Kalabhavan Muscat

21st Death Anniversary of Fr Abel CMI, Founder of Kalabhavan ….

കലാഭവൻ കെ. സ്. പ്രസാദ് നയിച്ച ഗിന്നസ് മെഗാ ഷോ ഒരു വൻ വിജയമാക്കാൻ സഹായിച്ച എല്ലാ നല്ലവരായ മസ്കറ്റിലെ സുഹൃത്തുകൾക്കും സ്പോൺസർമാർക്കും ഹൃദയം നിറഞ്ഞ നന്ദി. കോവിഡ് കയ്യടക്കിയ നീണ്ട രണ്ടര വർഷത്തെ ഇടവേളക്ക് ശേഷം ഇത്രയും വലിയൊരു സദസ്സിനു സാക്ഷ്യം വഹിക്കാനും അതിനു നേതൃത്വം നൽകാനും സാധിച്ചതിൽ ഏറെ സന്തോഷവും അഭിമാനവും തോന്നി. യാതൊരു ഇടതടവുമില്ലാതെ മൂന്നു മണിക്കൂറിലേറെ നേരം നീണ്ട ഷോ, പ്രേക്ഷകരെ ചിരിപ്പിച്ചും ചിന്തിപ്പിച്ചും പിടിച്ചിരുത്തിയത്, കലാഭവൻ പ്രസാദിന്റെ നാലര ദശാബ്ദത്തിലേറെയുള്ള അനുഭവപരിചയമാണെന്ന് സാക്ഷ്യപെടുത്തുന്നതായിരുന്നു. കലാഭവൻ പ്രസാദിനും അദ്ദേഹത്തിൻറെ കൂടെ വന്ന എല്ലാ സഹൃദയരായ കലാകാരന്മാർക്കും കലാകാരികൾക്കും അതുപോലെ മസ്കറ്റിൽ നിന്നും ഈ പരിപാടിയെ പിന്തുണച്ച നൃത്ത വിദ്യാർത്ഥികൾക്കും, അധ്യാപകർക്കും ഹൃദയത്തിന്റെ ഭാഷയിൽ നന്ദി. പ്രേക്ഷകരുടെ വിലയിരുത്തൽ തന്നെയാണ് ആത്യന്തികമായി ഒരു പരിപാടിയുടെ വിജയവും പരാജയവും നിർണയിക്കുന്നത്. നിരവധി പേർ എന്നെ നേരിട്ടും ഫോണിലൂടെയും അഭിനന്ദനങ്ങൾ അറിയിച്ചു. സഹൃദയരായ എല്ലാ പ്രേക്ഷകർക്കും അവരുടെ നല്ല വാക്കുകൾക്കും സന്ദേശങ്ങൾക്കും നന്ദി. COCKTAIL FAMILY എന്ന ഓമനപ്പേരിൽ അറിയപ്പെടുന്ന മസ്കറ്റിലെ സൗഹൃദ കുടുംബ കൂട്ടായ്മയിലെ എല്ലാ അംഗങ്ങൾക്കും നന്ദി. അവരുടെ ഐക്യവും ഒത്തൊരുമയും പരിപാടിയിലുടനീളം ഗിന്നസ് മെഗാ ഷോക്ക് മാറ്റു കൂട്ടി എന്നതൊരു യാഥാർഥ്യമാണ്. അവർ ഞങ്ങൾക്ക് നൽകിയ സ്നേഹോപഹാരത്തിനും നന്ദി.