Krishna Ranabhat

नेवा मिसा पुच नयाँ बजारद्वारा निशुल्क दन्त स्वास्थ्य शिविर सम्पन्न
पोखरा, साउन १७

पोखरा ९ स्थित रेडक्रस सोसाइटी उपशाखा भवन परिसरमा नेवा मिसा पुच नयाँ बजारको आयोजनामा निशुल्क दन्त स्वास्थ्य शिविर सम्पन्न गरिएको छ। कार्यक्रममा प्रमुख अतिथि पोखरा महानगरपालिका वडा नं ९ का अध्यक्ष दीपेन्द्र मर्सानी रहनुभएको थियो भने वडा सदस्य नन्दराम गिरिले शुभकामना मन्तव्य दिएका थिए भने वडा सदस्य लक्ष्मी पहारी, वडा सचीव कुलराज पौडेल, उत्तम जोशी, बिमला रानाभाट लगाएतको उपस्थिति रहेको थियो।

कार्यक्रम नेवा मिसा पुच नयाँ बजारकी अध्यक्ष कोपिला श्रेष्ठको अध्यक्षतामा सम्पन्न भएको हो। सचिव उषा सिल्पाकारले कार्यक्रम सञ्चालन गरेकी थिइन् भने कार्यक्रम संयोजक तथा संस्थाकी निवर्तमान अध्यक्ष मिरा श्रेष्ठले धन्यवाद मन्तव्य व्यक्त गरिन्। कार्यक्रममा उपाध्यक्ष मिना माकाजुले अतिथिहरूलाई स्वागत गरेकी थिइन्।

शिविरमा डा. अञ्जना कर्मचारी, डा. समी श्रेष्ठ, डा. लक्ष्मी पौडेल, पूर्णिमा किसान, आकृति मानन्धर, र निता मगरले दन्त परीक्षण तथा परामर्श सेवा प्रदान गरेका थिए।

प्राविधिक सहयोग रानीपौवा स्थित अर्किड डेन्टल एण्ड अर्थोडन्टिक सेन्टरले प्रदान गरेको थियो भने आर्थिक सहयोग पोखरा महानगरपालिका वडा नं ९ बाट प्राप्त भएको हो।

स्थानीय बासिन्दाहरूले यस्तो किसिमका स्वास्थ्य सेवाबाट धेरै राहत पाएको प्रतिक्रिया दिएका छन्। आयोजक संस्थाले आगामी दिनमा पनि यस्ता जनहितकारी कार्यक्रमलाई निरन्तरता दिने प्रतिबद्धता व्यक्त गरेको छ।

Krishna Ranabhat
Darbarthoknews
Darbarthok Advertising Agency
DarbarNews