Jhen Vibes

USEC. CASTRO, SINABING MASASAYANG ANG MAGANDANG NAGAWA NI MARCOS SA BAYAN KAPAG HINDI ITO PINAGPATULOY NG SUSUNOD NA PANGULO

Ibinahagi ni Palace Press Officer Atty. Claire Castro na maaring masayang ang mga magagandang nagawa ni Pangulong Ferdinand "Bongbong" Marcos Jr. para sa bayan kung hindi ito ipagpapatuloy na susunod na pangulo ng Pilipinas.

Sa isang press briefing, nilinaw ni Castro na nag-aalala lamang ang pangulo na masayang ang mga pinaghirapan nito para maayos ang bansang Pilipinas.

Ayon kay Castro, isa sa mga nagawang mabuti ni Marcos ay ang pagpapa-imbestiga sa mga anomalya sa flood control project.

"Isa lamang ito sa maaari nating masabi na magandang ginawa ng Pangulo. Hindi na ito malilimutan ng mga kababayan natin. At ang mga proyekto, nakita po natin—katulad po ngayon, ang mabilis na paggalaw/pagkilos ng Pangulo sa panahon ng nangyayaring krisis dito sa Middle East, ito po ang masasayang kung ang pipiliin nating lider ay hindi maipagpapatuloy itong naging mga gawain ng Pangulo. ani Castro.

"So, nakakahinayang po talaga dahil baka mamayagpag muli ang mga hindi dapat na mamayagpag at makalimutan na panagutin ang dapat na managot," dagdag pa niya.