AMGDK AUTO

၂၀၂၆ 𝗘𝗩 ကားအခွန်နှင့် ဈေးနှုန်းအတက်အကျ
==============================

ယခင်နှစ်များက 𝗘𝗩 ကားများကို အခွန်ကင်းလွတ်ခွင့် ပေးထားသော်လည်း ယခုနှစ်တွင်မူ 𝗖𝗕𝗨 (𝗖𝗼𝗺𝗽𝗹𝗲𝘁𝗲𝗹𝘆 𝗕𝘂𝗶𝗹𝘁 𝗨𝗽 / အစီးလိုက်) တင်သွင်းမည့် 𝗘𝗩 ကားကို အထူးကုန်စည်ခွန် ၅% ကောက်ခံမည်ဟု မတ်လ ၁၆ ရက်မှာ အခွန်ဥပဒေက ထုတ်ပြန်လိုက်ပါတယ်။

ဆီကား (𝗜𝗖𝗘) များအနေဖြင့် အခုထုတ်ပြန်ချက်အပေါ် သက်ရောက်မှုမရှိသလောက်နည်းပါးမှာဖြစ်ပါတယ်။

အကြောင်းကတော့ လက်ရှိ ဆီကားများဟာ 𝗜𝗺𝗽𝗼𝗿𝘁 လိုင်စင် ရပ်ဆိုင်းထားတာကြောင့်ဖြစ်ပါတယ်။

ICE 𝗦𝗞𝗗 (𝗦𝗲𝗺𝗶 𝗞𝗻𝗼𝗰𝗸𝗲𝗱 𝗗𝗼𝘄𝗻) ကားများအတွက်တော့ ၁၅၀၀ စီစီ အထက်ကားများကို အထူးကုန်စည်ခွန် ထည့်သွင်းတွက်ချက်ပြီး SR တွေကရောင်းချနေပြီဖြစ်ပါတယ်။

ယခုနှစ် ဧပြီလ ၁ ရက်နေ့မှ စတင်ကာ 𝗖𝗕𝗨 စနစ်ဖြင့် တင်သွင်းမည့် 𝗘𝗩 ကားများအတွက် ကောက်ခံနိုင်သည့် အခွန်နှုန်းထားများကို ဖော်ပြလိုက်ရပါတယ်။

၁။ အကောက်ခွန် (𝗖𝘂𝘀𝘁𝗼𝗺𝘀 𝗗𝘂𝘁𝘆) (နှုန်းထား မသတ်မှတ်ရသေး)
၂။ ကုန်သွယ်ခွန် (𝗖𝗼𝗺𝗺𝗲𝗿𝗰𝗶𝗮𝗹 𝗧𝗮𝘅) (နှုန်းထား မသတ်မှတ်ရသေး)
၃။ အထူးကုန်စည်ခွန် (𝗦𝗽𝗲𝗰𝗶𝗮𝗹 𝗚𝗼𝗼𝗱𝘀 𝗧𝗮𝘅) - ၅%
၄။ ကညန မှတ်ပုံတင်ကြေး (𝗥𝗼𝗮𝗱 𝗧𝗿𝗮𝗻𝘀𝗽𝗼𝗿𝘁 𝗔𝗱𝗺𝗶𝗻𝗶𝘀𝘁𝗿𝗮𝘁𝗶𝗼𝗻 𝗗𝗲𝗽𝗮𝗿𝘁𝗺𝗲𝗻𝘁 𝗥𝗲𝗴𝗶𝘀𝘁𝗿𝗮𝘁𝗶𝗼𝗻 𝗙𝗲𝗲) (နှုန်းထား မသတ်မှတ်ရသေး - ဘက်ထရီပမာဏ (𝗕𝗮𝘁𝘁𝗲𝗿𝘆 𝗖𝗮𝗽𝗮𝗰𝗶𝘁𝘆) အလိုက် ရာခိုင်နှုန်းသတ်မှတ်ကောက်ခံနိုင်)
၅။ ဝင်ငွေခွန် (𝗜𝗻𝗰𝗼𝗺𝗲 𝗧𝗮𝘅) - ယခင်ကတည်းက ကောက်ခံပြီးဖြစ်ပါသည်။

ဒီအခွန်များကြောင့် 𝗘𝗩 ကားဈေးနှုန်း မြင့်တက်လာနိုင်သလား ဆိုတာ စဉ်စားစရာအချက်တချက်ဖြစ်လာပါတယ်။

