Initium Novum LLC

Мэддэгээ хуваалцаж мэдлэгээ тэлцгээе.

Цогтоо нь байна аа.

Өнөөдөр та бүхэнтэйгээ бас нэгэн зүйлийн талаар ярилцах гэсэн юм. Энэ бол бидний сайн мэдэх Ломбардын тухай юм.

Ломбарданд эд зүйлээ алдаад явж байгаа юм биш биз?
Тэгвэл Улаанбаатарт өнөөдөр нийт ломбардын 80-аас багагүй хувь нь төвлөрч байна. Тухайлбал 180 ломбардын үйл ажиллагааг шалгахад барьцааны эд зүйлийг зах зээлийн үнээс 50-80 доогуур үнэлдэг, хугацаа нь дуусмагц сануулах мэссэж явуулж дараагийн өдрөөс нь зөрүү тооцохгүйгээр үл маргах журмаар худалдан ломбардын орлого болгодог. Мөн хугацаа дуусахаас өмнө эд зүйлээ эргүүлж авсан ч гэрээнд заасан хоногоор хүү тооцож авдаг зөрчил бас байгааг бид мэддэг.
Гэхдээ эдгээрээс нэг чухал асуудал байна. Энэ нь зээлээ төлж чадаагүйгээс өөрийн үнэт эд зүйлсээ Ломбардад алдсан хүн багагүй биз. Төлж чадаагүй хойно яая гэхэв гээд эвлэрээд явж байгаа ... Гэтэл ингээд орхих асуудал бас биш шүү. Хэдийгээр ломбард таниас барьцаанд авсан зүйлийг бусдад борлуулан алдагдлаа нөхөж, орлого болгон авч байгаа гэх хэдий ч “Хэдэн төгрөгөөр зарж байна вэ?” гэдгийг бид анхаарч энэ талаар мэдээллийг шаардах эрхтэй.
Учир нь ломбард худалдан борлуулахдаа үнэлсэн үнэлгээнээс илүү буюу өндөр үнээр зарсан бол илүү олсон мөнгөө таньд буцааж өгөх ёстой болохыг та мэдэх үү?

Ломбардыхыг буруутгах гэсэнгүй ээ. Авсан өгсөндөө өлзийтэй байж ард бүгдээрээ санхүүгийн хариуцлагатай байцгаая.

Таны хуулийн мэдлэгт туслахуй.

Гэр бүлийн гишүүдийн хамтран өмчлөх дундын эд хөрөнгийн тухай.
"Гэр бүлийн гишүүдийн хамтран өмчлөх дундын эд хөрөнгө" (joint property of family members/ Совместное имущество членов семьи) гэж гэрлэлтээ бүртгүүлснээс хойш хамтран амьдарсан хугацаанд бий болсон гэр бүлийн гишүүдийн хуваарьт эд хөрөнгөөс бусад эд хөрөнгө. Үүнд дараах эд хөрөнгө хамаарна. /МУИХ-ийн 126 зүйл/
1. гэрлэгчид, гэр бүлийн бусад гишүүн болон тэдгээрийн хамтын хөдөлмөр, аж ахуйн үйл ажиллагаанаас олсон болон бусад орлого, мөнгөн хуримтлал, шинээр бий болсон хөрөнгө;
2. гэр бүлийн гишүүдийн хамтран өмчлөх дундын хөрөнгийн орлогоор олж авсан үл хөдлөх, хөдлөх эд хөрөнгө;
3. ногдол хувь, үнэт цаас;
4. гэрлэгчид, гэр бүлийн бусад гишүүний хэн нэгний нэр дээр байгаагаас үл шалтгаалан гэрлэснээс хойш бий болсон бусад хөрөнгө;
5. гэр бүлийн гишүүн өөрийн хуваарьт хөрөнгөөс дундаа хамтран өмчлөхөд зориулж шилжүүлсэн хөрөнгө, мөнгөн хуримтлал. зэрэг болно.

Гэр бүлийн гишүүд нь хамтран өмчлөх дундын эд хөрөнгөө эзэмших, ашиглах, захиран зарцуулах адил эрх эдэлж, харилцан тохиролцсоны үндсэн дээр эд хөрөнгөө эзэмшиж, ашиглаж, захиран зарцуулна. Харин гэр бүлийн нэг гишүүнд ногдох эд хөрөнгийн хэмжээ нь насанд хүрээгүй, хөдөлмөрийн чадваргүй бүх гишүүнийг оролцуулан ойлгоно. Тиймээс хэрэв гэр бүлийн гишүүдийн хэн нэг нь хамтран өмчлөх дундын өмчийн үл хөдлөх эд хөрөнгөө захиран зарцуулахдаа гэр бүлийн насанд хүрсэн гишүүний бичгээр гаргаж, нотариатаар гэрчлүүлсэн зөвшөөрлийг зайлшгүй авсан байна эс болвоос уг зөвшөөрөл аваагүй хийсэн хэлцэл хүчин төгөлдөр бус байна. Энэхүү гэр бүлийн гишүүдийн дунд үүссэн дундаа өмчлөх эд хөрөнгийн гишүүдэд ногдох хэсгийн талаарх маргааныг зөвхөн МУ-ын шүүхийн журмаар шийдвэрлэнэ. Иймээс гэр бүлийн одоо байгаа болон шинээр үүсэх гишүүд тэдгээрийн хоорондын эдийн талаарх маргаанаас зайлсхийх амьдралын хугацаанд бий болгосон хөрөнгө, түүний төлөө зарцуулсан хөдөлмөрийг ирээдүйд үнэ цэнэтэй байлгах, маргаан гарах асуудлыг урьдчилан шийдвэрлэн зохицуулах боломжтой бөгөөд үүний нэг бодит арга нь Гэрлэгсдийн хооронд байгуулсан эд хөрөнгийн талаарх бичгээр байгуулж нотариатаар батлуулсан гэрээ болно. Уг гэрээг гэрлэлтээ батлуулхаас өмнө байгуулсан бол уг гэрээ нь гэрлэлтээ бүртгүүлсэн өдрөөс эхлэн хүчин төгөлдөр үйлчилэх бөгөөд хэрэв гэрээг байгуулаагүй бол гэрлэлтээ бүртгүүлснээс хойш хэдийд ч байгуулах боломжтой юм.