AMPLE DAYS

ဒီရက်ပိုင်းမှာ ခရီး​တွေ သွား​နေတာ​ရော အ​ရေးကြီးတဲ့ ကိစ္စအတွက် ပြင်ဆင်​နေတာ​ရော မအားတာများ​နေ​တော့ အစားအ​​သောက်ကို ​သေချာဂရုမစိုက်မိဘူး။
အဆင်​ပြေတဲ့ ​နေရာမှာပဲ အဆင်​ပြေ​လောက်မယ်ထင်တဲ့ အမယ်​တွေ​ရွေးစား​နေ​ပေမဲ့ စိတ်က​လေးအထိမခံ ဖြစ်​နေတာ သတိပြုမိပါတယ်။ ခန္ဓာကိုယ်က လက်မခံတာကို အချက်ပြ​နေတယ်လို့ပဲ မြင်ပြီး အားတဲ့အချိန် ရသလို အားရှိ​အောင် ချက်ပြုတ်စား​ပေးလိုက်​တော့ နည်းနည်း အဆင်​ပြေလာပါတယ်။
​နောက်တစ်ချက်က ကိုယ်​ဖြေရှင်းဖို့ကျန်​နေတဲ့ ခံစားချက်​တွေ တက်လာတာ​ကြောင့်လည်း ပါပါတယ်။
ပြသနာရဲ့​နောက်ကွယ်က အ​ကြောင်းရင်း​တွေကို ပြန်သုံးသပ်ပြီး ကိုယ့်ကိုကိုယ် အခြားသူ​တွေနဲ့ ဆက်ဆံ​ပြေဆိုတဲ့အခါ စည်းထားဖို့လို​နေတာ သွား​တွေ့ပါတယ်။ သာမန်အ​နေအထားမှာ လက်ခံနိုင်စရာရှိ​ပေမဲ့ ကိုယ့်အတွက် ဝန်ပိ​နေတဲ့အချိန်မှာ Noလို့ ငြင်းတတ်ဖို့ ကြိုးစားရဦးမှာပါ။

သတိ သီလ သမာဓိ ပညာဆိုတဲ့ safety belt​လေး ပတ်​ပေးထားခြင်းဖြင့် စိတ်​လေး groundedဖြစ်​​စေပြီး ​လုံခြုံ​စေပါတယ်။

Moon Musings 🌙

ပြီးခဲ့တဲ့လ Leo New Moon ကာလက ကျွန်မတို့ကို ကိုယ်လိုချင်တဲ့ဘဝကို ရဲရင့်စွာနေထိုင်ဖို့ ကိုယ့်အလင်းတွေကို မမှိန်ချဖို့ အားပေးခဲ့ပါတယ်။ အဲ့ဒီနောက် Aquarius လပြည့်ဝန်းက စာမေးပွဲစစ်တဲ့ အလှုပ်အခါတွေ၊ အတားအဆီးတွေကို ကျော်ဖြတ်လွှတ်ချပြီး မိမိ တန်ဖိုးထားရတာတွေကို ဆန်ကွဲခွဲသလို စစ်ထုတ်လိုက်ဖို့ ကူညီပေးခဲ့ပါတယ်။ အခုလာမယ့် August လ ၂၃ ရက်နေ့၊ မြန်မာစံတော်ချိန် နေ့လယ် ၁၂း၂၆ အချိန်မှာတော့ new moon in Virgo ကို ကျရောက်မှာပါ။ ♍️ နေမင်းကြီးကလည်း အဲ့ဒီနေ့မှာပဲ Virgo Season ကို ကူးပြောင်းမှာ ဖြစ်သလို September လဆန််းမှာ ကျရောက်မယ့် လကြတ်ရာသီ eclipse season ကို တံခါးဖွင့်ပေးရင်း ရောက်ရှိလာမယ့် ဒီလရဲ့ virgo New Moon က ထိုင်ခုံ ခါးပတ် (safety seat belt) တစ်ခု နဲ့ တူတယ်လို့ moon musings ပေးချင်ပါတယ်။ ✨

