haleemah Muhammad

SOJA DA SOJA: MANYAN DARUSSAN DAKE CIKIN LITTAFIN 'A JOURNEY IN SERVICE' NA TSOHON SHUGABAN ƘASA IBRAHIM B. BAGANGIDA

SADIQ TUKUR GWARZO

Littafin 'A Journey in Service' ya faro ne da tarihin rayuwa da aikin Janar Ibrahim Badamasi Babangida, tsohon shugaban mulkin soja na Najeriya. Littafin yayi bayanin gwagwarmayar rayuwarsa tun daga ƙuruciyarsa a Minna da Wushishi, zuwa lokacin da ya fara aikin soja, har zuwa yadda ya zama ɗaya daga cikin muhimman shugabanni a harkokin mulkin Najeriya. Babangida ya yi nazari kan rawar da ya taka a lokutan da s**a kasance masu muhimmanci a tarihin Najeriya, ciki har da aiwatar da gyaran tattalin arziki, da ƙirƙirar sababbin jihohi, da kuma ƙoƙarin mayar da Najeriya zuwa mulkin farar hula, wanda aka fi tunawa da soke zaɓen shugaban ƙasa na 12 ga Yuni, 1993.
Har ila yau, littafin ya shiga cikin rayuwarsa ta sirri, ilimin sojarsa, da kuma dangantakar da ta tsara aikinsa, tare da tunanin rayuwarsa ta bayan murabus musamman kan haɗin kai da da hidimtawa ƙasa.
Manyan Darussa Masu Muhimmanci daga cikin littafin

1. Kaɗaitakar Jagorori: Farashin Shugabanci
Labarin Babangida ya bayyana yadda ƙarfin iko, duk da cewa yana ba da izini da tasiri, yake kuma haifar da kaɗaici. A matsayin shugaban mulkin soja na Najeriya, Babangida ya yɗtsinci kansa a yanayin daya nesanta shi daga abokanansa, musamman bayan yanke shawarwari masu rikitarwa k**ar misalin aiwatar da shirye-shiryen daidaita tattalin arziki da soke zaɓen shugaban ƙasa na 1993.

Muhimmin Darasi:
Shugabanni sau da yawa suna tsintar kawunansu cikin kaɗaici a yayin da suke mulki, musamman lokacin da s**a yanke shawarar da ba mabiyansu ba su so ba. Gaskiyar shugabanci wani lokaci tana buƙatar sadaukar da alaƙar ƙashin kai don abin da ake ganin shine mafi alheri ga ƙasa.

2. Cin Amana Daga Masu Amana: Raunin Aminci
A duk tsawon aikinsa, Babangida ya fuskanci cin amana daga wadanda s**a fi kusa da shi – abokai na gari da abokanan aiki – waɗanda s**a bar shi a lokutan matsin lamba na siyasa, ko s**a yi ƙoƙarin raunana ikonsa don amfanin kansu. Daga cikin misalai akwai yadda ya cire gwamnatin Muhammadu Buhari a 1985, alhali a baya yayi matuƙar tallafa mata, hakan yana nuna yadda dangantakar siyasa ke iya sauyawa saboda bambancin hangen nesa.

Muhimmin Darasi:
Aminci a siyasa da shugabanci yakan dogara ne da yanayi. Waɗanda s**a fi kusa da shugaba na iya zama barazanar da ta fi tsanani idan burin kansu ya saɓawa burin jama'a.
3. Nauyin Rashin cika alƙawari: Soke Zaɓen 12 ga Yuni (June 12)

Soke zaɓen shugaban ƙasa na 1993 ya kasance muhimmin lokaci a shugabancin Babangida. Ya yi alkawarin miƙa mulki zuwa ga farar hula amma daga ƙarshe ya soke zaɓen da Moshood Abiola ya yi nasara a kai. Wannan matakin ya janyo rikici da zarge-zargen cin amana ga burin dimokiraɗiyyar Najeriya.

