TatnaywonProperty.com
Share
19/10/2024
#အကျိုးတူရ
💸စျေးနှုန်း = သိန်း 1700 (ညှိနှိုင်း)
#တောင်ဥက္ကလာပမြို့နယ် (15)ရပ်ကွက် သံသုမာလမ်းမကြီးအနီးရှိ တတိယတိုက်ခန်း အရောင်း
▫️ပေအကျယ် = (18×55) ပေ
▫️BCC ကျပြီး
▫️လမ်းမကြီးနဲ့ နီးတာဖြစ်လို့ အသွားအလာလည်း အဆင်ပြေစေပါတယ်
▫️တိုက်သက်တမ်း (7)နှစ်သက်တမ်းရှိ ၊ Master-1 ခန်း၊ Single-1 ခန်း ပါပါတယ်။
▫️ပတ်ဝန်းကျင်သန့်၊ ရပ်ကွက်သန့် ဖြစ်တာမို့ နေထိုင်ဖို့ရာ အဆင်ပြေစေပါတယ်ရှင်
🔔အရောင်း = ရောင်းချသူအိမ်ရှင်မှ ရောင်းရငွေ၏တန်ဖိုး 2% အားအပြည့်အဝ ပေးဆောင်ရပါမည် ။
❗️မှတ်ချက်-အချိန်ကာလပေါ်မူတည်၍ဈေးအနည်းငယ် အပြောင်းအလဲရှိနိုင်သည်။
𝗗𝗮𝘁𝗮 ထဲတွင်မပါသောဒဂုံလေးမြို့နယ်/
မြို့နယ်စုံ/မြေ/ 𝗰𝗼𝗻𝗱𝗼 /လုံးခြင်းအငှါး/
အရောင်းများ
လုံးခြင်းအရောင်းများစွာနှင့်
တခြားမြို့နယ်များမှမြေအရောင်း/အ၀ယ်/အငှါးများစွာရှိပါသည်
လူကြီးမင်းတို့သုံးမယ့်ငွေပေါ်မူတည်ပီးပြပေးနိုင်ပါသည်
ဖုန်းဖြင့်ဆက်သွယ်စုံစမ်းပါကလည်း မေးသမျှကို သေချာစွာဖြေကြား ပြီး သိလိုသမျှကို ဖော်ရွေစွာဖြင့် ရှင်းပြပေးနေပါပြီ
𝙏𝙖𝙩 𝙉𝙖𝙮 𝙒𝙤𝙣 𝙍𝙚𝙖𝙡 𝙀𝙨𝙩𝙖𝙩𝙚 𝘾𝙤𝙢𝙥𝙖𝙣𝙮
𝗣𝗵::09789774334/09426456495/09789289893/09789224154/09942895424
တက်နေဝန်း အိမ်ခြံမြေအကျိုးဆောင်ကုမ္ပဏီလီမိတက်
ရုံးလိပ်စာ -အမှတ် (𝟭𝟵𝟲) ၊ (𝟯𝟱)ရပ်ကွက် ၊ ပင်လုံလမ်းမကြီးပေါ် ၊ ၊ မြောက်ဒဂုံ ကျောင်းလမ်းမှတ်တိုင်ရှေ့ ။
ရုံးခွဲလိပ်စာ- အမှတ် (𝟮𝟮𝟬) ၊ (𝟱)ရပ်ကွက် ၊ပါရမီလမ်းမကြီးပေါ် ၊ တောင်ဥက္ကလာပ ပင်းယမှတ်တိုင်ရှေ့ ။
#မြောက်ဒဂုံလုံးချင်းအိမ်
#တောင်ဥက္ကလာအိမ်ခြံမြေ
19/09/2023
👉 တိုက်ခန်း ဝယ်ရင် မိုးတွင်းကိုဝယ်.....
မိုးတွင်းဆိုရင် နံရံရေစိမ့်တာ သိနိုင်တယ်..
