GSN Hausa

Labari mai ɗaukar hankali!

Farfesa Isa Ali Pantami, CON, ya sabunta rajistar kasancewarsa memba na jam’iyyar APC a yanzu, inda ya sake jaddada biyayyarsa da ci gaba da jajircewarsa ga hangen nesan jam’iyyar, tare da yin alƙawarin cikakken goyon baya ga gwamnatin APC da ƙoƙarinta na bunƙasa ƙasa, haɗin kai, da shugabanci na ci gaba a Nijeriya.

Kurunkus! Gwamna Abba Kabir Yusuf zai shiga APC gobe Litinin, 26/01/2026 — in ji Sunusi Bature Dawakin Tofa.

An tabbatar da cewa Gwamnan Jihar Kano, Abba Kabir Yusuf, zai sauya sheka zuwa jam’iyyar APC gobe Litinin, 26 ga Janairu, 2026.

Wannan bayani ya fito ne daga Babban Daraktan Yada Labaran Gwamnan, Sunusi Bature Dawakin Tofa, wanda ya bayyana cewa dukkan shirye-shiryen sauyin jam’iyyar sun kammala.

Rahotanni sun nuna cewa wannan mataki na Gwamna Abba na iya sauya yanayin siyasar Kano, tare da haifar da sabbin sauye-sauye a tafiyar jam’iyyun siyasa a jihar da ma kasa baki ɗaya.

Ana sa ran manyan jiga-jigan APC da sauran masu ruwa da tsaki za su halarci taron karɓar Gwamnan a hukumance.