Breakthrough Publishing House
Share
03/06/2026
ဘဝတစ်ခု တိုးတက်ပြောင်းလဲဖို့ဆိုတာ တစ်ခါတလေမှာ အသစ်အသစ်သောအရာတွေကို ထပ်ဖြည့်နေဖို့ပဲ မဟုတ်ပါဘူး။ ကိုယ်လက်ရှိလုပ်နေတဲ့ အပြုအမူတွေ၊ အလေ့အကျင့်တွေကို ပြန်လည်ဆန်းစစ်ပြီး လိုအပ်သလို အပေးအယူလုပ်တတ်ဖို့လည်း လိုအပ်ပါတယ်။
ဒါကြောင့် သင့်ဘဝနဲ့ သင့်လုပ်ငန်းကို ပိုမိုကောင်းမွန်တဲ့ လမ်းကြောင်းပေါ် ရောက်ရှိစေဖို့အတွက် ဒီမေးခွန်း (၄) ခုကို မဖြစ်မနေ သင့်ကိုယ်သင်ပြန်မေးပါ။
၁။ ဘာတွေကို စတင်လုပ်ဆောင်သင့်လဲ…❓
၂။ ဘာတွေကို လျှော့သင့်လဲ…❓
၃။ ဘာတွေကို ဆက်လုပ်သင့်လဲ…❓
၄။ ဘာတွေကို ရပ်သင့်လဲ…❓
ဒီမေးခွန်း (၄) ခုရဲ့ အဖြေကို သိနေရုံနဲ့ မလုံလောက်ပါဘူး။ အဖြေကို ရှာပြီးရင် လက်တွေ့လုပ်ဆောင်ဖို့လည်းလိုပါတယ်။
“ဦးနိုင်ဝင်းအောင် (CEO Coach)” ရေးသားသော “အကျပ်အတည်းဒဏ်ကိုပင် ကြံ့ကြံ့ခံနိုင်စေမည့် စီးပွားရေးခေါင်းဆောင်မှုအကြံပြုချက်များ” စာအုပ်မှ ကောက်နုတ်မှီငြမ်းဖော်ပြထားပါသည်။
29/05/2026
အလုပ်တွေ အလွန်အမင်း များနေတာထက် အလုပ်တွေ ဘယ်လောက်အထိ ထိထိရောက်ရောက် ပြီးမြောက်သွားသလဲဆိုတဲ့ "ရလဒ်" ကသာ အဓိကကျပါတယ်။ တစ်ရက် ဒါမှမဟုတ် တစ်လမှာ အချိန်ဘယ်လောက်ပေးပြီး အလုပ်လုပ်သလဲဆိုတာထက် ဘာတွေပြီးသွားသလဲဆိုတာက ပိုအရေးကြီးတာပါ။
လုပ်ငန်းခွင်မှာ အလုပ်တွေ အရမ်းများနေတယ်လို့ ယူဆရပေမဲ့ တကယ်တမ်း ဘာပြီးသွားလဲလို့ မေးကြည့်ရင် ဘာမှမယ်မယ်ရရ မရှိတာမျိုးတွေ ကြုံတွေ့ရတတ်ပါတယ်။ ဒါကြောင့် အလုပ်များနေရုံနဲ့ အားမရဘဲ အမှန်တကယ် အလုပ်ပြီးမြောက်ဖို့ကိုသာ အာရုံစိုက်သင့်ပါတယ်။
အလုပ်ပြီးမြောက်ဖို့အတွက် ဦးဆောင်သူတွေအနေနဲ့ မိမိတို့လိုချင်တဲ့ ရလဒ်တွေကို တစ်နှစ်စာ၊ သုံးလစာကနေ တစ်ပတ်စာအထိ အတိအကျ စာရင်းပြုစုဖို့ လိုအပ်ပါတယ်။ ထို့နောက် အလုပ်တွေထဲကမှ ဘယ်အလုပ်က အရေးအကြီးဆုံးလဲ၊ လုပ်ငန်းအတွက် အကျိုးအများဆုံး ဖြစ်မလဲဆိုတာကို ခွဲခြားပြီး ဦးစားပေးအစီအစဉ် (Priority) သတ်မှတ်ရပါမယ်။ "ငါးပေါင်ဆံ့တဲ့အိတ်ထဲ ဆယ်ပေါင်ထည့်လို့မရသလို" အချိန်ကာလတစ်ခုတည်းမှာ အလုပ်တွေအကုန်လုံး လျှောက်လုပ်ချင်နေလို့ မရတဲ့အတွက် အရေးကြီးတဲ့အရာကိုပဲ ရွေးချယ်ပြီး အာရုံစိုက်လုပ်ကိုင်ရမှာ ဖြစ်ပါတယ်။
နောက်တစ်ဆင့်အနေနဲ့ လုပ်မယ်လို့ သတ်မှတ်ထားတဲ့ အလုပ်တစ်ခုချင်းစီအတွက် ခန့်မှန်းခြေ ကြာချိန်ကို ချရေးပြီး ပြက္ခဒိန်ထဲမှာ အချိန်အပိုင်းအခြားလေးတွေနဲ့ ခွဲဝေထည့်သွင်းရပါမယ်။ အလုပ်တစ်ခုကို ရှစ်နာရီဆက်တိုက် လုပ်တာထက် နှစ်နာရီစီခွဲပြီး ရက်အလိုက် ခွဲလုပ်တာကလည်း ပိုပြီးထိရောက်နိုင်ပါတယ်။
အဲဒါအပြင် သင်ကိုယ်တိုင် မဖြစ်မနေ လုပ်စရာမလိုတဲ့ အလုပ်တွေကို တာဝန်ခွဲဝေပေးရန် (Delegate) လိုအပ်သလို၊ သင်မကျွမ်းကျင်တဲ့ အရာတွေအတွက်လည်း ကျွမ်းကျင်သူကို ငှားရမ်းခြင်း ဒါမှမဟုတ် အပြင်ကို အပ်နှံခြင်း (Outsource) နည်းလမ်းများဖြင့် အချိန်ကို အကျိုးရှိရှိ အသုံးချကာ ရလဒ်ကောင်းများ ဖော်ဆောင်ရမှာ ဖြစ်ပါတယ်။
“ဦးနိုင်ဝင်းအောင်” (CEO Coach) ရေးသားသော “သင့်ကိုယ်ထဲက ကြီးမြတ်တဲ့ ခေါင်းဆောင်ကို လှုပ်နှိုးလိုက်ပါ ” စာအုပ်မှ ကောက်နုတ်ချက်။
Click here to claim your Sponsored Listing.
Category
Contact the business
Website
Address
No. 24/26, Race Course Condo, South Race Course Street, Tamwe Township
Yangon
11211
Opening Hours
| Monday | 09:00 - 05:30 |
| Tuesday | 09:00 - 05:30 |
| Wednesday | 09:00 - 05:30 |
| Thursday | 09:00 - 05:30 |
| Friday | 09:00 - 05:30 |
| Saturday | 09:00 - 05:30 |
