Logic.mn

А.Энхжин: Хөгжлийн банк олон улсын хувь нийлүүлэгчтэй байх жишгээр хөгжинө

-Дэлхийн 150 гаруй оронд 500 гаруй Хөгжлийн банк байна.Тэгэхээр Хөгжлийн банкны орон зай манайд бий. Хаан банкны нийт активын хэмжээ 22 их наяд төгрөг гэж байгаа боловч уг банк өөрөө дангаараа Монгол Улсын эдийн засагт шаардлагатай байгаа эрчим хүч, дэд бүтцийг санхүүжүүлэх боломж нь хязгаарлагдмал. Өөрөөр хэлбэл, арилжааны банкууд урт хугацааны санхүүжилт олгох боломж хязгаарлагдмал, төвөгтэй хэвээрээ. Эх үүсвэрийн зардал нь өндөр учраас урт хугацааны санхүүжилт олгох боломжгүй. Хамгийн урт хугацаат бизнесийн зээл нь 8-10 жил. Дэд бүтцийн зээлүүд эрсдэл их, урт хугацааны санхүүжилт шаарддаг учраас Хөгжлийн банкны орон зай шаардлагатай байгаа. Тиймээс эрсдэл өндөр ч эдийн засгийн ач холбогдолтой төслүүдийг санхүүжүүлэхэд хууль эрх зүйн хамгаалалт, боломжийг нь бүрдүүлэх хэрэгтэй.

А.Энхжин: Хөгжлийн банк олон улсын хувь нийлүүлэгчтэй байх жишгээр хөгжинө - logic.mn Логиктой мэдээллийг олборлоно.

Х.Нямбаатар: “Өргөө” зочид буудлыг нийслэлийн өмчид буцаан авлаа
-Нийслэлийн алдагдсан өмч хөрөнгийг эргүүлэн авах ажил 2026 онд мөн үргэлжилж байна. Энэ онд “Өглөөний гудамж”-д байрлах “Өргөө” зочид буудлыг нийслэл өмчдөө эргүүлэн авлаа. “Өргөө” зочид буудлыг нийслэлийн өмчид эргүүлэн авах шүүхийн шийдвэр 10 гаруй жилийн өмнө гарсан хэдий ч бодитоор хэрэгжиж чадаагүй. 2025 оны аравдугаар сард хотын дарга Х.Нямбаатар “Өргөө” зочид буудлыг нийслэлд буцаан авахаа мэдэгдэж, 2025 оны арваннэгдүгээр сарын 4-ний өдөр тус объектыг нийслэлийн өмчид эргүүлэн авах тухай шаардлагыг хүргүүлсэн.

Дулааны тавдугаар цахилгаан станц төсөлд 2026 онд 200.0 тэрбум төгрөгийн үнэт цаас гаргаж, санхүүжүүлэхээр төлөвлөсөн. Тэгвэл өнөөдөр Хөрөнгийн бирж дээр албан ёсоор шинэ бонд арилжаалагдаж эхэллээ. Дулааны тавдугаар цахилгаан станцын санхүүжилтэд гаргах үнэт цаасыг 3 жилийн хугацаатай 14 хувийн хүүтэй гаргах юм. Уг төслийн нийт өртөг 658.5 сая ам.доллар байхаар төлөвлөгдсөн. Үүнээс нийслэлийн хариуцах хөрөнгө 20 хувь буюу 131.7 сая ам.доллар байна. 2025 оны 12 дугаар сарын 22-ны өдрийн ханшаар тооцоход энэ нь 467.4 тэрбум төгрөг болж байна.

Автомашины яндан дор өвс, ургамал хуримтлагдан халалт үүсгэсний улмаас ой хээрийн түймэр гарчээ

