Loksewa Notes

पढ्दा सबै आउँछ, लेख्दा केही पनि आउँदैन ?

लोकसेवाको तयारी गर्दा सम्भवतः धेरैले भोगेको समस्या यहि नै होला । पढ्दा सबै आएजस्तो लागेपनि कलम चोप्न खोज्दा शब्द आउँदैन। यसका लागि केही उपायहरू प्रस्तुत गर्दै छु । आशा छ, हजुरलाई उपयोगी हुनेछ ।

> लेखन एउटा कला हो । यसमा तपाईँ एकैछिनमा वा एकैरातमा उत्कृष्ट हुन सक्नुहुन्न । यसका लागि निरन्तर मिहेनत र धैर्य आवश्य पर्छ । त्यहि भएर सर्वप्रथम नआत्तिनुस्, आज केही नआए पनि छिट्टै तपाईँ यसमा निपुण हुनुहुनेछ ।

> सर्वप्रथम प्रश्न राम्रोसँग पढ्नुहोस् र प्रश्नका विभिन्न खण्डहरूको अङ्कभारसहितको पहिचान गर्नुहोस् । (जस्तैः परिचय- ३, समस्या-३, समाधान-४ )

> हिजोको पोष्टमा भनेको थिएँ, परिभाषा तपाईँको हातमा कण्ठ हुनुपर्छ । परिभाषाबाट लेखनको सुरुवात गर्नुहोस् । यसले उत्तरको सुरुवात गर्न मद्दत गर्छ, रोक्किनु पर्नेछैन ।

> परिचयमा अरु के लेख्ने ? त्यो विषयसँग सम्बन्धित तर त्यो प्रश्नमा नसोधिएका विषय लेख्ने। जस्तैः विशेषता, महत्व, आवश्यकता, प्रकार, अवधारणा, कानूनी व्यवस्था लगायत । केही त आउँछ नि ।

> प्रश्नले जे जे सोधेको छ, त्यसलाई Sub-Topics बनाएर उत्तर लेख्न थाल्नुहोस् । (जस्तैः सुशासन, सुशासनको अवधारणा, नेपालमा सुशासन सम्बन्धी व्यवस्थाहरू, सुशासनका सम्बन्धमा देखिएका समस्याहरू, निष्कर्ष) ।

> उत्तर लेख्दा बुँदागतरुपमा लेख्नुहोस् । आउँदैन भने फुलबुट्टा भर्न नथाल्नुहोस् । तर, आएन भन्दैमा कुनै पनि प्रश्न छोड्नु चाहिँ हुँदैन है । एउटै सुत्र, जे आउँछ लेख्नुहोस् ।

> लेख्दै जाँदा अभ्यास हुँदै जान्छ । विस्तारै १-२ ओटा प्रभावशाली बुँदाहरू थप्दै जानुहोस् । तथ्याङ्क थप्दै जानुहोस् ।

> तर एउटा सत्य के हो भने, तपाईँलाई लेख्न नआएको होइन, लेख्ने आँट नआएको हो । सुरु गर्नुस्, धेरै अगाडि पुग्नु हुनेछ ।

कुरा धेरै भएकाले आज आफैले यो विषय लेखमार्फत् बुझाउन सकिँन जस्तो लाग्यो । कुनै दिन Video मार्फत् सविस्तारमा बुझाउने छु । उपयोगी भयो कि भएन कमेन्टमा लेख्नु है ।।

#आर्थिक_वृद्धिदर
आर्थिक सर्वेक्षण २०८१/८२ अनुसार नेपालको आर्थिक वृद्धिदर✍️ ४.६१%
आर्थिक वर्ष २०८२/८३ को बजेटको आर्थिक वृद्धि हुने अनुमान✍️ ६%
आर्थिक सर्वेक्षण २०८०/८१ अनुसार नेपालको आर्थिक वृद्धि हुने अनुमान✍️ ३.८७%
सोह्रौं योजनाको आर्थिक वृद्धिदर (आधार वर्ष २०७९/८० मा आर्थिक वृद्धिदर) ✍️३.५%
सोह्रौँ योजनाको अन्तिम वर्ष आ.व. २०८५/८६ को आर्थिक वृद्धि दरको लक्ष्य✍️ ७.३%
आगामी २५ वर्ष अर्थात् आ.व. २१००/०१ को आर्थिक वृद्धि दरको लक्ष्य✍️ १०.५%
विश्व बैंक (World Bank) का अनुसार सन् २०२५ मा नेपालको आर्थिक वृद्धि हुने अनुमान ✍️२.१%
अन्तर्राष्ट्रिय मुद्रा कोष (IMF) का अनुसार सन् २०२५ मा नेपालको आर्थिक वृद्धि हुने अनुमान ✍️४.९%