IFFC

Өнөөдөр Солонгосын төмөр замын “KORAIL" корпорацийн Олон улсын логистикийн газрын дарга Ким Хён Чаныг УБТЗ-ын Тээвэрлэлт хөдөлгөөн хариуцсан замын орлогч дарга Д.Амарбаясгалан болон Тээвэр зохион байгуулалтын алба, Гадаад харилцааны алба, Олон улсын тээвэр зуучлалын төв хүлээн авч уулзлаа.
Уулзалтаар БНСУ-аас БНХАУ-аар дамжуулан Монгол Улс руу олон улсын холимог тээврийн туршилтын тээвэр хийх, Монгол Улс, БНСУ-ын талууд төмөр замын логистик салбарт хамтын ажиллагааны төслүүдийг зохион байгуулах, ачаа тээврийн салбарын ажилтнуудыг мэргэжил дээшлүүлэх, төмөр замын хөдөлгөөнтэй холбоотой ажилтнууд харилцан туршлага солилцох зэрэг асуудлаар санал солилцлоо. Олон улсын Тээвэр логистикийн хамтын ажиллагаа өргөжин тэлж, ачаа тээврийн хэмжээг нэмэгдүүлэх чиглэлээр хамтран ажиллаж байгаад талархал илэрхийлье.

🚂 Өнөөдөр “Улаанбаатар төмөр зам” ХНН-ийн 76 жилийн ой тохиож байна! 🎉
📅 1949 оны 6 дугаар сарын 6-нд Монгол-Зөвлөлтийн Засгийн газар хооронд байгуулсан хэлэлцээрээр хувь нийлүүлсэн нийгэмлэг — “Улаанбаатар төмөр зам” байгуулагдсан билээ.

🔧 🚆 Тэр цагаас хойш манай улс төмөр замтай хамт хурдацтай хөгжиж, 🏭🚜 Төмөр зам хүрсэн газар бүхэнд шинэ үйлдвэр, уурхай, хот, тосгон сүндэрлэн босож, 👨‍👩‍👧‍👦🏠 Аж төрөх шинэ хэв маяг, соёл бүрэлдэн төлөвшсөн түүхтэй.

🎊 76 жилийн ойн мэнд хүргэе! 🇲🇳

Өнөөдөр “Улаанбаатар төмөр зам” ХНН-ийн 76 жилийн ой тохиож байна. 1949 оны 6 дугаар сарын 6-нд Монгол-Зөвлөлтийн Засгийн газар хооронд хувь нийлүүлсэн нийгэмлэг “Улаанбаатар төмөр зам”-ыг байгуулах тухай хэлэлцээрт гарын үсэг зурсан цагаас хойш манай улс хурдацтай хөгжиж ирсэн түүхтэй.
Төмөр зам хүрсэн газар бүхэнд шинэ үйлдвэр уурхай, хот, тосгон сүндэрлэн босож, аж төрөх ёсны шинэ хэв маяг, соёл бүрэлдэн төлөвшиж, улс орон эрчимтэй хөгжиж ирсэн билээ.