BEE-Group

विश्व वातावरण दिवसको अवसरमा आज कर्णाली नदीको तल्लो तटीय क्षेत्र राजापुर नगरपालिका, मधुवन नगरपालिका र गेरुवा गाउँपालिका बर्दिया र टिकापूर नगरपालिका र जानकी गाउँपालिका कैलाली जिल्ला साथै बबई नदीको तल्लो तटीय क्षेत्रमा रहेका बारबर्दिया र गुलरिया नगरपालिका बर्दिया जिल्लाभित्र बाढीको उच्च जोखिममा रहेका समुदायमा समुदायीक विपद् व्यवस्थापन समितिको अगुवाईमा जल तथा मौसम विज्ञान विभागबाट प्राप्त भएको नमूना सूचनालाई आधार बनाई कृत्रिम घटना नमूना अभ्यास गरिएको छ । बाढी विपद् प्रतिकार्यका लागि क्षमता विकास गर्न समुदायले गरेको स्वःस्फूर्त कार्यले विपद्को सामना गर्न समुदायको तयारीलाई प्रमाणित गरेको छ । समुदायको विपद् प्रतिकार्य क्षमता बढाउन पूर्वसूचना प्रणाली प्रभावकारी माध्यम बनेको छ र यसलाई ज्ञान र सीपसँग जोडेर विपद् सुरक्षित समूदाय विकास गर्न यस्ता कार्यलाई संस्कृतिका रूपमा अभ्यास गर्नुपर्छ । समुदायको यो स्वःस्फूर्त कार्यले साँस्कृतिक विकासको संकेत गरेको छ । Action International Nepal Nepal Bardiya Rajapur Tikapur Janaki Madhuwan Gulariya Barabardiya

ADRA Nepal सँगको साझेदारी एवम् BEE-Group, ANSAB Nepal र FECOFUN को सहकार्यमा बाँके र बर्दिया जिल्लामा सञ्चालन भइरहेको CSO Action for Resilient Ecosystem and Communities (Samvardhan) परियोजनाको समाज कल्याण परिषदबाट आएको टोलीले मिति २०८३ साल बैशाख ५ र ६ गते मध्यावधी मूल्याङ्कन गर्ने क्रममा बाँके र बर्दिया जिल्लाका तेस्रो पक्षिय वित्तीय सहयोगबाट उद्यम गरिरहेका उद्यमी, कृषक समूह, सामुदायिक वन उपभोक्ता समूह, स्थानीय सरकार आदिसँग प्रत्यक्ष भेटघाट गरी परियोजनाले पुऱ्याएको सहयोग, उपलब्धी र सुधारका पक्षमा छलफल गरेको छ । जसले पारियोजनाको सफलताका लागि आवश्यक मार्गदर्शन र उपलब्धीपूर्ण बनाउन सहयोग पुग्ने अपेक्षा गरिएको छ ।