လက်ရှိအချိန်တွင် 𝗘𝗩 ကားဈေးကွက်ဟာ ဝယ်လိုအားမြင့်မားနေပြီး ကားအရေအတွက် လုံလောက်မှုမရှိတာကြောင့် ကားအမျိုးအစားအလိုက် ဈေးနှုန်းများမှာ သိန်း ၅၀၀ မှ သိန်း ၁၀၀၀ အတွင်း မြင့်တက်လျက်ရှိပါတယ်။
အခွန်သစ်ကောက်ခံခြင်းကြောင့် ကားတစ်စီးအပေါ် ကျသင့်နိုင်သည့် အခွန်ပမာဏမှာ ကားအမျိုးအစားပေါ်မူတည်၍ ခန့်မှန်းခြေ သိန်း ၈၀ မှ သိန်း ၅၀၀ အတွင်းကျသင့်နိုင်ပါတယ်။

ဒါကြောင့် လက်ရှိဈေးကွက်အတွင်း ဈေးနှုန်းမြင့်တက်နေခြင်းဟာ အခွန်ကောက်ခံပြီးနောက်ပိုင်း ကျသင့်မဲ့ဈေးနှုန်းထက်ပင် ပိုမိုမြင့်မားနေတာကို တွေ့ရှိရပါတယ်။

သို့ပင်မဲ့လည်း ပြောင်းလဲကောက်ခံမည့် အခွန်နှုန်းထားများဟာ နိုင်ငံတော်မှ သတ်မှတ်ထားသော ဒေါ်လာငွေလဲနှုန်း၊အကောက်ခွန်ဌာန၏ ကားတန်ဖိုး သတ်မှတ်ချက်တို့အပေါ်တွင် များစွာမှုတည်နေတာကြောင့် အတိအကျ ခန့်မှန်းဖို့တော့ ခက်ခဲနေပါသေးတယ်။

လက်ရှိအခြေအနေအရ ဝယ်လိုအားဟာ အင်မတန်မြင့်မားနေပြီး ဈေးကွက်အတွင်း ကားအရေအတွက် ရှားပါးလာတာကြောင့် အချို့ကားများဟာ ထပ်တိုးကောက်ခံမည့် အခွန်ပမာဏထက်ပင် ပိုမိုမြင့်တက်နေသည်ကို တွေ့ရတဲ့အပြင် ဝယ်လိုအားလည်း ဆက်လက်မြင့်တက်လျက် ရှိနေဆဲဖြစ်ပါတယ်။

𝗘𝗩 ကားဝယ်ယူသူများအနေနဲ့ စဉ်းစားသင့်သည့်အချက်ကတော့

၂၀၂၆ ခုနှစ်အတွင်း 𝗦𝗞𝗗 စနစ်ဖြင့် ပြည်တွင်းတပ်ဆင်ထုတ်လုပ်မည့် EV ရော ICE ကားတွေရော ဈေးကွက်အတွင်းသို့ ဝင်ရောက်လာမှာဖြစ်ပြီးဘယ် 𝗕𝗿𝗮𝗻𝗱 နှင့် ဘယ် 𝗠𝗼𝗱𝗲𝗹 များ အရေအတွက် ဘယ်လောက် ဝင်ရောက်လာမှာကို လေ့လာ နားစွင့်သင့်ပါတယ်။

𝗦𝗞𝗗 စနစ်ဖြင့် တပ်ဆင်ထုတ်လုပ်သော ကားများဟာ အထက်မှာဖော်ပြထားတဲ့ အခွန် နှုန်းထားည(၁) မှ (၄) အထိ ကင်းလွတ်ခွင့် ရရှိမှာဖြစ်ပါတယ်။

ဒါ့အပြင် လူကြိုက်များသော နာမည်ကြီး 𝗕𝗿𝗮𝗻𝗱 များလည်း 𝗦𝗞𝗗 စနစ်ဖြင့် ထုတ်လုပ်ရန် စီစဉ်နေကြောင်း ကိုလည်း ထပ်တိုးသိရှိရပါတယ်။

ဒါ့ကြောင့် အထက်ပါအချက်များကို သုံးသပ်ပြီး သင့်အနေဖြင့် 𝗘𝗩 ကားဈေးကွက်ရဲ့ အခြေအနေကို ခန့်မှန်းကာ ကားဝယ်ယူဖို့ ဆုံးဖြတ်ချက် အမှန်ချမှတ်နိုင်မယ်လို့ ထင်မြင်မိပါတယ်။

အားလုံးပဲ ကံကောင်းကြပါစေဗျာ။✌️