Safety belt တွေဆိုတာ ကျွန်မတို့ကို ခရီးတစ်ခုနှင်ရာမှာ ကြုံတွေ့ရတတ်တဲ့ အတက်အကျ၊ အလှုပ်အခါ၊​ အယိမ်းအထိုး လမ်းကြမ်းတွေမှာ အန္တရာယ်ကင်းအောင်၊ grounded ဖြစ်နေအောင် ကာကွယ်ပေးထားကြပါတယ်။ Earth sign တစ်ခု ဖြစ်တဲ့ Virgo moon ဟာ moon တွေ အားလုံးထဲမှာ လက်တွေ့အကျဆုံးဖြစ်ပြီး ဝေဖန်ပိုင်းခြားတတ်၊ အသေးစိတ်လုပ်တတ်တဲ့ သဘောရှိပါတယ်။ Virgo ရာသီခွင်တွင် ဖြစ်ပေါ်သော လကွယ်ဖြစ်တာကြောင့် မိမိနေ့စဉ်လုပ်ဆောင်နေသော လုပ်ရိုးလုပ်စဉ်များ၊ အလေ့အထများ၊ အကျင့်များကို ပြန်လည် သုံးသပ်ပြီး ဒါတွေက ကိုယ့်အတွက် အကျိုးပြုနေသေးလား၊ ကိုယ့်ကို အကောင်းဆုံးဖြစ်စေဖို့ ကူညီပေးနေရဲ့လားဆိုတာကို ကြည့်ရှုဖို့ ပထမဆုံး အားပေးနေပါလိမ့်မယ်။ ကိုယ့်ရဲ့အချိန်၊ energy နဲ့ intention စတာတွေကို ဘယ်လိုနေရာမှာ ထားရှိပြီး ဘယ်အရာတွေက ကိုယ့်အတွက် အကျိုးပြုပြီး ဘယ်အရာတွေကတော့ အကျိုးမပြုတော့ဘူးလဲ ဆိုတာကို Journaling လုပ်ကြည့်ပါ။ ကိုယ့်ရဲ့တန်ဖိုးရှိလှတဲ့အချိန်ကို ဖြုန်းတီးနေ၊ ကိုယ့်စွမ်းအင်ကို ကုန်ခမ်းစေနေသောအရာတွေ ပေါ်လာပါလိမ့်မယ်။

Daily Routines တွေက မိမိနဲ့ alignment မရှိတော့ဘူးဆိုရင် ပြန်လည်တည်ဆောက်ပါ။ အာဟာရပြည့်ဝတဲ့ အစားအသောက်များကို mindfulness ရှိစွာ ရွေးချယ်ချက်ပြုတ်စားသောက်ပေးခြင်း၊ အိပ်ရေးဝဝ အိပ်ချိန်မှန်မှန်အိပ်ခြင်း၊ စာအုပ်ဖတ်၊ လေ့ကျင့်ခန်းလုပ်၊ ဘုရားရှိခိုး အစရှိသော ကောင်းမွန်တဲ့ အလေ့အကျင့်တွေ ပြန်လည်မွေးမြူပါ။ သေချာသတိထားကြည့်ရင် ကျွန်မတို့ဟာ ရေချိုး ထမင်းစား စကားပြော အတွေးတွေး အလုပ်လုပ် အပါအဝင် နိစ္စဓူဝ ကိစ္စတော်တော်များများကို အလေ့အထအတိုင်း အကျင့်ပါပြီး auto pilot တပ် လုပ်ဆောင်နေတာများကြပါတယ်။ အမှန်တကယ် သတိ၊ အသိမကပ်ထားမိကြဘဲ ဘဝကို ဖြတ်သန်းနေမိကြတတ်တာပါ။ Uranus ဂြိုလ်နဲ့ sqaure aspect ရှိနေတဲ့ ဒီလကွယ်လေးက ကျွန်မတို့ကို ဖိစီးနေတဲ့ နေ့စဉ်လုပ်ရိုးလုပ်စဉ်များမှ ခွဲထွက်ပြီး ပြောင်းလဲရန် လိုအပ်သောအရာကို ပြသပေးလိမ့်ပါလိမ့်မယ်။ 🪐

ကျန်တာကတော့ new moon အချိန်ဖြစ်တာကြောင့် လာမယ့် moon cycle တစ်ခုလုံးအတွက် ကောင်းမွန်တဲ့ intention တွေကို စိတ်မလောဘဲ သေချာ grounded ဖြစ်တဲ့ ပစ္စုပ္ပါန်မှာ သတိအပြည့်ရှိတဲ့ နေရာကနေ ချမှတ်ပေးရန် သင့်တော်ပြီး aligned action plan၊ စည်းကမ်း၊ အာရုံစိုက်မှုတို့ဟာလည်း အနောက်ကနေ တစ်ခါတည်း ပါဝင်နေဖို့ အရေးကြီးပါတယ်။ မသုံးတော့သည့်ပစ္စည်းများကို ရှင်းလင်းဖယ်ရှားပေးခြင်း၊ မိမိ intuition အလိုက် ပရိဘောဂအချို့ကို နေရာ ရွှေ့ပြောင်းပေးကြည့်ခြင်း နဲ့ ပျက်နေတာကြာပြီး မပြင်ရသေးတဲ့ စက်ပစ္စည်း၊ မီးသီး၊ ဘထ္ထရီ စတာတွေကို ပြုပြင်လဲလှယ်ပေးသင့်ပါတယ်။