Muhimmin Darasi:
Cin amanar jama'a tana da sak**ako mai ɗorewa. Hasashen cin amana yana wuce lokacin mulkin shugaba, hakan kuma ke bayyana yadda tarihi zai tuna da wannan shugaban.

4. Iko Kamar Wuka ce mai baki biyu Biyu: Mulki da kuma Nauyin shugabanci
Gyare-gyaren Babangida, ciki har da haɗin gwiwarsa da IMF da aiwatar da Shirye-shiryen Daidaita Tattalin Arziki (SAP), sun kasance da kyakkyawar niyya don gyara lamurran tattalin arzikin Najeriya. Duk da haka, waɗannan gyare-gyare sun haifar da wahala ga yawancin 'yan Najeriya kuma an ɗauka cewa matakan suna amfanar da 'yan ƙalilan masu iko ne kaɗai.

Muhimmin Darasi:*
Shugabanci yana ɗauke da nauyin yanke shawarwari masu wuya musamman wajen tabbatar da cewa mafi yawan mabiya ne suke amfanuwa daga shawarwarin. Sai dai Rashin daidaitawa a wannan bangare na iya haifar da zarge-zargen son kai ko zalunci ga wannan shugaban.
5. Damalmala Tsarin Iko: Bayar da Kulawa ga ruwayoyin siyasa
Ɗaya daga cikin matakai masu cike da rikici da Babangida ya ɗauka shi ne ƙirƙirar jam'iyyun siyasa guda biyu da gwamnati ta tallafa wa wato 'National Republican Convention (NRC) da Social Democratic Party (SDP), da nufin kafa tsarin jam'iyyu biyu. Duk da cewa an ƙirƙiri tsarin ne don tallafawa tsarin dimokiraɗiyya, amma kuma masu s**ar lamari sun ɗauki wannan a matsayin hanyar tarnaƙi ga tafarkin siyasa tare da jange aukuwar samun sahihiyar adawa.

Muhimmin Darasi:
Shigar da ƙarfin iko ta hanyar tsarin siyasa da yadda ake sarrafa tsarin zai iya haifar da matsala, hakan yana janyo zarge-zargen mulkin k**a karya. Gaskiyar shugabanci tana buƙatar bayar da dama ga abokan adawa da kuma karfafa gasa ga ƴan siyasa domin samun nasarar mai gaskiya.

6. Gado Ya Fi Tsawon Lokacin Mulki: Kowanne Mulki yana da iyaka

Murabus ɗin Babangida a 1993, bayan matsin lamba na siyasa, ya nuna muhimmin darasi: duk kuwa da iko da shugaba ke da shi, lokacinsa a ofis na ɗan lokaci ne. Duk da haka, shawarar da ya yanke – ko ta zama mai kyau ko akasin haka – itace ke fayyace yadda tarihi zai tinƙa tunawa da shi.

Muhimmin Darasi:
Tasirin tafarkin shugabanci baya dogara ne akan tsawon lokacin da shugaba yayi a mulki , amma yana dogara akan gaskiyar ayyukansa da tasirin da za su yi wa makomar ƙasa a dogon lokaci.

7. Haɗin Kan Ƙasa da Bukatun Yankuna: Daidaito da Juna

A tsawon mulkinsa, Babangida ya yi ƙoƙari don tabbatar da haɗin kan Najeriya duk da ƙalubalen yankuna da bambancin kabila. Ƙirƙirar sababbin jihohi 13 a ƙarƙashin jagorancinsa an yi ne da nufin tallafawa haɗin kai, amma wasu sun fassara hakan a matsayin hanyar ƙarfafa iko na siyasa.
Muhimmin Darasi:
Haɗin kan ƙasa yana buƙatar daidaituwa tsakanin bai wa kabilu da yankuna dama da kuma kaucewa taruwar muƙaman iko a ɓangare ɗaya, wanda hakan zai iya ware wasu yankuna ko kabilu.

