Digdarshan

वाराणसीमा हुने अन्तर्राष्ट्रिय व्यापार प्रदर्शनीका लागि नेपाल–भारत उद्योग वाणिज्य संघ र हाउस अफ राजकर्णिकारबीच सहकार्य

काठमाडौं । नेपाल–भारतबीचको व्यापारिक सम्बन्धलाई थप सुदृढ बनाउने उद्देश्यका साथ नेपाल–भारत उद्योग वाणिज्य संघ (निक्की) र हाउस अफ राजकर्णिकार (एचओआस) बीच समझदारी भएको छ ।

मंगलबार निक्कीको सचिवालयमा आयोजित कार्यक्रममा समझदारीपत्रमा हस्ताक्षर सम्पन्न भएको हो । यस सहमतिसंगै भारतको ऐतिहासिक तथा धार्मिक नगरी वाराणसीमा आयोजना हुन लागेको ‘फुड एण्ड बेभरेज तथा हस्पिटालिटी बी–टु–बी ट्रेड शो’ का लागि निक्कीलाई आधिकारिक इन्डस्ट्री पार्टनर को रूपमा सहकार्य गर्ने सहमति भएको हो ।