Basey Municipal Tourism Development Office

KITAA: Agud magin hapsay an mga buruhaton para han tidaraon nga kapatronan han bungto han Basey, ginbuhat yana nga adlaw, Hulyo 03, 2026, ha Mayor's Office Conference Room an coordination meeting ha panguna ni MTDO Evangelina O. Ritaga kaupod an Cultural Team, SK Chairpersons han poblacion barangays pinangunahan ni SK. Fed. President Aljo Gaw, ug an MTDO Staff.

Ginhigadayan hini nga pagharampang an katungdanan han Cultural Team para han big events han kapatronan sugad han Miss Basey ug Banigan Festival sugad man gihpon an pagbalik han Pasundayag, Reynanay (fmr. Gandang Ina Mo), ug han Little Miss Basey.

Samtang, ha pagpadayon han meeting, nagpahayag liwat hi Mayor Luz Chu-Ponferrada han iya suporta ha pagtutok ug pag-aksyon han mga ginlaygay nga mga issues and concerns nga may kalabutan han napaghimangrawan nga mga buruhaton.