Sharing Success

အသက်ကြီးလာတာနဲ့အမျှ
လူတွေအကြောင်းလောကဓံအ​ကြောင်း
ပိုပြီးသိလာလို့ ပိုပြီးဟန်ဆောင်တတ်လာတယ်🔑

တစ်ချို့အရေးပါမှု တွေက ငွေတွေကြောင့်
ပိုပြီး နှောင့်နှေးတတ်လာတယ်
အရေးမပါမှုတွေက ငွေတွေကြောင့်ပိုပြီး
မြန်ဆန်တတ်လာတယ်🔑

မင်း ခံစားချက်တွေပြောပြတဲ့သူတွေက
မင်းကိုပိုပြီးခံစားအောင် လုပ်တတ်တဲ့သူတွေဖြစ်လာတယ်🔑

နေရာတစ်ခုအတွက် မင်းရဲ့ဖြူစင်မှုနဲ့ စေတနာကို
ချနင်းတတ်ကြလိမ့်မယ်🔑

မင်းအမှန်တရားဘယ်လောက်ပြောပြော
ဟန်ဆောင်ပြီးပြောတဲ့ ချိုသာတဲ့စကားလောက်
အရေးပါမှာမဟုတ်ဘူး🔑

အများကြီးမျှော်လင့်ထားရင် မျှော်လင့်ထားတာတာထက်
အဆတစ်ရာ လောက် ပေးဆပ်နိုင်မှ မင်းအတွက်အဆင်ပြေနိုင်မယ်🔑

ခံစားပါ။ ကြေကွဲပါ။ နာကျင်ပါ။
မှောင်မိုက်နေတဲ့အချိန်မှာ။
မိုးလင်းအစပြုရင် မျက်ရည်တွေသုတ်ပြီး ပြန်ရှင်သန်ပါ။
မင်းအတွက်အားသည် မင်းသာဖြစ်သည်။🔑

NCHL
01.05.2022

ကျေးဇူးတင်တယ်
ကောင်းကွက်တွေများကြီးထဲမှာ
ဆိုးကွက်ကို လက်ညှိုးထိုးခဲ့လို့
ထိုသူစကားကြောင့် ကျွန်မပြင်ဆင်ခွင့်ရခဲ့တယ်။

ကျေးဇူးတင်တယ်
ကောင်းသောစကားတွေပြောလို့ရရဲ့နဲ့
ကဲ့ရဲ့စကားတွေပဲပြောဆိုခဲ့လို့
ထိုသူရဲ့အပြုအမှုကြောင့် ခံနိုင်ရည်ရှိလာခဲ့တယ်။

ကျေးဇူးတင်တယ်
မျက်ရည်ကျရင် ဝိုင်းဖေးမလို့ရရဲ့နဲ့
ပို ငိုကြွေးအောင် လုပ်ခဲ့တဲ့
ထိုသူရဲ့အပြုအမှုကြောင့် ရင့်ကျက်လာခဲ့တယ်။

ချီးကျူးပြောဖို့ဆို မေ့နေတတ်ပြီး
ကဲ့ရဲဖို့ဆို သတိရတတ်တဲ့
ပတ်ဝန်းကျင်ကို ဖြတ်သန်းပြီး
အရာရာကို ခံနိုင်ရည်ရှိစွာ
ကျော်ဖြတ်လာတတ်ပါစေ😊

NCHL
27.06.2021

ငယ်ငယ်ကတည်းက
အသက်သာကြီးသွားပြီး
အလကားလူဖြစ်ခဲ့မှာ
ကြောက်ခဲ့တယ် 😊

မိဘတွေ ပိုက်ဆံမရှိတော့
ပညာမသင်ရမှာကြောက်ခဲ့တယ် 😊
ထူးချွန်ဆုံးမဖြစ်ခဲ့ရင်တောင်
နေရာတိုင်းမှာ
နာမည်ကောင်းတစ်ခု
ကျန်ခဲ့စေချင်တယ်။

သူများလို မသုံးနိုင်မစားနိုင်တော့
အသက်ကြီးရင် သုံးနိုင်ရမယ်ဆိုတဲ့
ရည်ရွယ်ချက်ထားခဲ့တယ်😊
အဝတ်အစားဆိုတာ သူများအကျပဲဝတ်ခဲ့တယ်
လကုန်ရောက်တိုင်း ပူပန်ခဲ့ရတယ်။
Broken Family ဆိုတော့
မိသားစုပျော်နေတာတွေ့ရင်
အရမ်းလိုချင်ခဲ့ဖူးတယ် 😊

မှတ်မှတ်ရရ ၉တန်း ၁၀တန်းမှာ
ကျူရှင်တတ်ရဖို့ ကြောက်ကြောက်နဲ့
ဦးလေးဆီ ကျောင်းထားပေးပါလို့
ပြောခဲ့ရတယ် (အဲ့နေ့ကသမီးတတ်ဆိုလို့)
၂နှစ်ဆက်တိုက် မပူမပင် စာသင်ခဲ့ရတယ်😊

ကိုယ့်ရဲ့ ဖြစ်ချင်တဲ့ အိမ်မက်တွေကို
ပြောပြရင် လူတွေကဟားကြတယ်
မဖြစ်နိုင်ဘူးဆိုတဲ့အကြည့်နဲ့ကြည့်ကြတယ် 🙂
ကိုယ်အတွက် တွန်းအားတစ်ခုလိုမှတ်ယူပြီး
အလုပ်တွေကြိုးစားပြီး သင်တန်းတွေတတ်ပြီး
လိုချင်တဲ့နေရာတစ်ခုရောက်အောင် ကြိုးစားခဲ့တယ်😊

အကြိမ်ကြိမ် ငိုခဲ့ဖူးတယ်
အကြိမ်ကြိမ် လှောင်ခံရဖူးတယ်
အကြိမ်ကြိမ် တွန်းချခံရဖူးတယ်
အတွေ့အကြုံတွေကများတော့
အခုနောက်ပိုင်း ကိုယ့်ကို တိုက်ခိုက်တဲ့သူတွေ
ချစ်လာတဲ့ထိ ကြိုးစားပြတယ် 😊
တော်ရုံတန်ရုံမခံစားတော့ဘူး။

အရင်စကြည့်ပါ။
သင်ခန်းစာတွေယူပါ။
ကိုယ့်အတွက်အမြဲ လေ့လာနေပါ။
သူတစ်ပါးကို ကူညီပါ။
စိတ်ကျလာလျှင် ပန်းတိုင်ကို စိတ်ကူးယဥ်ပါ။

အခုရက်ပိုင်း စိတ်ကျနေတဲ့သူတွေအတွက်ပါ။
😍😍😍😊😊😊.
13.06.2021
NCHL