👉 အပေါ်ဆုံးထပ်ကို ဝယ်ရင် မျက်နှာကျက်ကနေ ရေယို မယို စစ်ရမယ် ၊ မိုးတွင်းတော့ သိသာပေမယ့် နွေဆိုမသိနိုင်ဘူး၊
👉 ဘေးလှေခါးလား၊ အလယ်လှေခါးနဲ့နှစ်ခန်းတွဲ ရင်ခွဲလားကြည့် ရမယ်....နှစ်ခန်းတွဲ ရင်ခွဲတိုက်တွေရဲ့အပေါ်ဆုံးအလွှာမှာ အလယ်မြင်းမိုကို အုတ်စီထားသလား....ဒါမှမဟုတ် သံဇကာ ကာထားသလာကြည့်ရမယ်......နို့မိုဆို တစ်ဘက်ခန်းနဲ့ တဘက်ခန်းမျက် နှာကျက်ကနေ ကူးနိုင်တာမို့ လုံခြုံမှုမရှိနိုင်ဘူး။
👉 နောက်ဖေးမိလ္လာ ကန် တွေ အနံ့ထွက် ပိုက် (ခေါ်) လေ ပိုက် တပ် ဆင် ထား မှု လည်းစစ်ဆေးရ မယ်..
အနံ ထွက် ပိုက် လေ ပိုက် တပ်ဆင် ထားမှု စံနစ် မကျ ရင် မိလ္လာ နံ့တွေ အခန်းထဲ ဝင် လာ နိုင် တယ်။
👉 နောက်ဖေးအရေးပေါ် လှေကားကတော့ အာစီ တွေချည်းပါပဲ ၊ ဒါပေမဲ့လက် ရန်းတွေက စတီးလား ဟော်လိုလား ကြည့်ရမယ်....စတီးဆို မဆွေးဘူး ဟော်လိုဆိုရင် သံချေးကိုက် ပြီးဆွေးမယ်....
နောက်ဖေး အဝတ်လှမ်းတဲ့ အခါအရေးပေါ် လှေကားက မဖြစ်မနေဆင်းရတဲ့အခါ လက်ရန်း ဆွေးနေရင် အန္တရာယ် ရှိ တယ်။
👉 မြေညီစက်ခန်းက ရေလှောင်ကန် ရေလုံမလုံလည်း စုံစမ်းရမယ် ရေမလုံလို့တော့လုံးဝမဝယ်နဲ့ ၊တစ်ချို့စေတနာပါတဲ့ ကန်ထရိုက်တွေက မြေအောက်ရေလှောင်ကန်ကို ကြွေပြားပါကပ်ပေးတာ ၊ ရေကန်ဆိုတာပုံမှန် ရေလှယ်ဆေးကြောရတော့ ကြွေပြားကပ်တာ ကောင်းပါ တယ်။ နောက်ရေလှောင်ကန်အဖုံးအနားကွပ်က ၆လက်မလောက်မြင့်ထားရတယ်၊
👉 ရေမော်တာရေစုပ်ပိုက်က ရေထွက်ပေါက်ကို ၂လက်မပိုက် ၆လက်မလောက် စွပ်ပြီးမဆလာနဲ့ပိတ် ထားရတယ် ၊ ရေကန်ရေပြည့်လို့ ရေလျှံရင် ရေကန် အဖုံးစလပ်က မကောင်းတဲ့ရေတွေ ကန်ထဲမကျ တော့ဘူး၊ အပြင်ဘက်ကိုလည်း ရေဆင်းကောင်းအောင် လျှောစောက်လုပ်မလုပ် ကြည့်ရတယ်။
👉 လူနေပြီးသားတိုက်ကို ဝယ်တဲ့အခါ တိုက်ဆောက်လုပ်တဲ့ ရာဇဝင်ကို မသိနိုင်ပေမယ့် ခန့်မှန်းလို့ တော့ရပါတယ်။