သတိ၊ သီလ၊ ပညာ၊ ဝီရီယနဲ့ စည်းကမ်းတို့ကို safety belt လို ပတ်ပြီး ဒီဝင်ပေါက်က ဝင်လိုက်ပါ။ နောက် moon cycle မတိုင်ခင် အခြားတစ်ဘက်မှ ထွက်လာတဲ့အခါ ယခင်က မတူညီတော့တဲ့ ပုံစံတစ်ခုနဲ့ ကိုယ့်ကိုယ်ကို ပြန်လည် တွေ့နိုင်ပါလိမ့်မယ်။ 1% compound effect တိုင်းက အရေးပါတာကို မမေ့ထားကြရအောင်ပါ။ 🤍

Journey to Aligned Living, One Moon Phase at a Time! 🌙

Sat Nam,
LUNALIGN

"Ask me anything about your health" ဒီ​မေးခွန်း​လေးကို ​မေးလိုက်တဲ့အခါ အခြားဘယ်သူမှ မ​ပြော​​ရသေးဘူး။ ကိုယ့်ကိုကိုယ် နင် အားလုံး သိနိုင်လို့လား ဆို​တော့ အားလုံး မသိနိုင်​ပေမဲ့ ကိုယ်သိ​နေတာ သိထားတာ အများကြီးရှိ​နေတာကို မမျှ​ဝေဘဲ ကျွန်မ​နေ​နေတာကို ​​လောကကြီးက ခွင့်မပြုပါဘူး ။ ကျွန်မတို့အားလုံးအတွက် ကိုယ့်ဘဝလမ်း​ကြောင်း(life purpose)က ဘာလဲဆိုတာ အခု ကိုယ်ကြုံ​နေရတဲ့ပြသနာကို အ​ဖြေလို့ နားလည်သွားနိုင်လျှင် ရပါတယ်။

​နောက်ပြီး ​မိမိ၏ကျန်းမာ​ရေးကို သိ၍ ဖြစ်​စေ၊ မသိ၍ ဖြစ်​စေ ပုံ​ဖော်ဖန်တီး​နေကြပါတယ်။ အသက်အရွယ်မ​ရွေး ကျား မ မ​ရွေး အားလုံးဟာ မိမိ၏မသိနားမလည်မှုတွေ​​ကြောင့် မိမိခန္ဓာကိုယ်ကို တစ်နည်းနည်းဖြင့် ဒုက္ခ​ရောက်​စေတတ်ကြပါတယ်။

ဘာ​ကြောင့်လဲ????

ကျန်းမာခြင်းကို အရင်က ယူဆထားတာက ကိုယ်စိတ်နှစ်ပါးကျန်းမာခြင်းဆိုပြီး ပြော​တတ်ကြ​ပေမဲ့ လူ​တွေအများစုက ကိုယ်ခန္ဓာနှင့်သက်ဆိုင်​သော သာမန်မဟုတ်​သော အ​ခြေအ​နေ​တွေကိုသာ အဓိကထားကာ အာရုံစိုက်ကြပါတယ်။

ကျန်းမာ​ရေးကို ချို့ယွင်းသက်​ရောက်​စေ​သော အချက်​တွေအများကြီးထဲမှ
၁)တိုးတက်​ပြောင်းလဲလာ​သော ပတ်ဝန်းကျင်နှင့်အညီ အစားအစာအရင်းအမြစ်များ​ ယုတ်​လျော့အားနည်းလာခြင်း၊ပြုပြင်ဖန်တီးထား​သော အစားအစာများ စားသုံးမှု များပြားလာခြင်း၊
၂) ​အရှိန်အဟုန်ပြင်းစွာ ထိုး​ဖောက်ဝင်​ရောက်လာသည့်နည်းပညာနှင့် စီးပွား​ရေးကဏ္ဍ​တွေ​ကြောင့် လူ​တွေဟာ စိတ်ဖိစီးများခြင်း၊ အိပ်စက်အနားယူမှု မလုံ​လောက်ခြင်း၊
၃) ဘဝ​နေထိုင်မှုပုံစံ ​ပြောင်းလဲလာခြင်းဆိုရာတွင် ကိုယ်လက်လှုပ်ရှားမှုနည်းလာခြင်းတို့သည် မိမိကိုယ်ကို ပြန်လည် ဆင်ခြင်ရမည့် အချက်များ ဖြစ်​​နေပါတယ်။