MANYAN ABUBUWAN MAMAKI DA KIMIYYA TA TABBATAR GAME DA ISRA'I DA MI'IRAJI

Sadiq Tukur Gwarzo

A cikin ɗaukacin muhimman abubuwan da Annabi Muhammad s.a.w ya kawo game da addinin Islama, zancen tafiyar da aka taɓa yi dashi zuwa Qudus a wani dare da kuma ɗaukarsa zuwa Wurin Ubangijinsa 'Israi da Miiraji' na ɗaya daga cikin gagaruman lamurori waɗanda s**a ƙarawa wasu imani, yayinda wasu kuma s**a ƙara kafirci.
Wannan tafiya mai ban mamaki wadda bayananta yazo a littafi mai tsarki Alqur'ani da wasu ingantattun hadisai, ta saɓawa hankalin mutanen dake wancan zamani (sai dai waɗanda s**a gaskata fiyayyen halitta sunyi imani da gaskiyarsa, don haka s**a kore shakku a cikin lamarin), amma zuwa yanzu kimanin shekaru dubu da ɗari huɗu, kimiyya ta gaskata abubuwa da yawa game da wannan tafiya.
Yadda Labarin yake a taƙaice
A ranar 27 ga watan Rajab, kimanin watanni 6 kafin Hijira, cikin shekarar 621 CE, Malaika Jibril A.S yayi tafiya da Ma'aikin Allah Annabi Muhammad (s.a.w) akan Buraƙa daga birnin Makka zuwa birnin Qudus, inda ya limanci Annabawa masu daraja s**a gudanar da Sallah, daga nan kuma aka ɗauke shi izuwa sararin samaniya, aka keta sammai bakwai zuwa inda har yau tunanin ɗan adam bai kai ga riskarwa ba.
A wannan tafiya, an nunawa Annabin Allah ababen mamaki mabanbanta, tun daga Annabawan Allah da s**a gabace shi, zuwa yanayin sararin samaniya da taurari. Anyi tafiya dashi gaba da lokaci ta yadda yaga ƴan wuta da ƴan aljanna, sannan a wannan tafiyar ne kuma ya shiga fadar Allah Maɗaukakin Sarki ya karɓo Salloli biyar da aka wajabtawa dukkanin musulmai, inda har wasu Malaman s**a ce idanuwansa sun riski ganin Allah ƙuru-ƙuru. (Allah ne mafi sani)

*Abinda kimiyya ta samo*

Bisa nazartar wannan tafiya ta kafar binciken kimiyyar zamani, ga abubuwan da aka samo:-

1. Wormhole
A cikin shekarar 1935, masu binciken kimiyya Einstein da Nathan Rosen sunyi amfani da tunanin dai-daito da ake kira 'general relativity' wajen bayyana yiwuwar samun wata gada mai iya haɗa lokaci da tazara, wadda a taƙaice ana iya cewa tana iya rage nisa da lokacin riskar wurare masu nisan zango. Sunan da s**a sanyawa wannan gada shine 'wormhole'.
Masana da yawa sun gamsu da cewa akwai ƙadamin da za a iya tafiya zuwa wuri mai nisan zango cikin ƙanƙanin lokaci, don haka tafiyar da akayi da Annabin Allah Muhammad s.a.w tana da gurbi a kimiyance.

2. *Near-Death Experiences (NDEs)*:
Binciken kimiyyar da akeyi game da wani yanayi da ɗan adam ke shiga wanda ake kira da Hausa 'dogon suma' ya tabbatar da gaskatar wani yanayi wanda zai sa kimiyya ta karɓi tafiyar da akayi da Annabi Muhammad s.a.w daga duniya zuwa sararin samaniya.
Wannan yanayi ya haɗa abubuwa k**ar haka:-

- Fahimtar zahiriyyar ɗan adam daga wajen jiki (misalin fitar ruhi daga wajen jiki )
- Haɗuwa da waɗanda s**a taɓa rayuwa a duniya
- Shaida rayuwar bayan mutuwa
- Jin nutsuwa da aminci

