Kin.lav

Hi guys. Бүгдэд нь амралтын өдрийн мэнд. 😇

Энэ удаад пост оруулах болсон шалтгаан нь зуны 3 сард арван гурван мянган долларын цалин тооцуулж, гар дээрээ цэвэр 💸арван мянган доллар аваад гаргасан зардлаа бүрэн нөхөхийн зэрэгцээ маш сонирхолтой, дурсамжтай аялаад ирсэн түүхээ товч хуваалцах гэсэн юм. Энэ бол оюутан насандаа олж авсан маш том боломж байсан юм.

👉 Би 2022 онд их сургуулиа төгссөн бөгөөд бакалаврын судалгааны ажлаа хамгаалчихаад, төгсөх шалгалтаа өгмөгцөө төгсөлтийн баярын арга хэмжээнд оролцож амжилгүйгээр 🇺🇸Америкийн нэгдсэн улсыг зорьсон юм. Та нарын ихэнх нь сонссон байж магадгүй, Work and Travel гэх АНУ-ын Засгийн газрын зүгээс хэрэгжүүлдэг, их сургуулийн оюутнуудад зориулсан гадаадад ажиллаад, аялах 3-4 сарын хөтөлбөр байдаг. Өмнө нь төгсөх курсын оюутнууд хамрагдах боломжгүй байсан бол Ковид-19 цар тахлын дараагаар бүхий л түвшний оюутнууд хамрагдах боломжтой болсон юм.

1 жилийн өмнө л гэхэд гадаад улс руу явахад маш их зүйл шаардлагатай байдаг бөгөөд хангалттай нөөц бололцоо байхгүй учир нэлээн олон жилийн дараа л аялна гэсэн хүслээ биелүүлнэ дээ гэж боддог байлаа. Учир нь хуримтлал хадгаламжгүй, гар дээрээ мөнгөгүй, зээл авах боломжгүй, ар гэрийнхэн ч тэр дор нь зардал гаргах боломжгүй гээд мөнгөний асуудлаас авхуулаад визэнд яаж ордгийг ч мэдэхгүй, урилга байхгүй гээд ер нь л хэдэн жилдээ гадаад руу явна гэдэг нь мөрөөдөл л байсан юм.

❕Хэдийгээр үеийн найзууд, курсын оюутнууд маань зуны 3 сар явчихаад ирлээ гэхэд нь би ч явах боломжгүй дээ гэж л боддог байсан юм. Гэхдээ их сургуулиа төгсөх дөхөөд, сүүлийн жилдээ ямар нэгэн зоригтой алхам хийхийг хүсээд олон жил дотроо бодож явсан зүйлээ хийе гэж шийдсэн юм. Над шиг нөхцөл байдалтай хүнд хамгийн боломжтой бөгөөд хялбар арга зам нь тэр хөтөбөрт бүртгүүлэх юм. Тэгээд л агентлагаа сонгож бүртгүүлээд, зардлаа яаж ийж байгаад л олчихсон. Их сургуулиа төгсөх гээд диплом бичих, шалгалтандаа бэлдэхийн хажуугаар судалгааны төсөл дээр ажиллаад завгүй байсан хэдий ч зуны 3 сард өөрийгөө таниж мэдээд, өөр орчинд гэрээсээ хол амьдарч, аялах хүсэлдээ хөтлөгдөн хөтөлбөрийн ярилцлага, визний ярилцлагад хамрагдах гээд явах бэлтгэлээ ч хийж амжуулсан. Хамгийн гол нь хөтөлбөртөө төлбөрөө төлөөд бүртгүүлчихвэл материал бүрдүүлэх гэх мэт ажлыг нь агентлаг хийгээд, бэлтгэл ажлыг маш их хөнгөвчилж өгдөг юм байна лээ. (Өө нээрээ, одоо ч зарим агентлагууд бүртгэлээ авсаар байгаа юм байна лээ шүү.)

