It-Gsp
Share
SCA (Supply Chain Attack)
Software Development (Android/Tablets/IOS/Windows etc)
တွေမှာ ကုတ်ရေးတဲ့အခါ မူရင်းကုတ်ပိုင်ရှင်တွေက ကိုယ်ပိုင်သတ်မှတ်ကုတ်တွေရေးရတဲ့အပြင် တခြားကုတ်ရေးသူတွေဆီကို မှီခိုရတဲ့ အခြေအနေလေးတွေလည်းရှိတတ်ပါတယ် အဲဒီတော့ ကိုယ်တိုင်
ရေးရတဲ့ကုတ်က အမြဲတမ်းမှန်ကန်ကောင်းမွန်လုံခြုံအောင်
Update လုပ်နေနိုင်ပေမယ့်လည်း ကိုယ်မှီခိုနေရတဲ့ တခြားလူဆီကကုတ်တွေက ဒိတ်အောက်ကုန်တာမျိုးတွေဖြစ်တတ်ပါတယ်
အဲဒီအခြေအနေလေးတွေဟာ Supply Change Attack ဖြစ်တည်လာဖို့ အခွင့်အရေးလေးတွေပါပဲ
ဥပမာအနေနဲ့ တချို့သောတရုတ်ဖုန်းအမှတ်တံဆိပ်တွေဟာ စျေးကွက်မှာ စျေးနှုန်းသက်သာစွာနဲ့ ဖြန့်ချီနိုင်ဖို့အတွက်ဝယ်ယူသူတွေလက်ထဲက ဖုန်းတစ်လုံးချင်းစီတိုင်းမှာ အလိုအလျောက် လည်ပတ်လုပ်ဆောင်နေကြမယ့် ကြော်ငြာဝန်ဆောင်မှုတွေအပေါ်မှာ မှီခိုဖို့ကိုသာ စီးပွားရေး မဟာဗျူဟာများကို ချမှတ်ခဲ့ကြပါတယ်
အဲဒီလိုချမှတ်ကျင့်သုံးလာတဲ့ ဗျူဟာတွေက အမေရိကန်ကုန်သွယ်ရေးအမြင်မှာတော့ အဆင်မပြေ၊ တရားမဝင်တဲ့နည်းလမ်းတွေ
ဖြစ်နေပါတယ်
ဒီအတွက် ဒီထုတ်ကုန်တွေကို အမေရိကန်မှာ ထုတ်လုပ်/တင်သွင်း/ ရောင်းချခွင့် မပြုဖို့ပိတ်ပင်ခဲ့ကြပါတယ်
ဆိုလိုတာက အဲဒီဖုန်းတွေမှာ ရေးထုတ်လိုက်တဲ့ Operating Systems/Software တွေ ကိုယ်တိုင်မှာ ကြော်ငြာတွေကိုဆွဲဆောင်နိုင်ဖို့နဲ့ နောက်ကွယ်မှာ ဒီဖြစ်စဥ်တွေကလည်ပတ်လုပ်ဆောင်နေနိုင်ဖို့အတွက်
ပရိုဂရမ်တွေ ရေးသားဖန်တီးခဲ့ပြီးသားဖြစ်ပါတယ်
ဒါပေမယ့် ဒီဖုန်းတွေနဲ့ သူတို့ရဲ့ လုပ်ငန်းစဥ်တွေရဲ့ အကြောင်းကိုသိရင် ဒီဆားဗစ်လေးတွေကို ကိုယ်တိုင်ဝင်ရောက် ရပ်တန့်ထားလိုက်လို့တော့
ရပါတယ်
အဲဒီကြော်ငြာဆားဗစ်တွေအကြောင်းကိုမသိလို့ မရပ်တန့်မိတဲ့အခါ အခန့်မသင့်ရင် ကြော်ငြာတွေကနေတဆင့် ဗိုင်းရပ်စ်ပိုး အကူးစက်
ခံရတာမျိုးတွေလည်း ဖြစ်လာနိုင်ပါတယ်
အကူးစက်ခံရတဲ့အခါမျိုးမှာတော့ နောက်ကွယ်မှာပုံမှန် လူမမြင်သာအောင်လည်ပတ်နေရမယ့်ဖုန်းထဲကလုပ်ဆောင်ချက်ကြော်ငြာလုပ်ငန်းစဥ်တွေဟာ တားဆီးလို့မရအောင်ပဲ ဖုန်းကို နှောက်ယှက်တဲ့အခြေအနေမျိုးနဲ့ ကြုံလာရနိုင်ပါတယ်
၁၅ စက္ကန့်ကိုတစ်ခါ ကြော်ငြာက တက်လာတတ်ပါတယ် ဖုန်းစခရင်မှာ ၁၅ စက္ကန့်လောက် အကြာတစ်ခါပေါ်လာတတ်ပါတယ် ပိတ်လို့လည်းမရ ဖြုတ်စရာဆော့ဖ်ဝဲလည်း ရှာမတွေ့ဖြစ်နေတတ်ပါတယ်
