NOVA VITA Learning Center

အလုပ်ခွင်မှာ ၀န်ထမ်းကို ဘယ်လို အကဲဖြတ်ကြပါသလဲ?
# # # # # # # # # # # # # # # # # # # # # # # # # # # # # # # # # # # # # # # # # #

နိုင်ငံခြားတိုင်းပြည်တွေမှာ သွားရောက်အလုပ်လုပ်တာပဲ ဖြစ်ဖြစ်၊ ပြည်တွင်းကုမ္မဏီတစ်ခုမှာ အလုပ်၀င်လုပ်တာပဲဖြစ်ဖြစ်၊ သူငယ်ချင်းများနဲ့ အလုပ်စုပြီး လုပ်တာပဲဖြစ်ဖြစ်၊ လူငယ်များအတွက် အလုပ်ခွင်မှာ လူကို အကဲဖြတ်တဲ့နည်းများ သိရှိထားရင် များစွာအထောက်အကူဖြစ်ပါလိမ့်မယ်။
အရည်အချင်းတို့၊ ဘွဲ့ဒီဂရီတို့ဟာ အရေးကြီးပါတယ်။

ဒါပေမဲ့ အရည်အချင်းထက် အရေးကြီးတာက လူတစ်ဦးရဲ့ အမူအကျင့်ပါ။ ဘယ်လောက်ပဲတော်တော် အမူအကျင့်မကောင်းတဲ့ လူတစ်ယောက်ကို တာ၀န်ကြီးကြီးပေးဖို့၊ ရာထူးကြီးကြီးပေးဖို့ ဆိုတာ မဖြစ်နိုင်သလောက်ပါပဲ။ အောက်ပါအချက်များဟာ အလုပ်ခွင်တွေမှာ အရည်အချင်းထက် အရေးကြီးပါတယ်။

၁။ သစ္စာရှိခြင်း

ကုမ္မဏီအပေါ်၊ အလုပ်အပေါ် သစ္စာရှိခြင်းကို ဆိုလိုပါတယ်။ ကုမ္မဏီရဲ့ အကျိုးကို ကာကွယ်စောင့်ရှောက်ခြင်း၊ မြူစွယ်မူအောက်မှာ ကြံကြံခံ သစ္စာစောင့်သိနိုင်ခြင်းများကို ဆိုလိုပါတယ်။

၂။ အလုပ်ကိုလေးစားခြင်း
အလုပ်လုပ်ခြင်းဟာ လုပ်ခလစာသက်သက်အတွက် မဖြစ်သင့်ပါ။ ကျရာတာ၀န်ထက် ပိုမိုသော ၀န်ဆောင်မူ၊ ပိုမိုသော ကြိုးစားမူ များဖြင့် အားထုတ်သင့်ပါတယ်။ အလုပ်ကို လေးစားတဲ့လူဟာ အလုပ်ကို ခင်တွယ်သွားပါတယ်။ အလုပ်မှာပျော်သွားပါတယ်။

၃။ မိမိအသိဖြင့် လုပ်ဆောင်ခြင်း

ပြောမှသိ၊ ခိုင်းမှလုပ်တာမျိုး မဖြစ်သင့်ပါ။ “ ငါကိုလုပ်ခိုင်းတယ်” ဆိုတာထက် “ ငါကိုယ်တိုင်လုပ်ရမယ်” ဆိုတဲ့အသိ ၀င်သွားပါစေ။ အပြောထက် အလုပ်က စောနေပါစေ၊

၄။ တာ၀န်ယူမူ

တာ၀န်ယူမူ၊ တာ၀န်ခံမူ ဆိုတာ ယနေ့ခေတ်မှာ ရေပန်းစားနေတဲ့ ဝေါဟာရ ဖြစ်တယ်။ အလုပ်ကို သေးသေးမွှားမွှားကအစ အကောင်းဆုံးဖြစ်အောင်ဆောင်ရွက်ခြင်း၊ ပြောတဲ့အတိုင်းဖြစ်အောင်လုပ်ခြင်း၊ အကြောင်းပြချက်များ၊ ဆင်ခြေများ မရှာဖွေခြင်း၊ ပြသနာကို ကိုယ့်ရဲ့လက်ထဲမှာ ဆုံးစေခြင်း၊ပေါ့ဆမူများကို လုံး၀လက်မခံခြင်း စသည်တို့ ပါ၀င်ပါတယ်။

