Device Consulting Group

𝐑𝐞𝐜𝐨𝐫𝐝| 𝐌𝐨𝐝𝐞𝐫𝐧 𝐌𝐚𝐧𝐚𝐠𝐞𝐦𝐞𝐧𝐭 & 𝐋𝐞𝐚𝐝𝐞𝐫𝐬𝐡𝐢𝐩 𝐃𝐞𝐯𝐞𝐥𝐨𝐩𝐦𝐞𝐧𝐭| (𝟏) 𝐃𝐚𝐲 𝐂𝐥𝐚𝐬𝐬

ယနေ့ DBU International College မှာပြုလုပ်ခဲ့တဲ့ 𝐌𝐨𝐝𝐞𝐫𝐧 𝐌𝐚𝐧𝐚𝐠𝐞𝐦𝐞𝐧𝐭 & 𝐋𝐞𝐚𝐝𝐞𝐫𝐬𝐡𝐢𝐩 𝐃𝐞𝐯𝐞𝐥𝐨𝐩𝐦𝐞𝐧𝐭 (၁) ရက်တာသင်တန်းမှာတော့

💯ယနေ့ခေတ် စီးပွားရေးလောကမှာ အဖွဲ့အစည်းတစ်ခု ရေရှည်အောင်မြင်ဖို့ဆိုရင် ဝန်ထမ်းတွေကို စက်ရုပ်လို မောင်းနှင်တဲ့ သမားရိုးကျစီမံခန့်ခွဲမှုတွေကနေ ရုန်းထွက်ရတော့မှာပါ။ အဖွဲ့အစည်းကို ရှင်သန်လှုပ်ရှားနေတဲ့ သက်ရှိတစ်ခုလို သဘောထားပြီး ခေတ်သစ်ခေါင်းဆောင်မှုပုံစံနဲ့ ဘယ်လိုရှေ့ဆက်မလဲဆိုတာ ဒီနေ့သင်တန်းကနေ ထိထိမိမိ သင်ကြားပို့ချပေးခဲ့တာဖြစ်ပါတယ်။

✍️ လုပ်ငန်းခွင်မှာ ပြန်လည်အသုံးချနိုင်မယ့် အဓိက Key Points (၇) ပိုင်းကို အနှစ်ချုပ်ပြီး ဝေမျှပေးချင်ပါတယ်။

၁။ စီမံခန့်ခွဲသူ (Manager) နှင့် ခေါင်းဆောင် (Leader) ဘာကွာသလဲ။

𝐌𝐚𝐧𝐚𝐠𝐞𝐫𝐬 (စီမံခန့်ခွဲသူ): လုပ်ငန်းခွင် တည်ငြိမ်မှုနဲ့ လက်တွေ့အကောင်အထည် ဖော်မှုကို အဓိကထားပြီး "အလုပ်ကို မှန်ကန်အောင် လုပ်ဆောင်ကြပါတယ်"။

𝐋𝐞𝐚𝐝𝐞𝐫𝐬 (ခေါင်းဆောင်): ရေရှည်မျှော်မှန်းချက် (Vision) နဲ့ အပြောင်းအလဲသစ်တွေကို ရှေးရှုပြီး "မှန်ကန်တဲ့အလုပ်ကို ရွေးချယ်လုပ်ဆောင်ကြပါတယ်"။

၂။ ခေါင်းဆောင်ကောင်းတစ်ဦးရဲ့ 𝐓𝐡𝐞 𝟓 𝐂’𝐬
လုပ်ငန်းခွင်ကို အောင်မြင်အောင် ဦးဆောင်ဖို့ ခေါင်းဆောင်တစ်ယောက်မှာ ဒီ (၅) ချက် ရှိရပါမယ်။

1. 𝐂𝐡𝐚𝐫𝐚𝐜𝐭𝐞𝐫 (ကိုယ်ကျင့်တရား):** ရိုးသားဖြောင့်မတ်ပြီး ကိုယ်တိုင် လက်တွေ့လုပ်ဆောင်ပြတဲ့ စံပြဖြစ်ရမယ်။
2. 𝐂𝐨𝐦𝐦𝐢𝐭𝐦𝐞𝐧𝐭 (ကတိကဝတ်): ပန်းတိုင်နဲ့ အဖွဲ့သားတွေအပေါ် စူးစိုက်နှစ်မြှုပ်ပြီး ဇွဲမလျှော့တမ်း ကြိုးပမ်းရမယ်။
3. 𝐂𝐨𝐮𝐫𝐚𝐠𝐞 (သတ္တိ): ခက်ခဲတဲ့ ဆုံးဖြတ်ချက်တွေကို ပြတ်ပြတ်သားသား ချမှတ်ရဲပြီး တာဝန်ယူရဲရမယ်။

