Core computers

Аав нь хүүгээ ажилд оруулахын тулд тоглоомд “алуулдаг” байсан түүх

2013 онд Хятадад болсон нэгэн хачирхалтай явдал дэлхийн хэвлэлүүдийн анхаарлыг татсан юм. Шэньси мужийн Фэн овогтой аав 23 настай ажилгүй хүүгээ онлайн тоглоомд хэт автсан гэж үзээд ер бусын арга хэрэглэжээ. Тэрээр хүүгийнхээ тоглодог тоглоомын хүчтэй тоглогчдыг мөнгөөр хөлсөлж, хүү онлайнд орох бүрт нь дүрийг нь байнга устгаж байх даалгавар өгсөн байна.

Аавын бодлоор олон удаа ялагдсан хүү тоглоомоос залхаж, ажил хайж эхлэх ёстой байв. Гэвч төлөвлөгөө бүтсэнгүй. Хүү нь өөрийг нь яагаад байнга онилоод байгааг мэдэж, эцэст нь аавынхаа нууц ажиллагааг олж мэджээ.

Сонирхолтой нь тэр уурлаж бухимдсангүй. Харин “Би тоглож ч чадна, тоглохгүй ч чадна. Зүгээр л өөрт тохирсон ажлаа хайж байгаа” хэмээн аавдаа тайлбарласан байна.

Энэ явдал нь онлайн тоглоомын тухай гэхээсээ илүү эцэг эх, хүүхдүүдийн хоорондын ойлголцлын тухай бодит түүх болон үлдсэн юм.

Одиссей гарахад 52 хоног үлдлээ 😍

Нолан дахин нэг нүсэр бүтээлээ хүргэхэд бэлэн боллоо Холливудын алдарт найруулагч Christopher Nolan-ы найруулж буй "The Odyssey" кино яг 3 цаг хүрэхгүй хэдий ч 2 цаг 53 минут буюу бараг л 3 цагийн турш үргэлжлэхээр болсон байна. Түүний өмнөх бүтээл "Oppenheimer" (3 цаг) болон "Interstellar" (2 цаг 49 минут) зэрэг кинонуудтай адил урт хугацаагаар үзэгчдийг дэлгэцийн өмнө уях энэхүү бүтээл кино сонирхогчдын дунд асар өндөр хүлээлт үүсгээд байгаа юм. Уг киноны үйл явдлын дэлгэрэнгүй хараахан тодорхой болоогүй байгаа ч Nolan-ы хувьд баатарлаг сэдвийг шинэлэг өнцгөөс, өөрийн нэрийн хуудас болсон IMAX форматаар хэрхэн амилуулах нь олны анхаарлыг зүй ёсоор татаж байгаа билээ.