3. *Consciousness Beyond the Brain*:
Duk da cewa akwai saɓani game da cewa shin da Ruhin ma'aikin Allah s.a.w akayi wannan tafiya ko da ɗaukacin jikinsa, amma dai binciken fannin kimiyyar kwakwalwa ya gano cewa zahiriyya na iya wanzuwa da karan-kanta a wani wuri daje nesa da ƙwaƙwalwar ɗan adam.
Sak**akon wani binciken baya-bayan nan ma da masani Dr. Michael Pravica ya gabatar yayi hasashen cewa zahiriyya na zuwa ne daga wata kusurwa ta maɗaukakiyar duniya (Universe), hakan na nufin maɗaukakiyar duniya na da kusurwowi sama da huɗu da akafi sani, watau akwai wasu kusurwowin bayan kusurwar tsayi da faɗinta, da tazararta da kuma lokacinta, don haka masana kimiyya sun fahimci cewa zahiriyya na iya fita daga gangar jiki har kuma tayi tafiya izuwa wasu sassan duniya sannan kuma ta dawo cikin jiki tare da labarta halayen data riska.

4. *The Speed of Light and Time Dilation*:
Tafiyar da akayi da Ma'aikin Allah Annabi Muhammad s.a.w zuwa sararin samaniya tare da keta manyan hijabai cikin ƙanƙanin lokaci ya yi dai-dai da tsarin kimiyya da yayi magana game da tazara gami da lokaci.
Tsarin kimiyya ya tabbatar da cewa akwai alaƙa tsakanin cin gagarumar tazarar tafiya cikin ƙanƙanin lokaci gwargwadon saurin abin hawa.
Anan duniya, babban ma'aunin lissafta tazarar sararin samaniya shine gudun hasken rana, don haka aka ƙadarta cewa da zarar an samar da na'urar da zata yi tafiya sama da saurin haske, to tabbas za a iya tafiya zuwa duniyoyin taurarin dake sararin samaniya, hakan kuwa dai-dai yake da yin tafiya gaba da lokaci.
Sabili da haka, kimiyya zata karɓi wannan tafiya bisa hujjar cewa an yita akan abin hawan da saurinsa ya kere na hasken rana da mamakon yawa.

Mahaɗar Kimiyya da Addini

Lamarin Isra' da-Mi'raj na nuni da wata mahaɗar dake tsakanin addini da kimiyya kasancewar lamarin ya kawo abubuwan da bayan shafe tsawon lokaci, kimiyya na bayar da bayani kwatan-kwacin yadda aka bayar a addinance.
Tafiyar na nuna mana cewa;-

- Akwai abubuwa zahirarru da s**a wanzu saɓanin waɗanda muka sani ko muke iya gani a wannan duniyar tamu.
- Cewa zahiriyyar ɗan adam na iya ketawa zuwa shingayen da bamu tsinkaya ba.
- Cewa addini da kimiyya na iya tallafar kowanne da hujjoji wajen ƙarfafa binciken ilimi.
(Allahumma Salli Ala Muhammad s.a.w)

Madogara:

- Quran (17:1, 53:4-18)
- Hadith collections (Bukhari, Muslim)
- "The Miraculous Journey of Prophet Muhammad" by Ibn Hisham
- "The Isra' wal-Mi'raj" by Al-Suyuti
- Scientific studies on wormholes, NDEs, quantum entanglement, consciousness, and time dilation.

Tattaki gaba da lokaci: Labarin Paul Dienach, wanda ruhinsa ya rayu a shekara ta 3906 AD.