Хаврын улиралд хуурайшилт ихсэж, иргэдийн санамсар болгоомжгүй үйлдлээс шалтгаалан ой, хээрийн түймэр гарах эрсдэл нэмэгдэж байна.
Сүхбаатар аймагт “Уулбаян суманд ой хээрийн түймэр гарсан” тухай дуудлага, мэдээллийн дагуу цагдаагийн байгууллагаас холбогдох шалгалтын ажиллагааг явуулахад энэ оны 03 дугаар сарын 27-ны өдөр Монгол Улсын иргэн Б.С нь “Приус” маркийн тээврийн хэрэгсэлтэй хөдөлгөөнд оролцох үед автомашины яндан дор өвс, ургамал хуримтлагдан халалт үүсгэсний улмаас ойн хээрийн түймэр гарсан нь урьдчилсан байдлаар тогтоогдсон.
Ой, хээрийн түймрийн шалтгаан, нөхцөлийн 70 орчим хувь нь хүний санамсар, болгоомжгүй үйлдэл тухайлбал: дутуу унтраасан чүдэнз, тамхины иш гал, үнс нурам зэргээс үүдэлтэй байдаг.
Иймд иргэн бүр хариуцлагатай байж, ой, хээрийн түймрээс урьдчилан сэргийлэхийг цагдаагийн байгууллагаас анхааруулж байна.

УИХ-ын даргын сонголтод “хэн нь илүү харагдах вэ” гэдгээс илүү “хэн нь парламентын хэвийн үйл ажиллагааг найдвартай авч явж чадах вэ” гэдэг шалгуурт тэнцэх улс төрч!

-УИХ-ын дарга, Ерөнхий сайд огцрох болж байна. Энэ хүрээнд дараагийн УИХ-ын дарга ямар хүн байх ёстой вэ гэдэг асуулт ч мөн адил хөндөгдөж байна.

-Юуны өмнө парламент бол туршлага, тэнцвэр, эв зүйг шаарддаг институци. Тиймээс энэ танхимыг удирдах хүн нь зөвхөн улс төрийн карьерын эхэнд яваа шинэ хүн байх уу, эсвэл олон удаа сонгогдож, бодит ажлын туршлага хуримтлуулсан улстөрч байх уу гэдэг дээр бодох шаардлага Н.Учрал, Д. Амарбаясгалан нарын өмнөх спикерүүдээс урган гарч ирлээ!

-Тэгвэл МАН-аас олон удаа сонгогдсон хэд хэдэн улс төрч бий. Тэр дотроос харвал С.Бямбацогт УИХ-д таван удаа сонгогдсон, харьцангуй тогтвортой улс төрийн замналтай хүний нэг. Түүнийг дэмжигчид нь авлига, ашиг сонирхлын зөрчилтэй холбогдсон маргаан бага, ажил хариуцсан салбар бүртээ тодорхой үр дүн гаргасан гэж үздэг. Ялангуяа Ховд аймагт хэрэгжсэн томоохон дэд бүтэц, эрчим хүчний төслүүд, тэр дундаа Эрдэнэбүрэнгийн усан цахилгаан станцын асуудал, Ховд Цемент зэрэг нь түүний нэртэй холбогдон яригддаг.

-Мэдээж улс төрд хэн нэгнийг туйлширч магтах нь эрүүл хандлага биш. Гэхдээ бодит жишээ, хийсэн ажил дээр нь тулгуурлаж дүгнэх нь илүү ач холбогдолтой. Энэ утгаараа тухайн улстөрчийн үнэлгээ нь PR биш, бодит үр дүн дээр тогтох ёстой.

-Нөгөө талд, шинэ үеийн улстөрчдийг дэмжих шаардлага ч бий. Тухайлбал ганц, хоёр сонгогдсон улстөрчид ч цөөнгүй. Гэвч парламентын даргын суудал бол зөвхөн шинэчлэл биш, туршлага, тэнцвэр, эв нэгдлийг нэгэн зэрэг шаарддаг онцгой байр суурь гэдгийг саяны улс төрийн кейс тодорхой харууллаа!

-Тиймээс энэ албан тушаалд хэт “шинэ” хүн очиход улс төрийн олон урсгал, ашиг сонирхлыг зохицуулахад бэрхшээл үүсэх эрсдэл бий. УИХ-ын дарга гэдэг бол зөвхөн хууль хэлэлцүүлэх хүн биш. Харин парламент доторх зөрчлийг зохицуулах, олон нам, бүлгүүдийн хооронд тэнцвэр барих, гадаад дотоод улс төрийн нөхцөл байдалд институцийн тогтвортой байдлыг хадгалах үүрэгтэй. Ийм үүргийг гүйцэтгэхэд туршлага зайлшгүй хэрэгтэй.

