at kumpiyansa upang mas lalo nilang pagbutihin ang kanilang pag-aaral.

Sa bawat notebook na mabubuksan, lapis na magagamit, at araling matututunan, nawa’y magsilbi itong paalala na marami ang naniniwala sa kanilang kakayahan at mga pangarap.

Patuloy nating suportahan ang edukasyon, dahil ang bawat batang natutulungan ngayon ay may kakayahang magdala ng positibong pagbabago para sa ating lungsod at sa ating bayan bukas. 💙📖