4. 𝐂𝐨𝐧𝐟𝐢𝐝𝐞𝐧𝐜𝐞 (ယုံကြည်မှု): ဟန်ပြမဟုတ်ဘဲ စစ်မှန်တဲ့ အသိပညာဗဟုသုတနဲ့ ပြဿနာတွေကို တည်ငြိမ်စွာ ဖြေရှင်းနိုင်ရမယ်။

5. 𝐂𝐨𝐦𝐦𝐮𝐧𝐢𝐜𝐚𝐭𝐢𝐨𝐧 (ဆက်သွယ်
ရေး)
အဖွဲ့သားတွေရဲ့ စကားကို အလေးအနက် နားထောင်ပြီး မိမိရဲ့ စိတ်ကူးတွေကို ရှင်းလင်းပြတ်သားစွာ ချပြနိုင်ရမယ်။

၃။ စီမံခန့်ခွဲမှုအဆင့်ဆင့်ရဲ့ အခန်းကဏ္ဍ Management Structure

✅𝐓𝐨𝐩 𝐋𝐞𝐯𝐞𝐥 (အထက်တန်း): ရေရှည်အတွက် မဟာဗျူဟာမြောက် မျှော်မှန်းချက်တွေနဲ့ မူဝါဒတွေကို ချမှတ်ပေးရပါတယ်။

✅ Middle Level (အလယ်တန်း): အထက်ကချမှတ်တဲ့ ပန်းတိုင်တွေကို လက်တွေ့ကျတဲ့ စီမံချက်တွေအဖြစ် ပြောင်းလဲပြီး ဌာနအချင်းချင်း ပေါင်းကူးညှိနှိုင်းပေးရပါတယ်။

✅ Lower Level (အောက်ခြေ): ရှေ့တန်းလုပ်ငန်းခွင်မှာ နေ့စဉ်လုပ်ငန်းဆောင်တာတွေကို စံနှုန်းနဲ့အညီ အနီးကပ် ကြီးကြပ်ကွပ်ကဲရပါတယ်။

၄။ လုပ်ငန်းခွင်တွင်း ပဋိပက္ခများကို အဖြေရှာခြင်း (𝐂𝐨𝐧𝐟𝐥𝐢𝐜𝐭 𝐑𝐞𝐬𝐨𝐥𝐮𝐭𝐢𝐨𝐧)

🤔အငြင်းပွားမှုတွေဟာ ဆက်သွယ်ရေး မပြတ်သားမှု၊ အသိအမှတ်ပြုခံရဖို့ အလွန်အကျွံ ပြိုင်ဆိုင်မှုတွေကြောင့် ဖြစ်တတ်ပါတယ်။
🧠 ဖြေရှင်းတဲ့အခါ အပေါ်ယံပြဿနာထက် နောက်ကွယ်က အရင်းခံအကြောင်းအရင်းကို ဘက်ပေါင်းစုံကနေ နားထောင်ပြီး၊ အတိတ်က အမှားထက် နောင်ခါ ပိုကောင်းလာမယ့် "အဖြေ (Solution)" ကို အတူတကွ ရှာဖွေရပါမယ်။

၅။ လုပ်ငန်းခွင် ဆက်ဆံရေး ပိုမိုကောင်းမွန်အောင် ဘယ်လိုလုပ်မလဲ။
📚 ပြောတဲ့အတိုင်း တာဝန်ယူ လုပ်ဆောင်ပြီး ယုံကြည်မှု တည်ဆောက်ပါ။
📚 ကိုယ်ချင်းစာတရားနဲ့ အဆုံးထိ နားထောင်ပေးပါ။
📚 အသိအမှတ်ပြုပါ။
📚 ပုဂ္ဂိုလ်ရေးနဲ့ လုပ်ငန်းခွင်တာဝန်ကို Professional ဆန်ဆန် စနစ်တကျ ခွဲခြားပါ။

၆။ အမြဲအလုပ်ရှုပ်နေပေမယ့် ထိရောက်မှုမရှိခြင်းကို ပြုပြင်နည်း

✍️ ဒီနေ့အတွက် အရေးကြီးဆုံး အလုပ် (၃) ခုကိုပဲ သတ်မှတ်ပါ။
✍️ အလုပ် တစ်ခုချင်းစီအပေါ် အာရုံစိုက်ပါ။
✍️ နေ့စဉ်အလုပ်ကို မစတင်ခင် ကြိုတင်စီစဉ်ထားပါ။
✍️ အလွန်အကျွံ ပြီးပြည့်စုံချင်စိတ် (Perfectionism) ကြောင့် အချိန်မကုန်ပါစေနဲ့။