👉 ဘေးဝဲယာ ၊ ရှေ့နောက်စောင်းမစောင်း မျက်မြင်နဲ့ခန့်မှန်းပေါ့ ၊ နောက်မြေညီ တိုင်(Column)အရွယ်အစားကိုကြည့် ၊ တစ် ချို့၅ထပ် ၆ထပ်တိုက်တွေ မြေညီတိုင်ကစ9"×12"အရွယ် တွေလုပ်ထားတာ ၊ နံရံတွေ အက်ကွဲမှုရှိမရှိ မျက်မြင်နဲ့လဲလေ့လာလို့ရပါ တယ် ။
👉 ၆ထပ်တိုက်တစ်လုံးတွေ့ဖူးတယ် အုတ်စီပြီးရှေ့ကိုငိုက်သွားလို့ အပေါ် ဆုံး ပါရာပတ်ကနေ ကြိုးဆွဲ ပြီးပလာစတာ လုပ်လိုက်တာတစ်တိုက်လုံးစကွဲယားကျ ဖြစ်သွားတယ် အတွင်းကော်လာတွေပါလိုက် ချောပြစ်ရတာပေါ့ ၊
👉 နောက်တိုက်တစ်လုံးကျတော့ အရှေ့နောက် Level တိုက်တာ ၉"လောက်ကွာနေလို့ ညီအောင် ပြန်ခင်းတာတွေ့တယ် အဲဒီတော့ တိုက်ကဝန်ပိုတွေများလာတာပေါ့ ။
👉 ကွန်ဒိုမဟုတ်ပဲ ရိုးရိုးဖေါင်ဒေးရှင်းတိုက်တွေ ဝယ်ရင် သေချာနားလည်တဲ့ သူနဲ့ဝယ်မှ ၊ မင်္ဂလာ တောင်ညွန့်ထဲမှာ တိုက်တစ်လုံးမြေထဲကြွံဝင်သွားတာ မြေညီတစ်ထပ်လုံး မြေထဲရောက်သွားတယ်။ အခု ကန်ထရိုက်တိုက်တွေ ဆောက်နေတာအင်ဂျင်နီယာ မပါဘူး၊ အင်ဂျင်နီယာဆိုတာ လက်မှတ်ထိုးရုံပဲ ၊ ပန်းရံ လက်သမားတွေကပဲ ဦးစီးနေတာ ၊ သံချောင်းရယ် ကျောက်ရယ် သဲရယ် ဘိလပ်မြေရယ် တွေ့ရင် အာစီ ဖြစ်တာပဲဆိုတဲ့ အသိစွဲနေကြတာ ။
👉 ၆လွှာအပေါ် ဆုံးထပ်ကို သိန်း၂၀၀လောက်ပေးဝယ်ရတာ ၊ သိန်း၂၀၀ဆိုတာ ပလုံသွားရင် ပြန်ရှာလို့မလွယ်တဲ့ ခေတ်ကြီးမှာ တိုက်ခန်းဝယ်မယ်ဆို သေသေချာချာ စဉ်းစားပေါ့။ ပြီးစလွယ်ဆောက်တဲ့ ကန်ထရိုက်တွေအနေနဲ့ မကျေနပ်လည်းမတတ်နိုင် ဘူး ၊ အမြတ်ကို အဓိကမထားပဲ လူပေါင်းများစွာရဲ့ဘဝ ၊ အသက်တွေ ၊ ချွေးနည်းစာတွေကို မသမာတဲ့နည်းနဲ့မဖျက်စီးပါနဲ့ မရယူပါနဲ့၊ ဆရာဝန်မှားရင် အသက်တစ်ချောင်းပဲ ဆုံးရှုံးမယ် ကန်ထရိုက် ပြီးစလွယ်လုပ်ရင်အသက်ပေါင်းများစွာ ဘဝပေါင်းများစွာ ဆုံးရှုံးမယ်။
👉 အင်ဂျင်နီယာ အစားကန်ထရိုက်လို့ ဘာဖြစ် လို့ပြောရတာလည်းဆိုတော့ အင်ဂျင်နီယာ တာဝန် ယူရတဲ့တိုက်က ကွန်ဒိုကလွဲရင် မရှိသလောက်ပဲမို့လို့ပါ။
Crd: yuzanarland
12/07/2023
ရွာမြေဝယ်ထားမိလျှင် ခိုင်အောင် ဘာလုပ်ထားရမလဲ