၅။ အကျိုးထိရောက်မူ

အချိန်ဆွဲတတ်ခြင်းဟာ အကျိုးထိရောက်မူ ရဲ့ အဓိကရန်သူဖြစ်ပါတယ်။ အရေးကြီးတဲ့ကိစ္စကို ဦးစားပေး ကိုင်တွယ်ဖြေရှင်းတတ်ခြင်းဟာ အကျိုးထိရောက်မူကို ပိုမိုဖြစ်ပေါ်စေပါတယ်။ အလုပ်အပေါ် လုံး၀စိတ်၀င်စားခြင်း၊ ထဲထဲ၀င်၀င်သိရှိခြင်း၊ အကောင်းဆုံးဖြစ်အောင် ဆောင်ရွက်ခြင်းတို့ဟာ အကျိုးထိရောက်စေတဲ့ အကြောင်းတရားများ ဖြစ်ပါတယ်။

၆။ အကျိုးရလဒ်
အလုပ်ကို အစကတည်းက ဘယ်လိုဖြစ်အောင်လုပ်မလဲဆိုတာ ကြံဆောင်ထားသင့်ပါတယ်။ နည်းလမ်းဟာ အခက်အခဲထက် များစမြဲပါ။ သေသေချာချာစဉ်းစားပြီး တစ်ကြိမ်တည်းနဲ့ မှန်ကန်အောင်လုပ်ကိုင်နိုင်ခြင်းဟာ အကျိုးရလဒ်များကို ဖြစ်ပေါ်စေတဲ့ အရည်အချင်းဖြစ်ပါတယ်။

၇။ ဆက်ဆံရေး ကောင်းမွန်ခြင်း
လူတိုင်းနဲ့ တည့်အောင် စကားပြောတတ်တယ်။ လုပ်ချင်အောင် ခိုင်းတတ်တယ်။ စည်းရုံးရေးကောင်းတယ်။ ဒါတွေအားလုံးဟာ ဆက်ဆံရေးကောင်းတဲ့ လက္ခဏာများ ဖြစ်ပါတယ်။

၈။ ပူးပေါင်းဆောင်ရွက်တတ်ခြင်း

အသင်းအဖွဲ့နဲ့ အလုပ်လုပ်တတ်ခြင်းကိုဆိုလိုတာပါ။ တစ်ခုခုကို ဖြေရှင်းတော့မယ်ဆိုရင်အကြံအဥာဏ်တောင်းတယ်။ ဆွေးနွေးကြတယ်။ အစည်းအဝေးမှ ငြင်းကြခုန်ကြမယ်။

ဆုံးဖြတ်ချက်ချပြီဟေ့ဆိုရင် သဘောတူတူမတူတူ အဲဒီဆုံးဖြတ်ထားတဲ့အချက်ကို မဖြစ်ဖြစ်အောင် အကောင်အထည်ဖေါ်ကြမယ်။ အသင်းအဖွဲ့ထဲမှာ ကိုယ်က နောက်ယှက်သူ လုံး၀မဖြစ်စေရဘူး၊ အတားအဆီး အဖြစ်မခံဘူး။

၉ ။ အပြုသဘောဆောင် ကြိုးစားမူ
အလုပ်အပေါ် ထားတဲ့စိတ်သဘောထားပါ။ သင်ယူတဲ့စိတ်ဓါတ်မွေးမြူမယ်၊ ၀န်ဆောင်တဲ့စိတ်ဓါတ်မွေးမြူမယ်၊ သူများတွေ မဖြစ်နိုင်ဘူးဆိုတဲ့ ရူ့တောင့်ကနေ ဆွေးနွေးနေတဲ့အချိန်မှာ ကိုယ်က ဖြစ်နိုင်တဲ့ဘက်ကနေ စဉ်းစားမယ်။ အပေါင်းလက္ခဏာဆောင်မယ်။ အပြုသဘောနဲ့ ကြိုးစားမယ်။

