MyCoin

рилан, хууль эрхзүйн болон санхүүгийн зөвлөмж тусламж авсны үндсэн дээр шийдвэр гаргахыг зөвлөж байна.

Монгол улсад виртуал хөрөнгийг зохицуулсан хууль, журам, зохицуулалт одоогоор байхгүй учир худалдан авагчийн хувьд эрсдэлтэй нөхцөл байдал үүсэх магадлалтай. Тухайлбал: койны ханшийн огцом өөрчлөлт, крипто биржүүдийн ажиллагаа доголдох, хууль эрхзүйн зохицуулалтын орчны өөрчлөлт, татварын орчны өөрчлөлт болон бусад урьдчилж таамаглаагүй нөхцөл байдлууд орно.

Энэхүү танилцуулгад тусгагдсан аливаа дүгнэлт, мэдээллүүд, түүний үнэн зөв, бүрэн бүтэн байдалд баталгаа гаргахгүй бөгөөд танилцуулгад тусгагдсан зарим мэдээллүүд нь албан ёсоор баталгаажаагүй болно. Ийм төрлийн мэдээлэл нь эрсдэлтэй, тодорхойгүй байдлыг агуулдаг бөгөөд олон хүчин зүйлээс хамаарч өөрчлөгдөх боломжтой.

Хууль тогтоомж
Мая Койн ХХК нь Монгол Улсын холбогдох хууль тогтоомж, эрх бүхий байгууллагаас баталсан дүрэм, журмыг мөрдөж ажилладаг. Бид хэрэглэгчийг холбогдох эрсдэлээс хамгаалах үүднээс Үйлчилгээний нөхцөл, Нууцлалын бодлогыг боловсруулан мөрдлөг болгон ажиллана.

Монгол Улсын холбогдох хууль тогтоомжийн дагуу койн нь хууль ёсны мөнгөн тэмдэгт биш бөгөөд бараа, ажил, үйлчилгээний төлбөр тооцоог койноор хийх боломжгүй, хадгаламжийн даатгал, үнэт цаасны хөрөнгө оруулагчдыг хамгаалах зэрэг аливаа даатгалд хамаардаггүй болохыг анхаарна уу.

Монгол Улсын Их Хурал, Засгийн газраас виртуал хөрөнгө, крипто бирж болон түүний оролцогчидтой холбоотой хууль, дүрэм журмыг гаргаж компанийн үйл ажиллагааг хязгаарлах, зогсоох, хориглох зэрэг эрсдэлүүд үүсч болохыг анхаарна уу.

Койны арилжаанаас олсон орлогыг Монгол Улсын Хувь хүний орлогын албан татварын тухай хуульд заасан татвар хураамжийн дагуу койн эзэмшигч өөрөө хариуцан төлөх үүрэгтэй болохыг анхаарна уу.

Цахим аюулгүй байдлын эрсдэл
“Мая Койн” ХХК MyCoin бирж, MCC койн зэрэг технологиудыг хөгжүүлэн тэдгээрийн цахим аюулгүй байдлыг хамгаалах ажлыг тогтмол хийх бөгөөд энэ нь бүрэн найдвартай хамгаалалт болно гэсэн баталгаа болохгүйг анхаарна уу. Цахим халдлага болон халдлагын шинжтэй хандалт, хорлон сүйтгэх ажиллагаанд өртөх эрсдэл цаг ямагт байгааг анхаарна уу.

“MCC койн”-д хөрөнгө оруулж буй хэрэглэгчид үйлчилгээний нөхцөл, заавар зөвлөгөөний дагуу өөрийн нэвтрэх нэр, нууц үг, хэтэвчийн мэдээллээ задруулахгүй байж, өөрийн хэрэглэдэг интернет сүлжээ, компютер техник хэрэгсэл, гар утас, таблет зэрэг төхөөрөмжүүдийнхээ аюулгүй байдлыг хангаж ажиллахыг зөвлөж байна.

Зах зээлийн эрсдэл
Аливаа хөрөнгийн үнэ цэнэ (койны ханш) эрэлт, нийлүүлэлтээс гадна хууль эрхзүйн зохицуулалт, тэдгээрийн өөрчлөлт шинэчлэлт, мэдээ мэдээлэл, нийгмийн сэтгэлзүй зэрэг олон нөхцөлөөс үүдэн үнэ хүчтэй савлах, өсөх, буурах, тогтвортой зэрэг таамаглаагүй олон нөхцөл байдалд байдаг. Тиймээс койн худалдан авах, хөрөнгө оруулах нь таныг алдагдал хүлээх нөхцөл байдалд хүргэж болох эрсдэлтэйг анхаарна уу. Мая койн ХХК нь арилжааны идэвх, ханшийн өсөлт, нийгмийн сэтгэлзүй, мэдээ мэдээлэлтэй холбоотой аливаа баталгаа гаргахгүй болно