ကျေးရွာအတွင်းမှ အိမ်ကွက်များကို တစ်ကွက်ချင်း နယ်နိမိတ်ခွဲခြား၍ တိုင်းတာ ပုံထုတ်ထားခြင်း၊ မှတ်တမ်းထားခြင်း မြေစာရင်းဌာနမှာ မရှိပါဘူး။
ဆိုလိုတာက မြို့မြေလို ကွက်စိတ် ကွက်ကြဲ တိုင်းတာပြီး မြေပုံထုတ် မှတ်တမ်းတင်ထားခြင်း မရှိတာပါ။ ဒါကလည်း ခေတ်အဆက်ဆက် ကျေးရွာမြေတွေကို အခွန်ကင်းလွတ် ပေးထားပြီး ရွာနယ်နိမိတ်လောက်ကိုသာ မြေပုံရေးဆွဲထားကြလို့ပါ။
ရွာအတွင်း တစ်ကွက်ခြင်း မြေတည်နေရာ, မြေရာဇဝင်, ကွင်းအမှတ်, အကွက်အမှတ်, မြေအကျယ် အသေးစိတ် မြေပုံနဲ့ စာရင်း မရှိပါဘူး၊ ပိုင်ဆိုင်မှုခိုင်မာဖို့ဆိုတာ ဂရန်ချထားပေးတဲ့ သဘောပါ။
ဂရန်ချထားပေးဖို့ကလည်း အဲဒီလို မြေပုံနဲ့ စာရင်းတွေ အတိအကျ အသေးစိတ်ရှိမှသာ ပေးနိုင်တာပါ။ ကျေးရွာအတွင်းက မြေများသည် သာမန်အားဖြင့် ဦးပိုင်ခွဲ မထားသလို ဦးပိုင်လိုက် မြေရာဇဝင် မှတ်တမ်း (၁-က) မထားပါဘူး၊ မြေတစ်ကွက်ချင်းအတွက် ဧရိယာစာရင်း(၁-ခ)လည်း မရှိပါဘူး။
မြေစာရင်းလက်စွဲဥပဒေ အပိုဒ် (၆၇၁)မှာ “အောက်မြန်မာနိုင်ငံရှိ ရွာမြေများအတွက် အခွန်စည်းကြပ်မှု မှတ်ပုံစာရင်း၊ သို့မဟုတ် မြေကွက်များ မှတ်ပုံစာရင်းများကို ပြုလုပ်ရန် မလိုချေ။
အထက်မြန်မာနိုင်ငံရှိ ရွာမြေများတွင် စိုက်ပျိုးလုပ်ကိုင်မှုရှိလျှင် နှစ်စဉ်မြေခွန်စည်းကြပ်မှု မှတ်ပုံစာရင်းတစ်ခုပြုလုပ်ထားရှိရမည်။ သို့သော် ဦးပိုင်မှတ်ပုံစာရင်း သို့မဟုတ် မြေကွက်များ မှတ်ပုံစာရင်း ထားရှိရန် မလိုချေ”ဟု ပြဌာန်း ထားချက်အရ ဖြစ်ပါတယ်။
သို့ဖြစ်၍ ကျေးရွာမြေတစ်ခုကို ပိုင်ဆိုင်မှု ခိုင်မာအောင် ပိုင်ဆိုင်မှုမှတ်တမ်းရရှိရန် မည်သို့ လုပ်ထားသင့်သလဲဆိုပါက ဆောင်ရွက်နိုင်သည့် အချက် (၂)ချက်ရှိနေတာ တွေ့ရပါတယ်။
ပထမအချက်က-
ကျေးရွာဂရန်ရရှိရေးဖြစ်ပါတယ်၊ ဥပဒေမှာတော့ ရွာမြေတိုးချဲ့ခြင်း၊ ရွာသစ်တည်ခြင်းများအတွက်သာဂရန်ပေးရန် ပြဌာန်းထားပေမဲ့ ဒီဘက်ခေတ်မှာ တစ်မြို့မှာ တစ်ရွာ ဂရန်ပေးရေး Village Grant လုပ်ငန်းစီမံချက်အရ တစ်ရွာလုံးရှိ အိမ်ကွက်များကို ကျေးရွာဂရန်ပေးသည့် စီမံချက်ရှိပါက ပိုင်ဆိုင်မှု မှတ်တမ်းဂရန်တစ်ခုကို ရရှိနိုင်ပါတယ်။