ကျွန်မတို့ တစ်​ယောက်အားနှင့် မနိုင်သည့် out of circlesမှ အချက်များကို ခဏမေ့ကာ မိမိ လုပ်နိုင်သည့် အချက်များကို အ​ကောင်းဆုံး လုပ်နိုင်ဖို့က ကျွန်မတို့ တစ်​ယောက်စီတိုင်းရဲ့ တာဝန်သာ ဖြစ်ပါတယ်။

ဒီpost​လေးက​နေတစ်ဆင့် ကျွန်မ လုပ်​ပေးနိုင်တာက
💧ကိုယ့်ရဲ့ကျန်းမာ​ရေးနှင့်ပက်သက်ပြီး ဘာ​တွေကို အားမရ​နေတာလဲ။
💧ဘာ​ကြောင့် ဖြစ်​နေတာလဲ။

💧မိမိအ​နေနဲ့ အ​ကောင်းဆုံး ဘယ်လို ပြင်ဆင်လို့ရမလဲ။

💧မိမိရဲ့ကိုယ်စိတ်နှလုံး ကျန်းမာ​ပျော်ရွှင်​စေဖို့ ဘယ်လိုလုပ်ရမလဲ။

စသည့်​မေးခွန်းများကို မိမိကိုယ်တိုင် သိနားလည်​စေနိုင်ဖို့ ကျွန်မ အများကြီး ကူညီ​ပေးနိုင်ပါတယ်။

ကျွန်မအ​နေဖြင့် life coachတစ်​​ယောက်အ​နေနဲ့​ရော health care professionalတစ်​ယောက်အ​နေနဲ့ပါ ​ဆွေး​​နွေးတိုင်ပင်​ပေးမှာ ဖြစ်ပါတယ်။

လိုအပ်သည့်သူ​တွေဆီ​ရောက်​စေဖို့ မျှ​ဝေ​ပေး​စေချင်ပါတယ်။

ကျွန်မရဲ့အိပ်မက်ကို အ​ကောင်အထည်​ဖော်​စေသည့် ဒီ baby steps​လေး​တွေနဲ့ စတင်​​နေပါတယ်။

ကျန်းမာ​ပျော်ရွှင်​သော လူမှုအသိုင်းအဝိုင်း​လေး တစ်ခုဖြစ်​စေဖို့ ရည်ရွယ်လျက်

ချစ်ခြင်းများစွာဖြင့်
အမရီ
Life and Health Coach
18th August 2025

အိပ်စက်ခြင်း လုံ​လောက်မှု ရှိ မရှိ သိနိုင်သည့်နည်းလမ်းများ

ကျွန်မတို့ လက်ရှိကာလတွေမှာ ညဘက် နှစ်နှစ်ခြိုက်ခြိုက်အိပ်စက်နိုင်ဖို့က မလွယ်ကူတာ အားလုံးသိကြမှာပါ။

အိပ်​စက်မှု မလုံ​လောက်ခြင်းက ကျွန်မတို့ရဲ့ စိတ်ပိုင်းဆိုင်ရာ ရုပ်ပိုင်းဆိုင်ရာ​တွေကို တ​ငွေ့​ငွေ့နဲ့ယိုယွင်း​စေတဲ့ တရားခံလည်း ဖြစ်ပါတယ်။

အထူးသဖြင့် မိခင်များ၊ အမျိုးသမီးများသည် တစ်အိမ်လုံး ပုံမှန်လည်ပတ်နိုင်​စေရန် အဓိက လုပ်​ဆောင်ရတဲ့သူမို့ အိပ်​စက်မှု နာရီ အလုံအ​လောက်ရှိရန် လိုအပ်ပါတယ်။ တစ်​ယောက်နဲ့တစ်​ယောက် မတူနိုင်​ပေမဲ့ ပျမ်းမျှ၇ နာရီ ရလျှင် အဆင်​​ပြေနိုင်ပါတယ်။ သို့​သော်လည်း မလန်းဆန်းတာ ပင်ပန်းနွမ်းနယ်​နေတာ ​မော​နေတာဆိုလျှင်​တော့ အခြားအ​ကြောင်းရင်း​တွေ ဆက်ရှာရန် တိုက်တွန်းလိုပါတယ်။

ကျွန်မတို့ရဲ့ အိပ်စက်တဲ့ပုံစံကို ပြန်ဆန်းစစ်ကြည့်ရ​အောင်။

၁။ ကိုယ့်ရဲ့ခံစားမှုနှင့် ဆန်းစစ်ခြင်း
🌛၁၅ မိနစ်အတွင်း အိပ်​မောကျသွားလား။
🌛တစ်ညလုံး ၁ -၂ကြိမ်သာ နိုးပါသလား။
🌛အိပ်ရာကနိုးလာတဲ့အခါ လန်းဆန်း​​နေပါသလား။

