Streamer As

Dag 9 – nattpass, kaldfront og to maraton til fots.

Gårsdagen vart avslutta med at Erlend tok i bruk nattpasset sitt – og det viste seg å vere eit godt val. Gjennom natta klarte han å ta igjen dei fleste i gruppa som låg like framfor han, og med det var utgangspunktet for dag 9 plutseleg mykje sterkare.

Med meldingar om ei kaldfrontpassasje utover dagen var det heilt avgjerande å få nytta dei rolege morgontimane i lufta. Erlend og supporter Jeremy tok seg tidleg opp i fjellet til eit godt startpunkt, og allereie litt før kl. 11 var Erlend i lufta.

Men vinden auka raskt, og berre to timar seinare var det ikkje lenger forsvarleg å fly. Dermed måtte resten av dagen taklast til fots – og det vart mange kilometer - heile 80 km gjekk Erlend i dag, altså nesten to maraton på ein dag!

Innsatsen gav resultat - distansen til mål vart kutta med over 100 km, og no står det att «berre» 244 km til mållinja i Zell am See.

Morgondagen vil framleis vere prega av restane etter kaldfronten, men det er håp om at det vil bli mogleg med noko flyging igjen.