၇။ 𝐃𝐞𝐥𝐞𝐠𝐚𝐭𝐢𝐨𝐧 𝐕𝐬 𝐄𝐦𝐩𝐨𝐰𝐞𝐫𝐦𝐞𝐧𝐭 (တာဝန်ခွဲဝေခြင်းနှင့် လုပ်ပိုင်ခွင့်ပေးခြင်း)
🔹 လုပ်ငန်းတာဝန်တွေကိုပဲ ခွဲဝေခိုင်းစေမယ်ဆိုရင်တော့ ခိုင်းတဲ့အတိုင်းပဲ လုပ်
တတ်တဲ့ "နောက်လိုက် (𝐅𝐨𝐥𝐥𝐨𝐰𝐞𝐫)" တွေကိုပဲ ရပါလိမ့်မယ်။ ဝန်ထမ်းကို ပန်းတိုင်ပြပြီး ဆုံးဖြတ်ချက်ချပိုင်ခွင့်နဲ့ လုပ်ပိုင်ခွင့် 𝐄𝐦𝐩𝐨𝐰𝐞𝐫𝐦𝐞𝐧𝐭 ကိုပါ ယုံကြည်စွာ လွှဲအပ်ပေးမှသာ အဖွဲ့အစည်းကို ဦးဆောင်နိုင်မယ့် "ခေါင်းဆောင် 𝐋𝐞𝐚𝐝𝐞𝐫 သစ်တွေ ပေါ်ထွက်လာမှာ ဖြစ်ပါတယ်။

လုပ်ငန်းခွင်မှာ အမိန့်ပေးစေခိုင်းရုံတင်မဟုတ်ဘဲ ဝန်ထမ်းတွေကို ယုံကြည်မှုရှိရှိ လုပ်ပိုင်ခွင့်တွေ ခွဲဝေအပ်နှင်းပေးခြင်း (Empowerment) ကရေရှည်မှာ အောင်မြင်တဲ့ Team တစ်ခုကို ဖန်တီးပေးနိုင်ဖို့ ဝေမျှလိုက်ရပါတယ်။

👑 𝐄𝐱𝐞𝐜𝐮𝐭𝐢𝐯𝐞 𝐋𝐞𝐚𝐝𝐞𝐫𝐬𝐡𝐢𝐩 𝐒𝐞𝐦𝐢𝐧𝐚𝐫 (𝐄𝐋𝐒) | 𝐒𝐞𝐚𝐬𝐨𝐧-𝟏𝟔 | 𝐑𝐞𝐜𝐨𝐫𝐝 𝐨𝐟 𝐒𝐞𝐬𝐬𝐢𝐨𝐧 𝟒

💡 သင့်အဖွဲ့အစည်းရဲ့ တိုးတက်မှုနှုန်းက သာမန်ထက် နှေးကွေးနေပြီဆိုရင်တော့ Collaboration ကို ပြန်ဆန်းစစ်ဖို့ လိုနေပါပြီ။ ဒီနေ့ ပြုလုပ်ခဲ့တဲ့ (ELS) Season 16, Session 4 မှာ ဆရာကြီး ပါမောက္ခ ဒေါက်တာအောင်ထွန်းသက် က "Effective Collaboration" ဆိုတဲ့ ခေါင်းစဉ်နဲ့ လုပ်ငန်းရှင်တွေ၊ C-level နဲ့ မန်နေဂျာတွေအတွက် တန်ဖိုးရှိတဲ့ စီးပွားရေးဆိုင်ရာ အမြင်တွေကို ဆွေးနွေးလမ်းညွှန်ပေးခဲ့ပါတယ်။ ဆရာကြီးရဲ့ ဆွေးနွေးချက်တွေထဲကနေ လုပ်ငန်းခွင်မှာ ချက်ချင်းအသုံးချနိုင်မယ့် အဓိကအချက်တွေကို စုစည်းတင်ပြလိုက်ပါတယ်။

