Development Creation

सुपादेउराली सांस्कृतिक समाज काठमाडौँद्वारा खेलिएको देउशी भैलो बाट संकलन गरिएको रकमको केही हिस्सा काठमाडौँ जोरपाटी अवस्थित सहयोगि समाज नेपाल (अनाथलयमा)न्यानो कपडा बलाङ्केटहरु वितरण कार्य सम्पन्न गरेको छ।
अर्जुन कुँवर भानु खनाल सुभाष ज्ञवाली मोतिराज खनाल मुकुन्द घिमिरे कृष्ण भुसाल ध्रुव बस्नेत काशीनाथ घिमिरे लगायतको टिम उपस्थित भई सहयोगी समाज नेपाल आश्रममा न्यानो कपडा वितरण कार्यक्रम गर्नुभएको छ।
काठमाडौं

महत्वपूर्ण कागज र सामान समेत रहेको झोला माइकोमा छुटेपछि बाटोमा रुँदै भौतारी रहेकी जर्मन युवतीको झोला र त्यसभित्र रहेको सामान समाजसेवी युवा आकाश अर्यालको सुझबुझ र सक्रियताले फेला परेपछि जर्मन युवतीले खुशी हुदै भनिन्- 'नेपालीहरु साच्चिकै इमान्दार हुने रहेछन्।'

भाइटीकाको अघिल्लो दिन साँझ एकजना विदेशी युवती नारायणघाट बजारमा एउटै बाटोमा करिब तीन-चार पटक ओहरदोहर गरिरहेकी थिइन्। यसरी विदेशी युवती एउटै बाटोमा धेरै चोटी ओहरदोहर गरिराखेको युवा आकाश अर्यालले देखेपछि उनले ती विदेशी युवतीलाई केही समस्या परेको होकी भनेर नजिकै गएर सोधे।

शुरुमा त युवती केही बोलिनन्। फेरी दोहर्याएर सोधेपछि ती युवती रुन थाल्छिन्। विदेशी युवती रोएको देखेर आकाशले ती विदेशी युवती माधि कसैले दुर्ब्यबहार गरेको होकी भन्ने सोचेछन्।

जर्मनीबाट नेपाल घुम्न आएकी ती युवतीले रुँदै भनिछन्- 'काठमाण्डौंबाट माइक्रो चढेर साँडाको पाँच बजे नारायणघाट झरेको माइक्रोबाट झर्दा दुई मध्ये एउटा मात्र इरोला निकालेर अर्को झोला निकाल्न बिर्सेछु। जुन झोलामा आइप्याड, कार्ड लगायत महत्वपूर्ण सामान छ।'

ती विदेशी युवती आपनो झोला छुटेको माइक्रो खोज्न अत्तालिएर यताउति भौतारी रहेको भन्ने थाहा पाएपछि आकाश अर्याल तत्कालै माइकोको खोजीमा जुट्छन्।

माइक्रो कहाँ जान लागेको, कति नम्बर हो भन्ने केही जानकारी ती जर्मन युवतीसँग थिएन। रुदै गरेकी युवतीलाई उनको सामान जसरी पनि फिर्ता दिने ढाडस दिदै विकाश अर्याल माइक्रो खोजीमा जुटे।

ती युवतीलाई आफूले चलाउने अटोमा राखेर उनीहरु सबैभन्दा पहिला नजिकैको वडा प्रहरी कार्यालयमा गएर सिसिटिभी फुटेज चेक गर्छन्। प्रहरीले सिसिटिभी फुटेज चेक गर्दै पारस बर्षपार्क जान सुझाब दिन्छ। उनीहरू लोकेसन ट्रेस गर्दै पारस बसपार्क पुग्छन् । पारस बसपार्कमा उक्त माईक्रो फेला नपरेपछि त्यहाँ बाट आँपटारी चोकमा पुग्छन् र ताहाँ पनि माइक्रो भेटिएन।

उनीहरुले त्यहि रहेको इभी चार्जिङ स्टेशनमा सोधपुछ गर्दा काठमाण्डौं बाट आएको माइको करिब पन्ध्र मिनेट अधि हिडेको जानकारी पाउँछन् ।

ईभी चार्जिङ सेन्टर सञ्चालक सँग उक्त माईक्रो चालकको नम्बर रहेछ। त्यहिबाट उनीहरुले फोन गरेर जर्मन नागरिकको झोला भए नभएको सोध्छन्। माइको चालकले आफ्नो माइक्रोमा झोला रहेको बताएपछि उनीहरु माइक्रो भएको ठाउँगा पुग्छन्। चालकले आफ्नो माइक्रोमा छुटेको झोला जर्मन युवतीलाई दिन्छन्।

छुटेको झोला सहित सबै सामान फिर्ता पाए‌पछि जर्मन युवती निकै खुशी हुन्छिन्। नेपालीको इमान्दारीता र सहयोगी भावनाको तारिफ गर्दै झोला खोज्न मद्धत गर्ने आकाश अर्याल र चालकलाई हात जोडेर नमस्ते गर्छिन्। जर्मन युवतीले नेपालीको सहयोगी भावना देखेर तारिफ गर्दै भन्छिन् 'नेपालीहरु साच्चिकै एकदमै इमान्दार हुने रहेछन् ।'

ती युवतीले माइक्रो चालकलाई धन्यवाद दिदै झोला फिर्ता गरेर सहयोग गरे बापत खुशीले केही पैसा पनि दिन्छिन्।

अटो चलाएर परिवार पाल्दै आईरहेका युवा आकाश अर्याल सहयोगी र मनकारी छन् । उनले क्यान्सर पीडित बिरामी र उनका आफन्तहरुलाई अस्पताल आवतजावत गर्न आफ्नो अटोमा कुनै पैसा लिदैनन्। विरामी र विरामीका आफन्तलाई निःशुल्क सेवा दिन्छन् ।

आकाश अर्यालले यो सम्पूर्ण घटनाक्रमको बारेमा भिडियोमा सविस्तार बताएका छन्। सामाजिक सञ्जालमा मानिसहरुले उनको निकै तारिफ र प्रशंसा गरेका छन्।

आकाश अर्यालको सहयोगी भावनाले नेपालीहरू सहयोगी र इमान्दार हुने रहेछन् भन्ने सन्देश विदेशमा समेत फैलिन्छ। जुन हामी नेपालीहरुको लागी सुखद कुरा हो।