တက်လာသမျှ ကြော်ငြာတွေကို ကြည့်လိုက်ရင်လည်း
အလောင်းကစားဂိမ်းကြော်ငြာတို့နဲ့ဆက်စပ်တဲ့ ကြော်ငြာတွေချည်းပါပဲ
အဲဒီလိုအနှောက်အယှက်ပေးလာတဲ့အချိန်ကို ရောက်ကာမှ နဂိုက ဖုန်းထဲကပါတဲ့ ကြော်ငြာလုပ်ငန်းစဥ်ဆားဗစ်တွေကို သွားပိတ်ဖို့အတွက် အချိန်မမီတော့ပါဘူး
ပြောရရင် အဲဒီအကြော်ငြာလုပ်ငန်းစဥ်တွေအတွက် ရေးထားတဲ့
ကုတ်တွေနဲ့အတူ သူတို့ကဆွဲခေါ်အသုံးချနေကြတဲ့ မှီခိုဆားဗစ်တွေဟာ ဗိုင်းရပ်စ်ကူးစက် (Exploit) အလုပ်ခံလိုက်ရလို့ပါပဲ
ဒီအခြေအနေမှာ အခုလို မကြာခဏပေါ်လာတတ်တဲ့ ကြော်ငြာတွေကို နည်းမျိုးစုံနဲ့ ရပ်တန့်ဖို့ကြိုးစားလည်းအဆင်မပြေနိုင်တော့ပါဘူး
ဗိုင်းရပ်သတ်ဖို့ စကန်ဖတ်ရင်လည်းမမီနိုင်တော့ပါဘူး
အဲဒီပြဿနာကိုဖြစ်နေစေတဲ့ မသန့်ရှင်းတဲ့ ပရိုဂရမ်ကုတ်တွေ
Malicious code တွေနဲ့အတူ Exploit လုပ်ခံရပြီး လက်ဦးသွားလို့
ဖြစ်ပါတယ် ဒါကြောင့် ဖုန်းကို အစအဆုံး Reset ချဖို့ကလွဲလို့
နည်းလမ်းမရှိတော့ပါဘူး
ဒါမျိုး ပြဿနာတွေကို ကြိုတင်ရှောင်ကြဥ်နိုင်ဖို့အတွက် အမေရိကန်ဟာ ဒီဖုန်းတွေကို အစကတည်းက သူတို့ရဲ့ ပြည်နယ်ဒေသအသီးသီးမှာ ထုတ်လုပ်ရောင်းချခွင့်တွေကို ပိတ်ပင်ထားခဲ့တာဖြစ်ပါတယ် ဖုန်းတွေရောင်းရင်း တစ်ချက်ခုတ်နှစ်ချက်ပြတ်အနေနဲ့ ကြော်ငြာဝင်ငွေတွေ
ရယူနေဖို့ကိုပါ စီစဥ်ထားတဲ့အတွက် ဒီ business model ကို စီးပွားရေး လုပ်ငန်းစဥ် ပြဿနာတစ်ခု အဖြစ်သတ်မှတ်ထားကြလို့ပါပဲ
အခုစက်တင်ဘာလ -၂၀၂၅ မှာပဲ မကြာသေးခင်က အဲဒီလိုအလားတူ
ဆိုက်ဘာပြဿနာတစ်ခု ဖြစ်ပျက်ခဲ့ပါသေးတယ်
အခုဆိုရင် နိုင်ငံတိုင်းလိုလိုက ဆိုက်ဘာလုံခြုံရေးနဲ့ပတ်သက်ပြီး
စည်းစနစ်ကျကျနဲ့ဗျူဟာကျကျ ဆောင်ရွက်ကာကွယ်နေကြပါတယ်
အလားတူပဲ နိုင်ငံတိုင်းရဲ့ ဒေသဆိုင်ရာ ဆိုက်ဘာကာကွယ်ရေးဥပဒေတွေရဲ့ သက်ရောက်မှုအဖြစ် လုပ်ငန်းခွင်လည်ပတ်မှုတွေမှာလည်း
မဖြစ်မနေလိုက်နာကြရမယ့် စည်းမျဥ်း၊စည်းကမ်းအသစ်တွေ၊
မလိုက်နာသူတွေအတွက် ကြီးမားတဲ့အရေးယူမှုတွေကိုပါ
ထုတ်ပြန်ကျင့်သုံးလာကြပါလိမ့်မယ်
အန္တရာယ်ဖြစ်နိုင်ချေတွေက အမြဲတမ်းပဲ တံခါးဝကိုလာခေါက်
နေတတ်ကြပါတယ် ပြဿနာတွေဟာ အခွင့်အရေးတွေကို
အချိန်ပြည့်စောင့်ကြည့်နေတတ်ကြပါတယ်
Do's & Don'ts လေးတွေနဲ့အတူ
သတိပြုဆင်ခြင်နိုင်ကြဖို့သာလျှင် ကိုယ်စီတာဝန်ဖြစ်ပါတယ်ဗျ
Click here to claim your Sponsored Listing.
Website
Address
Yangon