ဒါမှမဟုတ် အ​ပေါ်ကအချက်​တွေနဲ့ ​ပြောင်းပြန်ဖြစ်​နေလား။
🌚 ​ကော်ဖီအ​ပေါ် လုံးဝအားထား​နေရသလား။
🌚​နေ့ခင်း တစ်​ရေးတစ်​မော အိပ်ဖို့ လိုအပ်​နေသလား။
🌚စိတ်ဂဏှာမငြိမ်ဖြစ်​နေသလား၊ အာရုံစူးစိုက်ရန် ခက်​နေပါသလား။
ဒီအချက်များဖြင့် သင့်ရဲ့ အိပ်စက်မှုကို ​ခြေရာခံကြည့်နိုင်ပါတယ်။

၂။ အိပ်စက်ခြင်းကိုတိုင်းတာ​ပေးတဲ့ စက်ပစ္စည်း (Smart watch & Helio ring) ကို ကိုယ်နှင့်အတူ ​ဝတ်ဆင်ထားခြင်းဖြင့်လည်း အတိအကျ သိရှိနိုင်ပါတယ်။
Polysonography (အိပ်စက်ခြင်းကို ​လေ့လာတဲ့စက်)ဖြင့်လည်း သိရှိနိုင်တယ်ဆို​ပေမဲ့ ဒီနည်းလမ်းက​တော့ ​ဆေးရုံ​ဆေးခန်းကြီး​တွေမှာ ဆရာဝန်ညွှန်ကြားချက်ဖြင့်သာ ပြုလုပ်နိုင်ပါတယ်။

၃။ အိပ်စက်ခြင်းအတွက် အပတ်စဥ် အမှတ်​ပေးတဲ့ Tools များဖြင့် သိနိုင်ပါတယ်။
[Pittsburgh Sleep Quality Index]

၄။ အိပ်စက်မှုကို ​ခြေရာခံခြင်း
🕘အိပ်စက်ချိန် အိပ်ရာထချိန်​တွေကို ​ရေးမှတ်ထားခြင်း၊
🕘အိပ်စက်ရာတွင် အ​နှောင့်အယှက်ရှိ​နေခြင်း၊
🕘ကိုယ့်ရဲ့ စိတ်အ​ခြေအ​​​နေ၊
🕘အရက်/​ကော်ဖီ​သောက်သုံးမှုတို့ကို ​သေချာ မှတ်သားထားခြင်းဖြင့် ကိုယ့်ကိုကိုယ် နားလည်သ​ဘော​ပေါက်နိုင်ပါတယ်။

အကယ်၍ သင်သည် သင့်ရဲ့အိပ်စက်ချိန်ကို ပို​ကောင်းလာ​စေချင်တယ်ဆိုလျှင် ​
🌙ပုံမှန် အိပ်ချိန် တစ်သမတ်တည်း ထားရှိခြင်း၊
🌙 မအိပ်ခင် ၁-၂နာရီခြားပြီး TV screen, Phone Screenမကြည့်ခြင်း၊
🌙မိမိအိပ်ခန်းကို​ အိပ်စက်ရန်အတွက် ​အေးစက်ပြီး အလင်း​ရောင်မရှိ​စေခြင်း၊
🌙ည​နေဘက်ကစပြီး ​ကော်ဖီနှင့်လက်ဖက်ရည် ​ရှောင်ခြင်း၊
🌞မနက်​စော​စော ​နေ​ရောင်ကို ခံယူခြင်းဖြင့် အိပ်စက်ခြင်းကို အား​ပေးတဲ့ melatonin ကို ပိုပြီး ထုတ်လွှတ်​​စေတဲ့အတွက် လူကို အိပ်​ပျော်​စေပါတယ်။

ကျွန်မကို အိပ်​ပျော်​စေပြီး စိတ်ဖိစီးမှုမှ သက်သာ​စေ​သော
🤸‍♀️NSDR Yoga Nidra- Ally Boothroyd
💤SleepTube-Hypnotic relaxation
💥Boho beautiful Yogaတို့ကိုလည်း နားဆင်ပြီး အိပ်နိုင်ပါတယ်။

အားလုံး နှစ်နှစ်ခြိုက်ခြိုက် အိပ်​ပျော်ပြီး ​ကောင်း​​သောအိပ်မက် မြင်မက်နိုင်ပါ​စေ။

​မေတ္တာဖြင့်
AMARI
Life Coach & Hypnotist
4th July 2025

AMARI Coachingမှ Program အသစ်တစ်ခု ဖြစ်တဲ့ " Thrive in a status of Caregiver to a Leader"ကို ဒီ​နေ့မှာ မိတ်ဆက်​ပေးပါရ​စေ။

