Luces

Mag-ogma, Mag-ogma O simbahan nin Dios, simo nagliliwanag an Kagtubos!
Mapano man ini nin kaogmahan, mga awit nin bilog na banwaan!
-Exsultet

SALAMAT SA DIOS, ALLELUIA! ALLELUIA!
Happy EASTER po sa saindo, mga Ka-Luces!
💛💙💛💙

Mamundong aldaw, alagad ginigiromdom nin huli sa dakulang pagkamoot asin sakripisyo,nin huli ta: "Inako niya an kagadanan, kagadanan duman sa cruz, asin tinawan nin ngaran kaya initaas siya nin Dios na orog kisa gabos na ngaran." (Filipos 2:8-9)

BACK INTO GOD’S LOVING EMBRACE

Sabi ngani sa sarong awit: "Magbalik sa Dios, Magbalik kita!"

Ini sarong pangapodan na dapat niatong gibohon sa bilog niatong puso. Sa pagtapos kan Panahon nin Cuaresma, ini an nanonodan ta asin dapat na manodan: Magbalik kita.

Kun may parte sa satuya na nasasakitan kita o may parteng nawawaran na kita ning paglaom, magbalik lang kita saiya ta siya an paglaom.

Kun dai niato namamatean an pagkamoot, magbalik lang saiya ta siya an pagkamoot.

Nag-aalok siya.

Nangangapodan siya.

Namomotan kita.

Kaya kita inaapod, inaalok kita na magbakle, MAGBALIK.

Ngonian na Semana Santa, dawa ngani gano kasakit an Buhay, an Dios yaon man sato, nag-hahalat na kita magbalik saiya.

Mga Tugang, sa halipot na mga tataramon na ini, nag-aalok an Dios, nag-iimbitar an Dios na magbalik kita saiya, magbakle nin salang gibo asin magbagong buhay. Sa mga huring momentos kan Semana Santa, MAGHUROP-HUROP kita para makanood, MAMIBI kita para magmoot, asin MAGBALIK kita saiya para mamatean niato giraray an saiyang KUGOS, KUGOS NIN PAGKAMOOT.

Dai mawaran nin paglaom, siya namomoot, kinukugos niya kita.