🔷 ပထမဆုံးအနေနဲ့ Collaboration လုပ်တယ်ဆိုတာ လူတွေစုပြီး အလုပ်လုပ်ရုံသက်သက်မဟုတ်ဘဲ ပြဿနာနဲ့ အခြေအနေတွေကို အတူတကွ နားလည်သဘောပေါက်အောင်လုပ်တဲ့ 'Sense Making' ကနေ စတင်ရပါတယ်။ ဒီလို နားလည်မှုရှိသွားတဲ့အခါမှသာ ဌာနအသီးသီးက ကွဲပြားတဲ့ ရှုထောင့်တွေ၊ အားသာချက်တွေကို စနစ်တကျ ပေါင်းစပ်နိုင်ပြီး အားလုံးအတွက် အကျိုးရှိမယ့် 'Win-Win Situation' ကို တည်ဆောက်နိုင်မှာ ဖြစ်ကြောင်း ဆရာကြီးမှ ဦးစွာ ထောက်ပြခဲ့ပါတယ်။

🔷 ဒီလို ခိုင်မာတဲ့ ပူးပေါင်းဆောင်ရွက်မှုတွေ ဖြစ်လာဖို့ အဓိက အုတ်မြစ်ကတော့ "Trust" ဆိုတဲ့ "ယုံကြည်မှု" ပါပဲ။ ယုံကြည်မှုဆိုတာ ဝန်ထမ်းတွေရဲ့ စွမ်းဆောင်ရည် (Competence) နဲ့ အကျင့်စာရိတ္တ (Character) ဆိုတဲ့ အချက်နှစ်ချက်အပေါ်မှာ အခြေခံ တည်ဆောက်ရတာဖြစ်တယ်လို့ ဆရာကြီးက ရှင်းပြပါတယ်။ ဝန်ထမ်းတွေကြားမှာ Psychological Safety (စိတ်ပိုင်းဆိုင်ရာ လုံခြုံမှု) ရှိပြီး ပွင့်လင်းစွာ ဆက်သွယ်ပြောဆိုနိုင်မှသာ (Open Communication) အကြံဉာဏ်သစ်တွေနဲ့ ပြဿနာဖြေရှင်းနိုင်စွမ်း (Problem Solving & Innovation) တွေ တိုးတက်လာမှာ ဖြစ်ပါတယ်။

🔷 အောင်မြင်တဲ့ Collaboration ဖြစ်ဖို့ဆိုရင် Senior Leadership ရဲ့ Commitment နဲ့ ပံ့ပိုးမှုက မရှိမဖြစ် လိုအပ်ပါတယ်။ ခေါင်းဆောင်တွေအနေနဲ့ ဌာနတစ်ခုနဲ့တစ်ခု ကြားက အတားအဆီးတွေကို ဖြိုခွဲဖို့ နည်းပညာ (Technology) တွေကို အသုံးပြုရမယ့်အပြင် အလုပ်လုပ်ရာမှာ KPI တွေ တိတိကျကျ သတ်မှတ်တိုင်းတာပြီး၊ အဖွဲ့လိုက် အောင်မြင်မှုတွေကိုပါ ထိုက်ထိုက်တန်တန် အသိအမှတ်ပြုပေးဖို့ အရေးကြီးကြောင်းကိုလည်း အထူးမှာကြားခဲ့ပါတယ်။

🔷 လုပ်ငန်းခွင်မှာ စစ်မှန်တဲ့ Collaboration Culture တစ်ခုကိုသာ တည်ဆောက်နိုင်ရင် ကုမ္ပဏီရဲ့ အမြတ်အစွန်း (Profitability) ဟာ ၂၁% အထိ ပိုမိုရရှိနိုင်တယ်လို့ Gallup ရဲ့ လေ့လာချက်တွေက သက်သေပြနေပါတယ်။ ဒါကြောင့် သီအိုရီသက်သက်မဟုတ်ဘဲ လက်တွေ့ကျကျ အသုံးချနိုင်ဖို့အတွက် တက်ရောက်လာကြတဲ့ လုပ်ငန်းရှင်တွေနဲ့ မန်နေဂျာတွေဟာ သင်တန်းနောက်ဆုံးပိုင်းမှာ ဆရာကြီးနဲ့ အပြန်အလှန် မေးခွန်းများမေးမြန်း ဆွေးနွေးခဲ့ကြရင်း ဒီနေ့ရဲ့ အတန်းလေးကို အောင်မြင်စွာ ရုပ်သိမ်းခဲ့ပါတယ်။ ✨

👉🏻 နောက်အပတ်တွေမှာလည်း မတူညီတဲ့ခေါင်းစဉ်တွေနဲ့အတူ ဆွေးနွေးပို့ချပေးသွားမှာဖြစ်လို့ မပျက်မကွက် တက်ရောက်ပေးကြဖို့ တိုက်တွန်းလိုက်ပါတယ်။ 🌟