ကျွန်မတို့ပတ်ဝန်းကျင်မှာ အမျိုးသမီး ရာခိုင်နှုန်း ​တော်​တော်များများသည် ​မိဘ ဇနီး ​ဆွေမျိုးသားချင်း သားသမီး စသည့် ခေါင်းစဥ် အမျိုးမျိုးဖြင့် Caregiver Roleကို ယူ​နေကြရပါတယ်။ ထိုသို့ တာဝန်ယူရသည့်အခါ မြန်ဆန်​နေတဲ့​ခေတ်အ​နေအထားနှင့်အညီ အားထုတ်ရသည့်အတွက် စိတ်​ရော ကိုယ်ပါ အားကုန်လာကြပါတယ်။

အမျိုးသမီးအများစုသည် သူတို့၏ရင်ထဲက ဆန္ဒများကို ဖုံးဖိရင်း ​ရွှေ့ဆိုင်းရင်း အချိန်​တွေ လွန်သွားကြပါတယ်။ သူတို့ကိုယ်တိုင်ရဲ့ အစစ်အမှန်တန်ဖိုးထားမှု​တွေ တဖြည်းဖြည်း ​​ပျောက်ဆုံးလာကြပါတယ်။

ကျွန်မရဲ့ ရည်ရွယ်ချက်က အဲဒီ အ​နေအထားက​နေ သူတို့ကိုယ် သူတို့ သတိရှိလာပြီး ဂရုစိုက်တတ်လာမယ်။ မိမိကိုယ်​ရော အခြားသူ​တွေအ​ပေါ် ချစ်တတ်လာမယ်။ ချလိုက်တဲ့ဆုံးဖြတ်ချက်များအတွက် တာဝန်ယူတတ်လာမယ်။ သူတို့ရဲ့ စိတ်ပိုင်းဆိုင်ရာခွန်အား ပြင်ပက ကူညီ​စောင့်​ရှောက်မှု​တွေကို လိုအပ်​​နေတဲ့ သူတို့မိသားစုဝင်ဆီ ပြန်ပြီး မျှ​ဝေ​ပေးနိုင်ရန် ဖြစ်ပါတယ်။

Julyလ တစ်လအတွင်း
🍀weekly coaching session
🍀 ကိုယ် စိတ် နှလုံး ၃ပါးလုံး မျှတကျန်းမာ​စေဖို့ holistic approachနှင့် ချဥ်းကပ်ခြင်း
🍀Hypnosis-စိတ်ညှို့အိပ်​မွေ့ချခြင်းဖြင့် ကိုယ်စိတ်နှလုံး အနားယူ​စေခြင်း
🍀မိမိကိုယ်ကို ဂရုစိုက်ခြင်း မိမိကိုယ်ကို ယုံကြည်မှု ရှိလာခြင်း မိမိကိုယ်ကို ဦး​ဆောင်လာနိုင်​စေခြင်းဖြင့် အ​ကောင်းဆုံး ပံ့ပိုး​ဆောင်​ရွက်​ပေးနိုင်ရန် ကျွန်မ ပြင်ဆင်ထားပါတယ်။

Julyလမှာ ​မွေးတဲ့သူ​ကို the nurturer ပြုစု​စောင့်​ရှောက်တတ်သူလို့ သိကြပြီး ကျွန်မက Cancer decansထဲ ပါလို့ ဒီprogramကို Julyလမှာ စီစဥ်​ ပေးခြင်း ဖြစ်ပါတယ်။

အခုလက်ရှိ သင်ဟာ မိသားစုဝင် တစ်ဦးဦးကို ပြုစု​စောင့်ရှောက်​နေရပြီး သင့်ကိုယ်သင် အားမလို အားမရ ဖြစ်​နေတာ၊
ပင်ပန်းပြီးခြေကုန်လက်ပန်းကျ​နေတာ၊ သင့်အတွက် အ​ဖြေ တစ်ခု ရှိရမယ်ဆိုပြီး ရှာ​​ဖွေ​တာ ဆိုလျှင်​တော့ ဒီprogramမှာ ပါဝင်ဖို့ commentမှာ "Thrive🍀"လို့ ​ရေး​ပေးခဲ့ပါ။ ကျွန်မ လိုအပ်တဲ့သူများကို စိစစ်​ရွေးချယ်​ပေးသွားမှာ ဖြစ်ပါတယ်။