၁၀။ သိုသိုသိပ်သိပ် နေတတ်ခြင်း

အရည်အချင်းအတွက်နဲ့ ဘယ်တော့မှ မမောက်မာဘူး၊ အရည်အချင်းကြီးပြီး အလုပ်သေးသေးလုပ်နေတဲ့ စိတ်ထားမျိုး ရှောင်ကျဉ်ရမယ်။ ဟိတ်ကြီးဟန်ကြီးနဲ့ မနေဘူး၊ လူတိုင်းကို လေးစားတတ်အောင် ကြိုးစားမယ်။

၁၁။ ချွေတာတတ်ခြင်း

စက္ကူတစ်ရွက်ကအစ၊ မလိုအပ်ရင် အဖြုန်းတီးဘူး၊ ချွေတာလို့ရရင် ဘတ်ဂျက်တစ်ပြားမှ ပိုမသုံးဖြစ်အောင် ကြိုးစားဆောင်ရွက်မယ်။

၁၂။ ကျေးဇူးသိတတ်ခြင်း

အလုပ်ရှင်ကို ကျေးဇူးတင်တတ်မယ်၊ စားသုံးသူကို ကျေးဇူးတင်တတ်မယ်၊ လုပ်ဖေါ် ကိုင်ဘက်ကို ကျေးဇူးတင်တတ်မယ်၊ ၀န်ထမ်းအားလုံးကို ကျေးဇူးတင်တတ်မယ်။ ကျေးဇူးတင်တတ်တဲ့လူဟာ တန်ဖိုးထားတတ်တဲ့လူဖြစ်ပါတယ်။ သင်ယူတတ်သူဖြစ်ပါတယ်။ အခွင့်အရေးကို မြင်အောင်ကြည့်တတ်ပြီး အမိအရ ဆုပ်ကိုင်တတ်တဲ့သူလည်းဖြစ်ပါတယ်။

ယခုလို Covid ကာလအတွင်းမှာ မဖြစ်မနေဖွင့်လှစ်လုပ်ဆောင်နေရတဲ့ လုပ်ငန်းတွေနဲ့ မိမိလုပ်ကိုင်နေသော လက်ရှိလုပ်ငန်းများကို ရန့်တန့်မနေဘဲ ဆက်လက်လုပ်ကိုင်ခွင့်ရရှိရေးအတွက် စီစဉ်ကြိုးပမ်းနေသော လုပ်ငန်းရှင်များ နှင့် လုပ်ငန်းစီမံအုပ်ချုပ်နေသူများ၊ ကိုယ်ပိုင်လုပ်ငန်း တစ်ပိုင်တစ်နိုင် လုပ်ကိုင်နေသော အသေးစား အလတ်စား SME လုပ်ငန်းရှင်များအတွက် NOVA VITA Learning Center မှ လက်တွေ့အသုံးချ လုပ်ဆောင်ရမည့် အစီအစဉ်လေးတစ်ခုကို ပညာဒါန သင်တန်းလေးအဖြစ်ဖွင့်လှစ် ပေးသွားမှာဖြစ်ပါတယ်။
Covid ရောဂါမပျောက်ကွယ်သွားသေးသ၍ ၎င်းနှင့်အတူယှဉ်တွဲနေထိုင်လုပ်ကိုင်နိုင်ဖို့အတွက်ဆိုရင် "လုပ်ငန်းခွင် ဘေးကင်းလုံခြုံမှု နှင့် ကျန်းမာရေး" Occupational Safety & Health သည် အလုပ်ရှင်တွေအတွက်ရော အလုပ်သမားများအတွက်ပါ အင်မတန်အရေးကြီးလှပါတယ်။
စီးပွားရေး လုပ်ငန်းများသည် ကျန်းမာရေးနှင့်အားကစားဝန်ကြီးဌာနမှ ထုတ်ပြန်ထားသော စည်းမျဉ်းစည်းကမ်းများနှင့် အညီ လိုက်နာဆောင်ရွက်ထားရှိပြီး A အဆင့်ရရှိမှပြန်လည်လုပ်ကိုင်ခွင့်ပြုနိုင်သည် ဆိုတဲ့ သတင်းကို လူကြီးမင်းတို့ အနေဖြင့်လည်းသိရှိထားပြီးဖြစ်ပါလိမ့်မယ်။ ဒါကြောင့်လည်း လုပ်ငန်းရှင်တွေအတွက် လုပ်ငန်းခွင်ကို ဘေးကင်းလုံခြုံစွာ ပြန်လည်စတင်နိုင်ဖို့ နဲ့ ပြန်လည် လည်ပတ်နိုင်ဖို့ ဒီသင်တန်းလေးကိုပြုလုပ်ပေးရခြင်းဖြစ်ပါတယ်။ အထူးသဖြင့် SME လုပ်ငန်းများဖြစ်သော စားသောက်ဆိုင်၊ဟိုတယ်နှင့်တည်းခိုခန်းများ၊ဝန်ဆောင်မှုလုပ်ငန်းများ နှင့် လက်လီဆိုင်များ အနေဖြင့်ဒီသင်တန်းလေးကို မဖြစ်မနေတက်ရောင်သင့်ပါတယ်။
World Health Organization နဲ့ မြန်မာနိုင်ငံ ကျန်းမာရေး ဝန်ကြီးဌာန တို့ရဲ့ Guideline အတိုင်း ILO Geneva မှ သင်ရိုးဆွဲပေးထားတဲ့ Occupational Safety & Health
သင်တန်းကို NOVA VITA Learning Center မှ ပင်တိုင်ဆရာမတစ်ဦးဖြစ်တဲ့ ILO Certified Trainer ကနေ အခမဲ့သင်ကြားပို့ချပေးသွားမှာဖြစ်ပါတယ်။