-Энэ өнцгөөс харвал олон удаа сонгогдсон, фракц бүлэглэлээс харьцангуй ангид, талуудтай ойлголцож чаддаг улстөрч парламентын даргын үүргийг илүү тогтвортой гүйцэтгэх магадлал өндөр. Гэхдээ нөгөө талаас, ийм туршлагатай хүн Засгийн газрын түвшинд ажиллаж, бодлогын томоохон төслүүдийг урагшлуулах нь улс нийгэмд илүү үр өгөөжтэй байх ч, цаг үе хүнд байна.

-Өнөөдрийн нөхцөл байдалд Монголын улс төр дотоод, гадаад олон сорилттой тулгарч байна. Ийм үед хамгийн чухал зүйл нь хувь хүний амбиц биш, харин институцийн тогтвортой байдал юм. Тиймээс УИХ-ын даргын сонголтод “хэн нь илүү харагдах вэ” гэдгээс илүү “хэн нь парламентын хэвийн үйл ажиллагааг найдвартай авч явж чадах вэ” гэдэг шалгуур чухал байна.

-Эцэст нь хэлэхэд, парламентын дарга бол улс төрийн пиарын дүр биш, харин тэнцвэрийг хадгалагч байх ёстой албан тушаал. Энэ зарчмыг баримталсан сонголт л урт хугацаандаа улс төрийн тогтвортой байдлыг авчирна.

Э.Мөнхтүвшин

"ЧИНГИС ХААН ҮНДЭСНИЙ БАЯЛГИЙН САН" ХХК-ИЙН

ГҮЙЦЭТГЭХ УДИРДЛАГЫГ СОНГОН ШАЛГАРУУЛАХ ЗАР



2026 оны 03 дугаар сарын 26-ны өдөр Улаанбаатар хот



НЭГ. КОМПАНИЙН ТОВЧ ТАНИЛЦУУЛГА

Монгол Улсын Үндсэн хуулийн 2019 оны нэмэлт, өөрчлөлтөөр “Байгалийн баялаг ард түмний мэдэлд байх, газрын хэвлийн баялгийн үр өгөөжийг Үндэсний баялгийн санд төвлөрүүлж, одоо ба ирээдүйн иргэн бүрд тэгш, шударга хүртээх” эрх зүйн суурь зарчмыг тогтоосон бөгөөд Монгол Улсын Их Хурлаас 2024 оны 04 дүгээр сарын 19-ний өдөр “Үндэсний баялгийн сангийн тухай” хуулийг баталсан. “Чингис хаан үндэсний баялгийн сан” ХХК нь Үндэсний баялгийн сангийн тухай хуулиар тогтоосон төрөлжсөн сангийн хөрөнгийн менежментийн хэрэгжилтийн биелэлтийн хангах, сангийн үйл ажиллагааг гадаад, дотоодод таниулан сурталчлах зорилгын хүрээнд дараах чиглэлээр үйл ажиллагаа явуулж байна. Үүнд:

Чингис хаан Үндэсний баялгийн сангийн хөрөнгө удирдлагыг хэрэгжүүлэх бэлтгэлийг хангах, судалгаа хийх;
Үндэсний баялгийн сангийн хөрөнгийн бодлогын хэрэгжилтийг хангуулахад дэмжлэг үзүүлэх;
Хуульд заасан стратегийн ордын төрийн эзэмшлийн хувь хэмжээг тогтоох хэлэлцээ хийхэд мэргэжлийн дэмжлэг үзүүлэх;
Сангийн үйл ажиллагааг гадаад, дотоодод сурталчлан таниулах;
Сангийн хөрөнгийн удирдлагыг хэрэгжүүлэх хүний нөөцийг бэлтгэх, чадавхжуулах;
Иргэдийн хуримтлалын дансны мэдээллийг төрийн үйлчилгээний цахим системээр дамжуулан ил тод тайлагнах;
Иргэд, олон нийтэд Үндэсний баялгийн сангийн талаарх үнэн зөв мэдээлэл өгөх, түгээн дэлгэрүүлэх, сургалт, судалгаа, мэдээлэл хийх;
ХОЁР. НЭР ДЭВШИГЧИД ТАВИГДАХ НИЙТЛЭГ ШААРДЛАГА