SADIQ TUKUR GWARZO

Paul Amadeus Dienach wanda aka haifa a shekarar 1884 AD kusa da birnin Zurich, farfesa ne a harshen Faransanci da Jamusanci, wani muhimmin abu ya taɓa aukuwa dashi mai ban mamaki.
An soma wallafa Labarinsa ne a harshen Girkanci a shekarar 1972 AD, da hannunsa ya rubuta abubuwan da ya iya kiyayewa bayan farfaɗowarsa daga dogon suma na tsawon shekara ɗaya, a inda ruhinsa yayi nasarar tafiya gaba da lokaci, har ya rayu a shekara ta 3906 AD.
Ɗalibin Paul Dienach, mai suna Papahatzis, wanda ya zama Farfesa a fannin sharia, shine wanda ya fassara labarin da Paul ya aike masa daga Jamusanci zuwa harshen Girkanci, ya bayyana Dienach ɗin a matsayin mutum mai tsantseni da kamewa. An k**anta cewa Paul Dienach ya rasu bayan doguwar jinya daga cutar Tarin Fuka a birnin Athens na ƙasar Girka ko kuma akan hanyarsa ta dawowa gida daga ƙasar Italy, a farko-farkon shekarar 1924 AD.
An ƙiyasta cewa Paul Dienach ya jamu da wata lalurar ƙwaƙwalwa mai suna 'encephalitis lethargica'. A lokaci na farko daya fara bacci bayan kamuwa da cutar, ya samu farkawa bayan tsawon mintuna 15, amma a zagaye na biyu, bai farka ba sai da ya shafe tsawon shekara ɗaya a wani yanayi da za a iya kira da suna 'dogon suma'. Bayan farkawar sa ne, Dienach yayi iƙirarin cewa ruhinsa ya samu yin tattaki gaba da lokaci, har ma ya shiga cikin jikin wani mutum mai suna Andreas Northam, wanda ya rayu a shekara ta 3906 AD.
Da fari, Dienach ya ji tsoron sanar da mutane abinda ya hango don gudun kada ayi masa kallon mahaukaci, amma daga bisani, ya yi ritaya daga aikinsa na karantarwa a matsayinsa na Farfesa tare da rubuta cikakken labarin wannan yanayi da ya hango, a wani littafi mai shafi 800.
Dienach ya fasalta duniya da mutanen dake rayuwa a cikinta a shekarar 3906 AD gwargwadon fahimtarsa da abinda ya gani a matsayinsa na wanda yake rayuwa a ƙarni na 20. Yana da matuƙar wahala ga wanda ya rayu a shekarar 1921AD ya fahimci cigaban kimiyyar da duniya ta rabauta dashi a shekarar 2024 AD da muke ciki, b***e kuma a k**anta da wanda ya gani a shekarar 3906 AD, ana iya cewa cigaba ne marar misaltuwa.
A cikin labarin nasa, ya faɗi cewa mutanen da ya riska suna rayuwa a shekara ta 3906 AD, sun fahimci lalurar ƙwaƙwalwar da yake fama da ita, har ma suna kiranta da suna "conscious slide.".
Ya ce sun sanar dashi wasu abubuwa da s**a faru tun daga ƙarni na 21 har zuwa ƙarni na 39, amma basu sanar dashi abubuwa game da ƙarni na 20 da yake ciki ba saboda tsoron gudun sauyin rayuwarsa ko kuma rayuwar da zata gabata.
LABARIN DIENACH: TATTAKI CIKIN ZAMUNNA MASU KUSANTOWA
Dienach ya rayu a zamani mai gabatowa a matsayin Andreas Northam
A littafin da ya rubuta, ya faɗi yadda ya rayu tsawon shekara ɗaya a matsayin majinyaci a wani babban asbitin ƙasar Italiya bayan ya samu hatsari daga mota mai tashi sama a cikin shekara ta 3906.
WASU MUHIMMAN ABUBUWA DA DIENACH YA RUWAITO

Abubuwan da s**a faru tsakanin shekara ta 2000 zuwa ta 2300: Yace a waɗannan shekarun, mutanen dunigya suna ta fafutika da matsalar yawaitar mutane a duniya, da matsalar tattalin arziƙi, da gurɓacewar muhalli da rashin dai-daito wajen rabon arziƙin ƙasa da yaƙe-yaƙe tsakanin ƙasashe fami da uwa uba ƙarancin abinci.

2204: Dienach ya ruwaito cewa a shekarar 2204 AD cigaban kimiyya da fasaha a duniya ya kai yadda sama da mutane miliyan 20 ke rayuwa a duniyar Mars dake sararin samaniya. Daga nan aka samu wata gagarumar annoba wadda ta halaka ɗaukacin mazauna duniyar ta Mars. Wannan abu yayi sanadiyyar shafe tsawon shekaru ba tare da ɗan Adam ya sake muradin jarraba rayuwa a wata duniyar sararin samaniya ba.