ပိုင်ရှင်အပါအဝင် စီမံအုပ်ချုပ်နေများသူများ တက်ရောက်သင့်ပါတယ်။

သင်တန်းနေ့ရက် - 29 - 30 Oct , 2020
သင်တန်းအချိန် - 3:00 PM ~ 6:00 PM
သင်တန်းနေရာ - Zoom Meeting (Online)
သင်တန်းစာရင်းပေးရန် - Comment Box or Messenger
အောက်ပါ link ကိုနှိပ်၍လည်းစာရင်းပေးသွင်းနိုင်ပါတယ်။
http://forms.gle/CFViEJNs1j8zbLW36

သင်တန်းသားဦးရေ ၂၅ယောက်သာ လက်ခံပေးနိုင်မှာမို့
အမြန်ဆုံးစာရင်းပေးသွင်းလိုက်ကြပါနော်။
သင်တန်းပြီးဆုံးပါက ILO မှပေးအပ်သော အသိအမှတ်ပြု Certificate ရရှိမှာဖြစ်ပါတယ်။

Occupational Safety & Health Online Training (29& 38 Oct ,2020@Zoom Meeting) 3:00PM~6:00PM

SME လုပ္ငန္းကို စတင္လုပ္ကိုင္ေဆာင္ရြက္ခ်င္သူမ်ားနွင့္လက္ရွိလုပ္ငန္းလုပ္ေနသူမ်ားအတြက္ ေကာင္းမြန္တဲ ့Business Plan တစ္ခု
ို ကိုေရးဆြဲျပီးလက္ေတြ ့က်က် လုပ္ေဆာငႏိုင္္ရန္ အတြက္ လက္ေတြ ့သ္ၾကားေပးမယ့္ Business Plan for Your Business Course ေလးကို July လဆန္းပိုင္းမွာ ျပန္လည္ဖြင့္လွစ္သင္ၾကားေပးမွာျဖစ္ပါတယ္။စိတ္ဝင္စားသူမ်ားတက္ေရာက္ခ်င္သူမ်ား messenger မွ ဆက္သြယ္ ေမးျမန္းစံုစမ္းနိုင္ပါတယ္။