ကျွန်မ ကိုယ်တိုင် ​လျှောက်လှမ်း​နေဆဲ လမ်း​လေးဖြစ်တာ​ကြောင့် သင်တို့ ကြုံ​တွေ့သမျှကို အပြည့်အဝနားလည်​ပေးနိုင်ပြီး သင်တို့အတွက် အ​ကောင်းဆုံး ခရီး​ဖော် ဖြစ်တယ်ဆိုတာ စိတ်ချယုံကြည်နိုင်ပါတယ်။

ကျွန်မ ရည်ရွယ်ထားတဲ့ ဒီအမျိုးသမီး​တွေကို ကူညီပြီး ​ပြောပြ​ပေးနိုင်ပါတယ်။

အမျိုးသမီးများအား မိမိကိုယ်ကို အ​ကောင်းဆုံးဦး​ဆောင်နိုင်​စေဖို့ ရည်ရွယ်လျက်

​ချစ်ခြင်းဖြင့်
AMARI
Life Coach & Hypnotist
1st July 2025

ကျွန်မတို့ပတ်ဝန်းကျင်မှာ ရှိတဲ့အမျိုးသမီးများဟာ သူ့ပင်ကိုယ်ဗီဇ​ကြောင့်ဖြစ်​စေ အသက်​မွေး​ဝမ်း​ကြောင်းပညာရပ်ကြောင့်ဖြစ်​စေ Caregiver roleကို ယူ​နေကြရပါတယ်။ အဲလိုယူရတဲ့အချိန်မှာ အများစု ဖြစ်တတ်တာက မိမိကိုယ်တိုင်ရဲ့ ကျန်းမာ​ရေးကို ​​မေ့​လျော့​ပေါ့ဆတတ်ကြပါတယ်။

လိုအပ်ချက်များလာတဲ့ လူနာ တစ်​ယောက် သို့မဟုတ် ​စောင့်​ရှောက်ပြုစု​နေရတဲ့ အဘိုးအဘွား က​လေးသူငယ်များအ​ပေါ် ဖြည့်ဆည်း​ပေးနိုင်ဖို့ ရုန်းကန်​နေရပြီး မိမိကိုယ်ပိုင်အချိန်များ တဖြည်းဖြည်း နည်းသည်ထက် နည်းလာကြပါတယ်။ ဒီအ​ခြေအ​နေဟာCaregiver roleကို ယူ​နေရတဲ့မည်သူမဆို ကြုံ​တွေ့​နေကြရပြီး ဘယ်လို ကိုင်​တွယ် ​ဖြေရှင်းရမလဲဆိုတာကို စိတ်ဝင်စားလာကြပါတယ်။
ကျွန်မကိုယ်တိုင်က အသက်​မွေးဝမ်း​ကြောင်းပညာရပ်​ကြောင့်​ရော ဗီဇအပြင် ဝတ္ထရားအရ caregiver roleကို ယူနေရတဲ့သူ တစ်​ယောက်ဖြစ်ပါတယ်။ Caregiverတစ်​ယောက်အ​နေနဲ့ စိတ်ပိုင်းဆိုင်ရာ အခြား​သော ဘဝကဏ္ဍများမှာပါ ကြီးမား​သော သက်​ရောက်မှုရှိတာကို ကျွန်မ နားလည်သိရှိခဲ့ရပါတယ်။

ကျွန်မတို့ Caregivers​တွေဟာ မိသားစုအတွက် ပတ်ဝန်းကျင်အတွက် အင်မတန်မှ အ​ရေးကြီးပါတယ်။ သူကိုယ်တိုင် ​ပျော်ရွှင်ကျန်းမာ​နေမှသာ သူ့ကို စိတ်ခွန်အားပိုင်းဆိုင်ရာ ​စောင့်​ရှောက်မှုပိုင်းဆိုင်ရာ မှီခို​နေကြရတဲ့သူများအ​ပေါ် အ​ကောင်းဆုံး ​စောင့်​ရှောက်​ပေးနိုင်ပါလိမ့်မယ်။

ကျွန်မ ဒီလာမဲ့ Julyလမှာ Caregiver roleကို တာဝန်ယူ​နေရတဲ့ အမျိုးသမီး (၁၃)​ယောက်အတွက် Coaching Session (4) ခုအပြင် Hypnosis session တစ်ချိန်ကိုပါ ထည့်ပြီး လုပ်​ပေးသွားဖို့ ပြင်ဆင်​နေပါတယ်။

ကျွန်မ ယုံကြည်တာက Caregiver's mindsetကို အ​ကောင်းဆုံးပံ့ပိုး​ပေးနိုင်ခြင်းက အ​ကောင်းဆုံး​​သော ​မေတ္တာနှင့်ယှဥ်တွဲ​နေထိုင်ခြင်းပဲ ဖြစ်ပါတယ်။ ​မေတ္တာတရားကို ကျွန်မတို့ ဒီထက်မက ​ပေးနိုင်ဖို့ ကျွန်မတို့ ကိုယ့်ကိုယ်ကို သိနားလည်ဖို့ အထူးလိုအပ်ပါတယ်။

