The Malta Eye Study

Ftit punti bil-Malti dwar il-proġett The Malta Eye Study li jwieġbu diversi mistoqsijiet:

The Malta Eye Study – Proġett ta’ l-Universita’ ta’ Malta b’kollaborazzjoni mad-Dipartiment ta’ l-Oftalmoloġija fi Sptar Mater Dei

Riċerkatur ewlieni: Dr David Agius (tabib fit-taħriġ ta’ l-oftalmoloġija)
Supervisors: Mr Francis Carbonaro (konsulent oftalmologu) u Prof Julian Mamo (epidemjologu)

Dan il-proġett hu possibbli b’fondi mill- Malta Community Chest Fund b’kollaborazzjoni mar-Research Innovation and Development Trust (RIDT) u b’permezz ta’ sponsorship (Class Optical)

Għan
Sabiex nidentifikaw kemm huma komuni l-kundizzjonijiet ta’l-għajnejn li jistgħu inaqqsu l-vista fil-popolazzjoni adulta Maltija ta’ bejn il-50 u 80 sena.

Min se jipparteċipa?
Il-parteċipazzjoni f’dan l-istudju se ssir biss minn min jirċievi l-invit.
Sabiex ir-riċerka taghtina riżultati li jagħmlu sens u li jkunu utli , il-parteċipanti se jiġu magħzula permezz ta' random sampling, jiġifieri se jissejjaħ kampjun mir-reġistru elettorali mingħajr ebda preferenza u mingħajr ebda forma ta’ diskrimanzzjoni ta’ bżonn jew talba partikolari. Għaldaqstant infakkru li se nkunu qed nistiednu ħames t’elef ruħ ta’ etajiet bejn ħamsin u tmenin għal dan, allura hemm cans tajjeb li wieħed jingħazel għax in-numru ta’ parteċipanti li se naraw huwa kbir. Nawgurlalek li jekk tirċievi mingħandna, tieħu l-opportunita’ sabiex tattendi din il-viżta li tista’ tgħinnek u li se tgħin lill-poplu Malti u Għawdxi.
Kampjun ieħor ta’ madwar mitejn persuna li nafu li huma neqsin mid-dawl se jisseħju mill-lista tal-Commission for the Rights for Persons of Disability, bil-permess tal-kummissjoni. Dawn il-parteċipanti se jsirulhom l-istess testijiet.

Post:
Sptar Mater Dei, Ophthalmology Outpatients

X’tinvolvi l-parteċipazzjoni:
It-test komplut ta’l-għajn jinvolvi:
Test tal-vista u tan-nuċċali (refraction)
Eżaminazzjoni ta’ l-għajn tat-tabib fuq l-islit lamp
Ritratti tal-wara ta’ l-għajn
Spectral-domain optical coherence tomography (sdOCT) scan – dan huwa test li jsir biex jaqbad ċerta forom ta’ zokkor fl-għajn, glaucoma, u macular degeneration.
Mistoqsijiet fuq is-saħħa in ġenerali
Test tal-pressjoni tad-demm piż, tul u zokkor fid-demm
Teħid ta’ kampjun tal-bżieq għal testijiet futuri fil-ġenetika

Meta:
L-istediniet se jintbagħtu f’dawn is-sentejn li ġejjin (minn tmiem 2019 sa 2021).
Wieħed se jkollu data u ħin fuq l-invit. Jekk wieħed ma jkunx jista’ jattendi fid-data li tingħatalu, għandu jinfurmana fuq id-dettalji li jingħata

Benefiċċji tal-parteċipazzjoni:
Test ta’ l-għajn komplut u b’xejn
Jista’ jinqabad mard ta’ l-għajn fi stadju ta’ qabel sintomi, u b’hekk issir riferta għall-kura minn stadju bikri, b’mod li wieħed jippreveni l-kumplikazzjonijiet u n-nuqqas fil-vista
Sponsored gift vouchers u prodotti tal-kura ta’ l-għajn

Xi prattikalitajiet għal min jipparteċipa:

Jekk għandek nuċċali tal-vista, ġibu miegħek, flimkien ma’ xi riċetti li jista’ jkollok.

Jekk għandek xi storja medika ninkoraġġuk iġġib miegħek il-lista ta’ mediċini li tieħu flimkien ma’ xi noti dwar saħħtek li jista’ jkollok. Dawn ikunu ta’ għajnuna għalina sabiex ninviżtawk ahjar.

Nirrikmandaw ukoll sabiex ma ssuqx inti għal dan l-appuntament. Ikun idejali jekk jiġi xi ħadd jakkumpanjak, speċjalment jekk ħa tkun qed tuża trasport privat. Ħa nkunu qegħdin nipprovdu parking ticket għal min ikun qed isuqek.