Гүйцэтгэх захирлын ажил, үүргийг гүйцэтгэх ур чадвар, мэдлэг боловсрол, ажлын туршлагатай байх;
Өөрөө болон нэгдмэл сонирхолтой этгээд нь компанитай сүүлийн 3 жилийн хугацаанд аливаа бизнесийн харилцаанд орж байгаагүй, ашиг сонирхлын зөрчилгүй байх;
Нэгдмэл сонирхолтой этгээд нь сүүлийн 3 жилийн хугацаанд тухайн компанид, эсхүл түүний хараат болон охин компанид эрх бүхий албан тушаал эрхэлж байгаагүй байх;
Зээл буюу батлан даалтын гэрээгээр хүлээсэн хугацаа хэтэрсэн аливаа өргүй байх;
Компанийн менежментийг хэрэгжүүлэх, манлайлах болон өдөр тутмын үйл ажиллагааг удирдлагаар хангах, багаар ажиллах болон харилцааны өндөр ур чадвартай байх;
Тодорхой албан тушаал эрхлэх, эсхүл үйл ажиллагаа явуулах эрхийг нь шүүхийн шийдвэрээр хасаагүй, аливаа шүүхийн шийдвэрээр ял шийтгэлгүй байх.
ГУРАВ. НЭР ДЭВШИГЧИД ТАВИГДАХ ТУСГАЙ ШААРДЛАГА

Бакалавр ба түүнээс дээш боловсролын зэрэгтэй, санхүү, төрийн удирдлага, бизнесийн удирдлага, олон улсын эдийн засгийн харилцаа зэрэг холбогдох чиглэлээр мэргэшсэн байх;
Олон улсын банк, санхүү, хөрөнгө оруулалтын байгууллага, төр, хувийн хэвшилд нийт 10-аас доошгүй жил ажилласан. Үүнээс стратеги, бодлого тодорхойлох түвшинд 3-аас доошгүй жил ажилласан туршлагатай байх;
Олон улс, үндэсний хэмжээний төсөл, хөтөлбөрийг удирдан хэрэгжүүлсэн, эсхүл уг төсөл хөтөлбөрт стратегийн зөвлөхийн түвшинд оролцож байсан туршлагатай бол давуу тал болно.
Төр, хувийн хэвшил, олон улс болон иргэний нийгмийн байгууллагуудын олон талт хамтын ажиллагааг зохион байгуулах, бодлогын түвшний уялдааг ханган ажиллах мэдлэг туршлагатай байх;
Англи хэлний ярианы болон бичгийн өндөр чадвартай байх; (IELTS 7.5, TOEFL 100-аас доошгүй оноотой байх, Англи хэл дээр зэрэг хамгаалсан бол оноо шаардахгүй);
Компанийн засаглал, хөрөнгийн удирдлага болон үнэт цаасны зах зээлийн талаар мэргэшүүлэх багц сургалтад хамрагдсан байх;
Тэтгэврийн насанд хүрээгүй байх;
ДӨРӨВ. БҮРДҮҮЛЭХ МАТЕРИАЛ

Сонгон шалгаруулалтад оролцох хүсэлт (Сонгон шалгаруулалтад оролцох хүсэлтээ тодорхой бичиж, нэр дэвшигчид тавигдах тусгай шаардлагыг хангаж байгаа талаарх өөрийн мэдлэг, ур чадвар, туршлагын талаар тодорхой тусгах);
Анкет (Төрийн албан хаагчийн хувийн хэрэг хөтлөх журмын 1 дүгээр хавсралт, 2025 он), товч намтар;
Ажил байдлын тодорхойлолт (ажил эрхэлж байсан 2-оос доошгүй байгууллагаас тодорхойлолт авах, иргэн өөрийн хийж гүйцэтгэсэн ажлын талаарх мэдээлэл);
Нийгмийн даатгалын шимтгэл төлөлтийн лавлагаа (e-mongolia);
Боловсролын диплом, мэргэжлийн үнэмлэх, сургалт семинарт хамрагдсан гэрчилгээ, сертификатын хуулбар (гадаадад их, дээд сургууль төгссөн бол баталгаат орчуулгын хамт);
Иргэний үнэмлэхийн лавлагаа (е-mongolia);
Хугацаа хэтэрсэн зээлийн өртэй эсэх лавлагаа (e-mongolia) ;
Эрүүгийн хариуцлага хүлээж байсан эсэх тухай лавлагаа (e-mongolia);
Нэр дэвшигчид тавигдах нийтлэг болон тусгай шаардлагыг хангасан тухайгаа тодорхойлох лавлагаа болон бусад нэмэлт материалууд.
ТАВ.СОНГОН ШАЛГАРУУЛАЛТЫН ҮЕ ШАТ

