Julia's Language Club

သင်တန်းနဲ့ ပတ်သက်ပြီး မတင်ဖြစ်တာ ကြာသွားလို့ရော ခုတလော လာလာမေးကြတာကြောင့်ရော လက်ရှိ ရှိနေတဲ့ အတန်းလေးတွေအကြောင်း ပြောပါရစေနော်။

အခု online ကနေ အတန်းလေးတွေ စဖွင့်တာ သုံးလ (Term 3 ခု) ပြီးသွားပါပြီ။ အခြေအနေ အရပ်ရပ်ကြောင့် မအားလို့ ဆက်မတက်ဖြစ်သူတွေလည်း ရှိသလို၊ ခုထိ ဆက်လေ့လာ လေ့ကျင့်နေတဲ့သူတွေလည်း ရှိပါတယ်။ term 3 ခုစာ သတိထားမိသလောက်မှာ အများစုဟာ ပုံမှန်ထက် တိုးတက်မှုတွေလည်း ရှိလာတာမို့ ဒီတစ်ခေါက် ထပ်ဖွင့်မယ့် Term 4 မှာတော့ အရင်ထက် နည်းနည်းပိုခက်တဲ့ အကြောင်းအရာ၊ သင်ခန်းစာ၊ လေ့ကျင့်ခန်းများနဲ့ level up လုပ်မယ်လို့ စိတ်ကူးထားပါတယ်။

ဘာသာစကားလေ့လာမှုဆိုတာက အတန်းထဲမှာ အမြဲပြောသလို ဘာသာစကားနဲ့ထိတွေ့မှု exposure က အရေးအကြီးဆုံးပါပဲ။ ဘယ်သင်တန်းမှ မတက်လည်း exposure အမြဲရရင် ကောင်းကောင်းရရင် မြန်မြန်တတ်ပါတယ်။ သင်တန်းချည့် တက်နေပြီး စာလိုပဲသင် စာလိုပဲရေးမှတ်၊ ကျန်တဲ့အချိန်တွေ exposure မယူရင် တိုးတက်ဖို့ နှောင့်နှေးပါတယ်။ Julia's Language Club မှာတော့ exposure ရအောင်ရယ်၊ exposure ယူဖို့ ရုပ်ရှင်ကြည့် စာအုပ်ဖတ်တဲ့အချိန်မှာ ဘယ်လိုချဉ်းကပ်ရမယ်ဆိုတာရယ်ကို အတူလေ့လာကြတဲ့ သဘောပါပဲ။ ဒီသင်တန်းကို တစ်ပတ်သုံးနာရီတက်ရုံနဲ့ အင်္ဂလိပ်စကားတွေ မွှတ်ထွတ်နေအောင် မပြောတတ်လာပါဘူး။ ဒါပေမယ့် များများနားထောင်ကြမယ်၊ များများစာဖတ်ကြမယ်၊ စကားပြောလေ့ကျင့်ဖော်တွေရှိမယ်၊ presentation အသေးစားလေးတွေလုပ်ဖို့ Google မှာမွှေနှောက်ရှာဖွေတတ်လာမယ်၊ ကိုယ့်ဖာကိုယ် self-study ဆက်လုပ်ဖို့ လမ်းစတွေ နည်းနာတွေသိလာမယ်။ ဒီလောက်ပါပဲ။ ရေကူးတတ်ဖို့ကိုတော့ ကိုယ်တိုင်ရေထဲဆင်းပြီး လှုပ်ရှားကူးခတ်မှရမှာပါ။

ဆိုတော့ကာ ကျောင်းချိန်ရုံးချိန်တွင်း တက်ရတဲ့အတန်းကို တက်ချင်ရင် -

လာမယ့် 27.11.2023 Monday မှာ Term 4 ပြန်စပါမယ်။ Monday/ Friday တစ်ပတ်နှစ်ရက်မှာ အချိန်က 1:00 pm - 2:30 pm ပါ။

ကျောင်းချိန်ရုံးချိန်လွတ်တာလေး တက်ချင်ရင် 1.12.2023 Friday မှာ တက်လို့ရပါတယ်။ အချိန်က ညနေ 6:30 ကနေ ည 8:00 ပါ။

နှစ်တန်းစလုံးက သင်မယ့် course အတူတူပါပဲ။ နှစ်သက်ရာအချိန်ကို ရွေးလို့ရအောင် ခွဲထားတာပါ။ Term တစ်ခုကို ရှစ်ချိန်သင်ပါတယ်။ သင်တန်းကြေးက Term တစ်ခုကို ငါးသောင်းပါ။ Term 4 ဆိုပေမယ့် မတူတဲ့ အကြောင်းအရာတွေ အမြဲတမ်း ခေါင်းစဉ်အသစ်အသစ်တွေ လေ့လာကြမှာဆိုတော့ စာတွေလွတ်သွားတာတို့ဘာတို့ မရှိပါဘူး။ အကြမ်းဖျင်း pre-intermediate နဲ့ intermediate level တွေ တက်ရောက်နိုင်ပါတယ်။

အသေးစိတ်စုံစမ်းချင်ရင် 09798877205 Viber ကနေ ဆက်သွယ်လို့ရပါတယ်။