Очоод ажилласан газар маань тийм ч өндөр цалинтай байгаагүй ч тухайн амьдарч байсан мужийн өртөг, байрны зардал зэрэгт тохиромжтой байсан. Ажлаас цаанаасаа унаатай, өдрийн хоолтой, зочид буудал байсан учир аль ч хэсэгт нь цагаа тооцоолоод ажиллах боломжтой зэрэг маш олон давуу талтай байсан. Хамгийн гол нь илүү цагийн цалинг 1.5-аар тооцож өгдөг байсан болохоор ажиллах цөөн сардаа өөрийгөө дайчлахад их урамтай байдаг. Ажил дуусахад анх төлөвлөж, төсөөлснөөсөө ч илүү цалинг авч, хоорондоо зөрчилтэй ч юм шиг зорилгууддаа бүгдэнд нь хүрч чадсан байсан. Ер нь бүхий л хүч чадлаа дайчилсан л даа. Тэгээд мэдээж гаргасан зардлаа нөхөөд, өөртөө хэрэгцээтэй зүйлсээ аваад, анх удаа гэхэд үнэхээр сонирхолтой, дурсамжтай аялаад ирсэн.

Миний хувьд найзтайгаа хамт ажиллаж, амьдраад, хамтдаа аяласан болохоор харьцангуй санаа амар байсан. Бид хоёр 2 сар гаран амьдарсан мужаасаа гадна ⛱️Лос Анжелес, Вашингтон DC, Виржиниа, Нью Йорк, Чикаго зэрэг хамгийн олон хүн амтай, өндөр хөгжилтэй хотуудаар нь аяласан.

💡Эцэст нь энэ бүгдийг эргээд бодоход энэ зуны 3 сар мартагдахааргүй их дурсамжтай, амьдралын минь чухал үйл явдлууд тохиолдсон хугацаа болж өнгөрсөн байна. Харах өнцөг, хандлага, өөрийгөө үнэлэх үнэлэмж гээд өөрийгөө олон талаар нь сайжруулж чадсан 3 сар байлаа.

Ингээд миний хуваалцахыг хүссэн түүхтэй хамт байсан танд баярлалаа. Илүү дэлгэрэнгүй мэдэхийг хүсвэл 🎥влогийг маань ороод үзээрэй. Танд хэрэгтэй мэдээллүүд ч бас байгаа, сонирхолтой байна гэдэгт итгэлтэй байна.

Бичсэн: Одчимэг

Дараагийн влог шууд үзэх холбоос : https://youtu.be/oXGn4CVxONY

https://youtu.be/Pjb4nb39v_0
YEEEAAAYY 🥳🥳

💌 Хүсэн хүлээсэн Denver. Colorado аялал эхэллээ!!!

👉 Weeknd-ийн тоглолт, хотын хамгийн алдартай бүжгийн клуб, хамгийн том тоглоомын парк бидэнд хэрхэн санагдсаныг уг бичлэгнээс хүлээн авч үзээрэй.

Өө тэгээд Colorado мужийн аялал үүгээр дуусахгүй шүү...

Ирэх долоо хоногийн Ням гарагтаа Colorado мужийн хамгийн сүүлийн аялалаараа дахин уулзацгаая! 👐

За тэгээд Subscribe-аа дарж хажуу байгаа хонхон дээр нь дарваас бидний бичлэгүүд утсанд чинь шууд мэдэгдэх учир дарвал их амар шүү дээ!

Аан бас тийн! Та хэдийнхээ бичсэн сэтгэгдэл бүрийг нандигнаж уншдаг шүү. Маш их баярлалаа. 💛

#vlog6 WEEKND CONCERT/THE CHURCH CLUB/PARK/#workandtravel Хүсэн хүлээсэн Denver. Colorado аялал эхэллээ!!! Weekend-ийн тоглолт, хотын хамгийн алдартай бүжгийн клуб, хамгийн том тоглоомын парк бидэнд хэрхэн санагдсан...