MonPermaculture

Сөүл дэхь амралтын нэг өдрөөрөө чимээгүйхэн сууж, юм нэхэж, утаснаас түр холдох сонирхолтой газар оллоо. 🧶 Та бүхэнд санаа авхад туслах боловуу гэж оруулж байна.

Гаднаасаа харахад анзаарагдамгүй жижигхэн мөртлөө дотроо нийт 6 давхар нэхмэл, сүлжмэлийн ертөнц байдаг гэж хэн санах вэ.

Эхний гурван давхарт нь нэхмэл, сүлжмэл эдлэл, төрөл бүрийн утас, зүү, товч, хэрэгсэл гээд юм юм зарна. Хиймээр байгаа цүнх, малгай, тоглоом, ороолт зэрэг загваруудын жишээг бодитоор хараад QR код уншуулахад хэдэн номерын ямар нэхмэлийн утас, зүү хэдэн ширхэг хэрэгтэй болох эсгүүр, заавар бүх мэдээлэл нь гарч ирнэ. Би жишээ нь сандалны хөлний зөөлөвч нэхмээр байвал бүх мэдээлэлээ олж хараад тухайн юмаа сагсанд хийж худалдаж аваад дээшээ нэхмэлийн lounge руу орно.
Lounge нь маш тухтай, нам гүм, цэлгэр сэрүүхэн орчинтой. Хэдэн цаг суухаасаа шалтгаалаад төлбөрөө төлнө. Доороос эдний материалаас худалдан авалт хийсэн бол хөнгөлөлттэй. Харин юу ч нэхэхгүй байсан ч над шиг зүгээр л цагийн мөнгөө төлөөд орж болно 😄
Цагын төлбөрт уух юм, snack, зууш үнэгүй. Кофе, цай, ундаа янз бүрээрээ байна. Дотоод засал нь хүртэл нэхмэл элементүүдээр шийдсэн, дэгжин хэр нь орчин үеийн мэдрэмжтэй. Эрэгтэй хүмүүс хүртэл чимээгүйхэн юм нэхээд, бясалгаад сууж байх нь их сонин санагдсан. Гар утаснаасаа түр холдоод өөртөө цаг гаргах гоё мэдрэмжтэй газар юм байна.
Дээрээ гардентай юм шиг байна… дараа л гарч үзье.
Манай монгол эмэгтэйчүүд юм юм нэхдэг, оёдог шиддэг их ажилсаг уран. Тухайн материалаа олж авах гэж эрэл хайгуул цаг зав их үрэгддэг, мөн тайван газар олж урлах нь хүндрэлтэй байдаг харагддаг. Зүүгээ хүүхдээсээ нууна, нуусанаа өөрөө олохгүй юм юм болно. Ийм нэг амгалан “ зүү нуух” шаардлаггүй газартай болоорой гээд санаа өглөө шүү.

“ 1 мк² бүр үнэ цэнэтэй” хөдөлгөөн Европд өрнөсөөр байна. Аспалтен зам, цементен суурь, авто зогсоолыг өрөмдөн ховхлон оронд нь чулуун зам, эко хавтан тавьж байна. Ингэсэнээр бороо цасны ус хөрсөнд нэвчиж, чулууны завсараар шавьж үржих амьдрах боломж олгож байгаа юм. Иргэд өөрсдийн зогсоолын газраасаа эхлэн энэхүү ажилд оролцож мөн хандив өргөн биечлэн туслаж байгаа бол хог ачилт болон барилгын хог боловсруулах компаниуд “ажиллангаа” хандив өгч байна. Энэ шийдэл нь халуун зунаар хотыг жоохон ч гэсэн “ хөргөх” бас нэг арга юм.
Бид ч бас нэгийг тунгааж байгальд ээлтэй хувилбараа сонгоцгоох хэрэгтэй. Та хашаандаа цементэн зам, цементен буурь цутгах гэж байна уу? Хэдэн жилийн дараа бутраад бужигнаад муухай юм болно. Чулуу гоё шигтгэдэг арга ч бас байна шүү… эко хавтан зөв сайн суулгачуул маш олон жил болдог , завсараар нь ногоо ургаад их зүгээр шүү. Төрийн хөрөнгөөр юм л бол цементелдэг төслүүд дээр ажигч шүүмжтэй хандая. Гэрийн буурь цемкнтлэхээс өөр байгальд ээлтэй арга бодож олцгооё. Угаасаа муухай болдын билээ.

Өвсөөр эмчлэх уламжлалт аргын тухай сонирхуулъя. Сүүлийн жилүүдэд, ялангуяа Ковидын дараах сэргээн засах, байгалийн гаралтай тайвшруулах аргуудыг сонирхох хүмүүс нэмэгдэхийн хэрээр Европын зарим оронд “өвсөн саун”, “өвсөн сувилал” дахин түгээмэл болжээ.
Шинэхэн хадсан өвсний үнэр, дулаан, ургамлын эфирийн тос нь биеийг тайвшруулж, булчин чангарсан мэдрэмжийг сулруулах, стресс бууруулах, нойрыг дэмжихэд тусалдаг гэж үздэг. Тариачид хадлангийн үеэр шинэхэн өвсөн дээр амарч хоносны дараа бие сэргэж, ядаргаа тайлагддагийг анзаарснаар энэ уламжлал үүссэн гэх яриа бий.
Өвс байгалийн жамаараа исэлдэн бага зэрэг халж, дулаан орчин үүсгэдэг тул хөлс ялгаралт нэмэгдэж, бие суларч тайвширдаг байна. Үүний дараа шууд шүршүүрт орохгүй, хэсэг хугацаанд амарч, арьсанд үлдсэн ургамлын үнэр, мэдрэмжийг шингээхийг зөвлөдөг газрууд ч бий.
Зун цагт хөл нүцгэн өвсөн дээр алхах, цэвэр агаарт гарах, нуур голын байгалийн орчинд амрах нь сэтгэл санаа, биеийн алжаалыг тайлахад эерэг нөлөөтэй. Байгальтайгаа ойр байх нь өөрөө нэг төрлийн амралт сувилгаа юм.

Дээээээр үед хүүхэд насны ихэнх мөч байгаль өнгөрдөг байлаа. Эрвээхэй хөөж, царцаа барьж, чулуу сөхөхөд бужигнасан олон жижиг хорхой шавьжийг гайхан ажигладаг байв.
Харин өнөөдөр технологи хурдацтай хөгжиж, зүлэг тэгшлэгч роботтой, төгс зассан модерн цэцэрлэгтэй болсон ч… бид яг юу алдчихав?
🪲 Шавьжны нийт биомасс 75%-иар буурчээ
🦋 Эрвээхэйн тоо 25 жилийн дотор 50%-иар цөөрчээ
✨ Гэрэлт цох зарим бүс нутагт бүрэн алга болжээ
Хөгжил бидэнд тав тух авчирсан. Гэвч зөвхөн тэгш зүлэг, “цэвэрхэн” орчин, өөрсдийн амар тайвныг эрхэмлэхийн төлөө бид байгалийн олон төрөл зүйлийг чимээгүйхэн үгүй хийсээр байна.

Байгаль чимээгүй үхдэг. Харин бид анзаарахгүй өнгөрдөг.