2309: Yace a cikin wannan shekarar matsalolin muhalli dana zamantakewar ɗan Adam sun ta'azzara a duniya, hakan yayi sanadiyyar aukuwar gagarumar annoba tare da aukuwar yaƙe-yaƙen makami mai linzami a tsakanin dukkan ƙasashen duniya. Ƙasashen yammacin dunita sun mallake ƙasar China. Mutanen duniya da yawa sun rasa rayukansu a sabili da yaƙe-yaƙen mak**an ƙare dangi, sannan mutane da yawa sun yi hijira, inda s**a koma duniyar Mars da rayuwa.

2396: Wucewar waccan annobar da ta gabata ne ya yi sanadiyyar kafuwar wata gagarumar Majalisar Ɗinkin Duniya wadda ke ƙunshe da wakilan dukkan ƙasashe ba tare da tsangwama ba. A wannan majalisa, ƙarfi da fifiko ya dogara ne ga Masu ilimin kimiyya da Fasaha da Taimakon Bil'Adama. Ba a maganar kuɗi a wannan lokaci. Al'ummar duniya sun ƙaranta, don haka albarkatu sun ishi kowa da kowa. Duk da haka, za a samu ƙasashen da zasu bijerewa wannan tsarin, har kuma shekarun duhun kai su soma.
3382 A wannan shekarar, wani babban abin mamaki ya auku- watau sauyawar ƙwaƙwalwar ɗan Adam ta yadda tasrifinta ya ninku daga yadda aka sanshi zuwa wani yanayi mai suna 'hyper-vision'. Wannan ya yi silar binciko manyan ababen mamaki a wannan duniyar waɗanda ma ba a taɓa tunaninsu ba.

3400-4000: Shekaru masu daraja sun soma bayan kimanin shekaru 1000 da somawar shekarun duhun kai.
A ƙunshin Gwamnatoci da shugabancin al'umma babu maganar masana kimiyya da fasaha, sai dai wasu zaƙaƙuran fasihai da ake kira da suna 'Universal Creators'- masana ne da suke da ƙwarewa a kafanin harkokin cigaban ɗan Adam.A wannan zamani, mutum yana yin aiki ne kawai tsawon shekaru biyu a ɗaukacin rayuwarsa, watau daga sanda ɗan Adam ya riski shekara 19 da haihuwa, to zai yi wani abu kwatan-kwacin bautar ƙasa (NYSC) a masana'antun lantarki, to daga nan za a bashi laƙabin 'CIVE', watau wanda duniya ta san da zamansa. A wannan zamanin, gwamnatin duniya guda ɗaya ce, kuma ita ke kula da kimanin mutane biliyan ɗaya dake rayuwa a duniya.
Abu mafi ƙayatarwa a wannan labarin shine yadda tarihin rayuwar duniya har zuwa shekara ta 3906 AD ya tafi akan tsarin da mafi yawan masana s**a fitar na faɗi tashi da gwagwarmaya.
Rayuwar ɗan Adam a koda yaushe tana fuskantar cikas daga mabanbantan ƙalubale, wanda hakan ke silar haɗuwa da damuwa da kuma mutuwa.
Tabbas, babu wani ɗan Adam dake samun cikar burinsa ɗari bisa ɗari a wannan rayuwa, domin da zarar ɗan Adam ya cimma muradin daya sanya a gaba sai wasu muradan su sake bijirowa, sai dai kawai ga wanda ya iya gamsuwa da abubuwan daya mallaka tare da gujewa burice-buricen duniya.
Wannan labari ana iya kallonsa a matsayin hasashe kawai, abubuwan da Paul ya ruwaito na iya faruwa, suna kuma iya ƙin aukuwa. Amma idan aka kalli inda duniyar take fuskanta zuwa yanzu, muna iya cewa 'Biri yayi k**a da mutum'.