Сонгон шалгаруулалтад оролцогчийн материалыг ирүүлсэн огноо, цагийг бүртгэн хүлээн авна.
Тухайн албан тушаалд тавигдах нийтлэг болон тусгай шаардлагад нийцэж байгаа эсэхийг үнэлж, хамгийн өндөр үнэлгээ авсан 5 хүртэлх оролцогчийг ярилцлагын шалгалтад урина.
Ярилцлагын шалгалтын дүнгээр хамгийн өндөр үнэлгээ авсан 3 оролцогчийн материал, ярилцлагын үр дүнг Төлөөлөн удирдах зөвлөлд танилцуулна.
Хамгийн өндөр үнэлгээ авсан оролцогчийг Гүйцэтгэх захирлаар сонгон баталгаажуулж, гэрээ байгуулна.
ЗУРГАА. МАТЕРИАЛ ХҮЛЭЭЖ АВАХ ГАЗАР, ХУГАЦАА

Сонгон шалгаруулалтад оролцох иргэний материалыг 2026 оны 04 дүгээр сарын 9-ний өдрийн 17:00 цаг хүртэл цахим хаягаар хүлээн авна.
Нэмэлт мэдээллийг (976)-99991994 дугаарын утаснаас авна уу.
Цахим хаяг: [email protected]
ДОЛОО. АНХААРАХ ЗҮЙЛС

Бүрдүүлэх материалыг цахимаар ирүүлэх бөгөөд нэг /pdf/ файл болгон ирүүлнэ.
Материалыг сонгон шалгаруулалтын дараа буцаан олгохгүй.
Хугацаа хоцорсон материалыг хүлээн авахаас татгалзана.
Материал хүлээн авсантай холбоотой компани тухайн оролцогчийн өмнө аливаа хариуцлага хүлээхгүй болно.
Материалын бүрдэл дутуу тохиолдолд сонгон шалгаруулалтад оруулахгүй.
Зөвхөн сонгон шалгаруулалтын дараагийн шатанд тэнцсэн оролцогчтой холбоо барихыг анхаарна уу.


“ЭРДЭНЭС МОНГОЛ” ХХК

Цахим орчинд худалдаалж буй 3 бараа тутмын 1 нь залилан байх магадлалтай

Дэлхий дулаарч, амьдрал хумигдаж байна

Ирвэс нь Монгол Алтай, Говь Алтай, Хангайн уулархаг бүсэд 900–3500 метрийн өндөрт тархан амьдардаг бөгөөд устаж болзошгүй ангилалд багтаж байна. 2070 он гэхэд уур амьсгал ирвэсийн хувьд тааламжтай бус болж эхэлнэ. Хэдийгээр хад асгатай ч халуун болж эхэлнэ. Тиймээс ирвэсийн хувьд дэлхийн дулааралтай холбоотойгоор өндрийн шилжилт байнга хийж байгаа. Ангилал зүйн бүхий л төрөл дээр ийм өөрчлөлт байнга ажиглагдаж байгаа.

Дэлхий дулаарч, амьдрал хумигдаж байна - logic.mn Логиктой мэдээллийг олборлоно.

Хөвсгөл нууранд живсэн 2 буцалтгүй нэрвэгдэгч болон автомашиныг бүрэн татаж гаргалаа

✅Хөвсгөл аймгийн Ханх сум Хороо 2-р баг Хөвсгөл нуурын “Долоон уул” гэдэг газар /аймгийн төвөөс хойд зүгт 210 км, Ханх сумын төвөөс баруун зүгт 25 км, Хатгал тосгоноос хойд зүгт 100 км/-т Ханх сумын төвөөс Мөрөн сумын чиглэлд мөсөн дээгүүр зорчиж явсан иргэн Т.Б-гийн эзэмшлийн УАЗ 3909 загварын автомашин мөсөнд цөмөрсөн /1иргэн явсан эсэн мэнд гарсан/ тухай мэдээлэл 2026.02.13-ны өдөр Онцгой байдлын газарт бүртгэгдсэн.