ဂရန်ရရင် မြေပိုင်ဆိုင်မှု တိကျပြီး ခိုင်မာတယ်၊ ဘဏ်မှာ အပေါင်ထားလို့ရတယ်၊ သို့သော် အရင်က မြေခွန်လွတ်ပေမဲ့ ဂရန်နဲ့ဆိုရင် မြေခွန်ဆောင်ရပါမယ်၊စီမံချက် မရှိသေးရင် ဂရန်ရဖို့ မလွယ်သေးပါဘူး။ အထက်မှာ တင်ပြခဲ့တဲ့ မြေရာဇဝင်၊ မြေပုံစာရင်းတွေ အသေးစိတ် တိုင်းတာတွက်ချက် ရေးဆွဲဖို့ အချိန်ပေးရတာနဲ့ ရွာများအားလုံးအတွက် တိုင်းတာဖို့ မလွယ်သေးတာပါ။
ဒုတိယအချက်က –
လယ်ယာမြေမှ ကင်းလွတ်ကြောင်း ဝန်ခံချက် လက်မှတ်ရယူခြင်းဖြစ်ပါတယ်။ ဒါကလည်း လယ်ယာမြေ မဟုတ်ဘူး၊ အခြားနည်း သုံးနေတဲ့မြေ, အိမ်ဆောက်နေတဲ့ မြေလို့ပဲ ဆိုလိုတာပါ၊ အရင်ကတော့ 3 B Certificate လို့ခေါ်ပါတယ်။
၁၉၅၃-လယ်ယာမြေ နိုင်ငံပိုင်ပြုလုပ်ရေး အက် ဥပဒေ ပုဒ်မ ၃(ခ)တွင် လယ်ယာမြေဟု သတ်မှတ်ထားသော မြေအမျိုးအစားတွင် ရွာမြေ အဝန်းအပိုင်းထဲမှ ဖေါ်ပြပါ အလားလေးရပ်အတွင်းယင်းဥပဒေ မပြဌာန်းမီကပင် မိမိ စိုက်ပျိုးမှုလုပ်ငန်း မဟုတ်ဘဲ အိမ်ရာအဆောက်အဦ, စက်ရုံအဖြစ် လက်ရှိထား အသုံးပြုနေသော မြေကွက် မပါကြောင်းဟု မြေစာရင်းဌာနမှ ထုတ်ပေးသည့် လယ်ယာမြေ မဟုတ်ကြောင်း သက်သေခံလက်မှတ် လျှောက်ထားရယူခြင်းဖြစ်ပါတယ်။
ယခု (၂၀၁၂)လယ်ယာမြေဥပဒေ ပုဒ်မ ၃(က)ပါ၊ [ ပုဒ်မ ၃၊ (က)။ လယ်ယာမြေဟူသော စကားရပ်တွင် မြို့နယ်နိမိတ်၊ ကျေးရွာနယ်နိမိတ်အတွင်းရှိ လူနေအိမ်ရာများ၊ဘာသာရေးအဆောက်အဦနှင့် ပရိဝုဏ်များ၊ အများပိုင်ဆိုင်၍ စိုက်ပျိုးရေးအတွက် အသုံး မပြုသောမြေများ မပါဝင် ] ဟူသော စကားရပ်အရ ဆိုပါက လယ်ယာမြေမှ ကင်းလွတ်ကြောင်း ဝန်ခံချက်လက်မှတ်ကို 3 A လို့သုံးရမှာ ဖြစ်ပါတယ်။