ကျွန်မရဲ့ ရက်​ရောလှတဲ့ ကမ်းလှမ်းချက်ကို လိုအပ်တဲ့သူများဆီ ​ရောက်နိုင်ဖို့ ​မေတ္တာနှင့် တစ်ဆင့်စကားပါး​ပေးခြင့်ဖြင့် ကူညီနိုင်ပါတယ်။

​မေတ္တာများစွာဖြင့်
Amari
Life Coaching & Hypnotist
27th June 2025

ကျွန်မတို့​နေ့စဥ်ဘဝမှာ အမျိုးသမီးတိုင်း မယူမဖြစ်ယူ​နေရတဲ့တာဝန်တစ်ခုက ပြုစု​စောင့်​ရှောက်​ပေးခြင်းပဲ ဖြစ်ပါတယ်။ မိဘနှင့်အတူ​နေသူက မိဘ​တွေကို၊ ကိုယ့်မိသားစုနှင့်ကိုယ်ကျ​တော့ သားသမီး​နေမ​ကောင်းလည်း ကိုယ်ကပြုစုရ ကိုယ့်အိမ်​ထောင်ဖက်​နေမ​ကောင်းလည်း ကိုယ်ကပြုစုရနှင့် တကယ်ကို အားလပ်ချိန်မရှိကြတာ များပါတယ်။ ဒီကြားထဲ အဲဒီတာဝန်ကို ယူမယ့်သူက အလုပ်လုပ်​နေရတယ်ဆိုရင် စိတ်​ရော လူပါ ​ခြေကုန်လက်ပန်းကျနှုန်းကပိုများပါတယ်။
ဒီ​နေ့​ခေတ်မှာ burnoutဖြစ်ကြပြီး ​​နောက်ဆက်တွဲဝင်လာတဲ့ပြသနာ​တွေကြုံရမှပဲ အသိတရား​တွေ ရတတ်ကြပါတယ်။ ဥပမာ အိမ်ရှင်မတစ်​ယောက်က အိမ်အလုပ် က​လေးအလုပ် မလစ်ဟင်း​အောင်ရသည့်အပြင် ကျန်းမာ​ရေး လူမှု​ရေး များကိုပါ ဝတ္ထရားမပျက်​အောင်လုပ်​ဆောင်​နေရင်း ​မိမိကိုယ်ကို ဂရုစိုက်ပြီး လိုအပ်တာ​တွေ လုပ်​ပေးဖို့ တဖြည်းဖြည်း ​မေ့​လျော့လာကြပါတယ်။ အ​ခြေအ​နေတစ်ခုကို ကြုံလာတဲ့အခါ ​ဒေါသထွက်လွယ်မယ်၊ စိတ်ဆိုးလွယ်မယ်၊ သည်းခံ​ဖြေရှင်းနိုင်တဲ့ ဆင်ခြင်တုံတရား ​ပျောက်သွားမယ်။ ကြုံ​နေတဲ့ပြသနာက ပိုကြီးလာမယ်။ ​ဖြေရှင်းရခက်လာမယ်။ အဲဒီလို အ​နေအထားမ​ရောက်​အောင် ကျွန်မတို့​တွေ အောက်မှာ ​ဖော်ပြထားတဲ့ပုံ​လေးထဲကလို တစ်​နေ့မှာ ကိုယ်ဘယ်နှစ်ခု လိုက်ပြီး လုပ်​​ဆောင်နိုင်မလဲ ဆိုတာကို ကိုယ့်ရဲ့တစ်​နေ့တာအချိန်မှာ ရှာကြည့်ဖို့ တိုက်တွန်းပါတယ်ရှင်။ကိုယ့်မှာရှိတဲ့ အချိန်​ပေါ်မူတည်ပြီး ကိုယ်တကယ်အနားယူချင်သည့်ပုံစံကိုလည်း ဆက်ဆက်အ​ကောင်အထည်​​ဖော်ပါ​နော်။အမျိုးသမီး​လေးများ ကိုယ့်ကိုကိုယ် အချိန်​ပေးပြီး ဂရုစိုက်​ပေးဖို့လိုပါတယ်။ ဒါမှသာ စိတ်​ရော လူ​ရော ကျန်းမာရွှင်လန်းစွာ ခွန်အားအပြည့်နှင့် ​ကြုံလာသည့်အ​ခြေအ​နေဆိုး​တွေကိုဖြေရှင်းနိုင်မှာ ဖြစ်ပါတယ်ရှင်။