✅Хөвсгөл нуурт живсэн автомашиныг татан гаргах иргэдийн хүсэлтийн дагуу Онцгой байдлын газрын дарга, дэд хурандаа С.Ганболдоор ахлуулсан алба хаагч, 2 автомашинтай, сум орон нутгаас 23 хүн, 7 автомашинтайгаар хамтран ажиллаж 180 метрийн гүнээс загасан нүд /усны камер/ ашиглан холболт хийн автомашиныг нуурын мөсөнд тулган татсан.

✅Ажиллагаагаа 2026.03.20-ны өдөр үргэлжлэн Онцгой байдлын газрын Эрэн хайх, аврах салбарын 2 шумбагч алба хаагч 7 метрийн гүнд шумбан, автомашины арын чирэгчинд холболт хийн автомашиныг нуурын мөсөн дээр татан гаргалаа.

✅Мөн Хөвсгөл аймгийн Ренчимлхүмбэ сумын Далайн зах 4-р багийн "Хачим" гэдэг газар /Аймгийн төвөөс хойд зүгт 170 км, Хатгал тосгоноос хойд зүгт 70км, Ренчинлхүмбэ сумаас зүүн зүгт 62 км/-т Ханх сумаас Ренчинлхүмбэ сумруу хөдөлгөөн үйлдэж явсан иргэн Ө.Б-гийн эзэмшлийн Пургон автомашин дотроо 7 хүнтэй нуурын мөсөн дээгүүр зорчиж яваад хар хилрүү орж 1 том хүн, 1 хүүхэд автомашинтайгаа 2026.02.18-ны өдөр живсэн.

✅Дуудлагын дагуу Онцгой байдлын газрын алба хаагчид осол болсон газар очиж тухайн автомашиныг 146 метрийн гүнд байгааг ар гэртэй зөвшилцсөний үндсэн дээр татан гаргаагүй үлдээсэн.

✅2026.03.16-ны өдөр ар гэрийн хүмүүс усны камер ашиглан живсэн автомашиныг нуурын мөсөнд тулган татан гаргаж ирсэн 2 буцалтгүй нэрвэгдэгч болон автомашиныг бүрэн татаж гаргуулах шаардлагатай байна гэсэн дуудлагыг 2026.03.16-ны өдрийн 10:28 цагт хүлээн авсан.

✅Онцгой байдлын газрын Эрэн хайх, аврах салбарын захирагч, ахмад Б.Тэнгисээр ахлуулсан алба хаагчид, 1 автомашинтайгаар ослын голомтод очиход ‘’Фургон’’ загварын автомашиныг ар гэрийнхэн загасан нүд /усны камер/ якир ашиглан нуурын мөсөнд тулгасан байсан.

✅Онцгой байдлын газрын 2 алба хаагч нуурын 2-3 метрийн гүнд шумбалт хийж автомашинд живсэн 2 буцалтгүй нэрвэгдэгчийг автомашинаас гаргаж Ханх сумын Эрүүл мэндийн төвд шилжүүлэн өгч тухайн автомашины хойд талын броховноос троссоор холболт хийж ар гэрийн хүмүүстэй хамтран автомашиныг мөсөн дээр гаргасан.

✅Хөвсгөл нуурын мөсөн дээгүүр хөдөлгөөн үйлдэхийг хориглосон аймгийн Засаг даргын захирамж гарсан ч иргэдийн санамсар болгоомжгүй үйлдлээс үүдэн дээрх харамсалтай ослууд гарсаар байна.

✅Иймд урин дулаан цаг ирж байгаатай холбогдуулан иргэд, малчид, тээвэрчид та бүхэн гол нуурын мөсөн дээгүүр зорчихгүй баталгаат зам маршрутаар зорчихыг онцгойлон анхааруулж байна.

Өнөөдөр хаврын дунд сарын шинийн гуравны өлзий наран гийсэн Дашнямтай бэлгэт өдөр тохиож буй.
Энэ өдөр сэтгэлдээ санасан сайн үйлс бүхэн саадгүй бүтэж, хийморь лундаа бадран дэлгэрэхийн ерөөлтэй билээ.

Хамаг амьтны насны барцад, саад тотгор бүхэн амирлан арилж, урт насалж удаан жаргахын өлзий ерөөлийг өргөн дэвшүүлье. Энх амгалан, сайн сайхан бүхэн дэлгэрч, буян хишиг арвижин бадрах болтугай!