သို့သော် 3 A Certificate ထုတ်ပေးရန် ရန်ကုန်မြို့တော် စည်ပင်ယာရေးကော်မတီမှ လုပ်ထုံးလုပ်နည်း ထုတ်ပြန်ဆောင်ရွက်နေသော်လည်း ကျန်ဒေသများအတွက်ဗဟိုလယ်စီအဖွဲ့မှ ယနေ့ထိ ညွှန်ကြားချက် ထုတ်ပြန်ထားခြင်း မရှိသေးပါဘူး။ ဒါကြောင့် ညွှန်ကြားချက်ရမှသာ ရရှိနိုင်မှာ ဖြစ်ပါကြောင်း တင်ပြလိုက်ရပါတယ်။
မူရင်းပို့စ်ပိုင်ရှင်
28/06/2023
၂၀၁၂ ခုနှစ် လယ်ယာမြေ ဥပဒေနှင့် နည်းဥပဒေများ ပြဋ္ဌာန်းပြီးနောက် ပိုင်း မှာတော့ မြန်မာနိုင်ငံ အနယ်နယ်အရပ်ရပ်မှာ လယ်ယာမြေများကို အကွက် ရိုက်ပြီး ပြန်လည် ရောင်းချကြလို့ ဝယ်ယူနေထိုင်ကြတာကို ခရီးလမ်းတစ်လျှောက်မှာ တွေ့မြင်ရပါတယ်။
တကယ်တော့ လယ်ယာမြေကနေ လူနေထိုင်ခွင့်ရတဲ့ မြေဖြစ်ဖို့ဆိုတာ အ ဆင့်ဆင့် ဆောင်ရွက်ရတာဖြစ်လို့ အပြောလွယ်သလောက် အလုပ်ခက်ပါ တယ်။ အငိုလွယ်လို့ အရှိုက်ခက်ပါတယ်။ ယနေ့အချိန်အခါမှာ ေတာေရာမြို့ ပါမကျန် လယ်ယာမြေတွေကို အကွက်ရိုက်ပြီး ရောင်းစားနေကြတာကို စာဖတ်သူများလည်း တွေ့မြင်ရမှာပါ။
မသိမဖြစ် ပုံစံ(၇)နဲ့ မြေစာရင်းပုံစံ (၁၀၅)
ဒီတော့ လယ်ယာမြေကနေ လူနေထိုင်ခွင့်ရဖို့အတွက် အဆင့်ဆင့် ကျော်ဖြတ်ရပုံလေးတွေကို သိထားရင် ကောင်းတာပေါ့။ အိမ်ခြံမြေ အရောင်းအဝယ်နဲ့ မကင်းနိုင်တဲ့ သူတို့အတွက်လည်း လေ့လာထားသင့်ပါတယ်။
လယ် ယာမြေအကြောင်း ပြောပြီဆိုတာနဲ့ လယ်ယာမြေ လုပ်ပိုင်ခွင့်လက်မှတ် ပုံစံ (၇) ရယ်၊ သက်သေခံ မြေပုံလို့ခေါ်တဲ့ မြေစာရင်းပုံစံ(၁၀၅)ရယ် လယ်ယာေမြမ ဆိုစိုက်ပျိုးမှုအပ အခြားနည်း အသုံးပြုရန် လျှောက်ထားချက် ပုံစံ-၃၀(က)နဲ့ ပုံစံ(၁၅) ခွင့်ပြုမိန့် ရရှိနိုင်ပုံတို့ကို ပြောပြလိုပါတယ်။
ပုံစံ (၇)နဲ့ တွဲလျက်သာ သက်သေခံ မြေပုံလည်းပါ၊ မြေ(၅)မျိုး ရှိနေတာ
ပုံစံ(၇)ဆိုတာ "လယ်ယာမြေ လုပ်ပိုင်ခွင့် လက်မှတ်" ကို ဆိုလိုတာပါ။ အဲ့ဒီ ပုံစံ(၇)နဲ့ တွဲလျက် မြေစာရင်း ပုံစံ(၁၀၅) လို့ ခေါ်တဲ့ မြေပုံ၊ မြေရာဇဝင်လည်း ပါရမယ်။ အဲ့ဒီစာရွက်က "အဖြူရောင်" ပါ။ အခြားကိစ္စအတွက် ထုတ်ယူသုံးစွဲ လို့ မရပါဘူး။ ပုံစံ(၇) ထုတ်ပေးတဲ့ မြေကွက်တွေကတော့.....
