Dainik News Update

अशोक दर्जीको बहिनीप्रतिको माया देखेर भावुक बने दर्शक!

गायक Ashok Darji ले हालै एक अन्तर्वार्तामा आफ्नी बहिनीप्रतिको माया र लगावबारे बोल्दै धेरैलाई भावुक बनाएका छन्। उनले भने, "मेरी बहिनी जन्मिँदा म संसारकै सबैभन्दा भाग्यमानी दाइ बनेको महसुस गरेको थिएँ। म घरमा नभएको बेला ३/४ दिनसम्म बहिनीलाई नदेख्दा पनि आत्तिन्छु। भिडियो कल गरेर भए पनि उसलाई हेरिरहनुपर्छ। घरमा हुँदा ऊ मसँगै सुत्छे, आमा–बुवासँग सुत्नै मान्दिन। म बाहिरबाट आउँदा दाइले खानेकुरा ल्याएको छ कि छैन भनेर ढोकामै आएर पर्खिन्छे।"

अशोकले दाजु–बहिनीको सम्बन्ध संसारकै सबैभन्दा अमूल्य सम्बन्धमध्ये एक भएको बताउँदै, "दाजु–बहिनीको सम्बन्ध खोजेर वा रोजेर पाइँदैन। एउटा घरमा लक्ष्मी जन्मिनु भनेको परिवारका लागि, विशेषगरी दाइका लागि ठूलो खुसीको कुरा हो" भनेका थिए।

अशोकका यी शब्दहरूले सामाजिक सञ्जालमा धेरैको मन छोएको छ। धेरैले उनको बहिनीप्रतिको माया, जिम्मेवारी र समझदारीको प्रशंसा गर्दै "अशोक निकै बुझ्ने र संस्कारी रहेछन्", "यस्तै दाइ सबै बहिनीले पाऊन्" भन्दै सकारात्मक प्रतिक्रिया दिइरहेका छन्। दाजु–बहिनीबीचको निस्वार्थ प्रेम र आत्मीय सम्बन्धको सुन्दर उदाहरणका रूपमा अशोकको यो अभिव्यक्तिलाई धेरैले सराहना गरेका छन्।