(က) လက်ရှိ အသုံးပြုခွင့် ရရှိထားတဲ့ လယ်ယာမြေ
(ခ)လွှဲပြောင်းလက်ခံတဲ့ သူတွေ၊ အမွေဆက်ခံတဲ့ သူတွေအတွက် ထုတ်ပေး ထားတဲ့ လယ်ယာမြေ
(ဂ) မြေလွတ်မြေလပ်မြေရိုင်းကနေ ပြောင်းလဲ သတ်မှတ်ပေးလိုက်တဲ့ လယ် ယာမြေ
(ဃ)ပြန်လည် သိမ်းယူထားတဲ့ လယ်ယာမြေ နှင့်
(င)အသစ် ဖော်ထုတ်လိုက်တဲ့ လယ်ယာမြေ ဆိုပြီး (၅)မျိုး ရှိပါတယ်။
အဲ့ဒီ လယ်ယာမြေတွေကို တောင်သူ လယ်သမားတွေနဲ့ လူပုဂ္ဂိုလ်/ အဖွဲ့အ စည်း တို့ကို လယ်ယာမြေ ဥပဒေ၊ နည်းဥပဒေတွေနဲ့အညီ ထုတ်ပေးပါတယ်။
လယ်ယာမြေ ဥပဒေပုဒ်မ ၉(ခ)အရ ခံစားခွင့်
လယ်ယာမြေ အားလုံးကိုဖြစ်စေ၊ တစ်စိတ်တစ်ပိုင်းကိုဖြစ်စေ၊ လုပ်ပိုင်ခွင့်အား သတ်မှတ်ထားတဲ့ စည်းကမ်းချက် များနှင့်အညီ ရောင်းချခွင့်၊ ပေါင်နှံခွင့်၊ ငှားရမ်းခွင့်၊ လဲလှယ်ခွင့်နှင့် ပေးကမ်းခွင့် ရှိတယ်လို့ ပြဋ္ဌာန်းထားပါတယ်။ ထိုသို့ပြဌာန်းထားခဲ့ပေမဲ့ အထက်အဆင့်ဆင့်က အမိန့်ညွှန်ကြားချက် တစ်စုံတစ်ရာ ထုတ်ပြန့်ပေးခြင်း မရှိသေးတဲ့အတွက် အစပိုင်းမှာ ဆောင်ရွက်ခွင့်၊ အကျိုးခံစားခွင့်မရှိခဲ့ဘူး။ ဗဟိုလယ်ယာမြေစီမံခန့်ခွဲမှုအဖွဲ့၏ (၁၆.၅.၂၀၁၉)ရက်စွဲပါ ညွှန်ကြားချက်အမှတ်(၂/၂၀၁၉)၊ (၃/၂၀၁၉)နှင့် (၄/၂၀၁၉)တို့ဖြင့် လယ်ယာမြေကို ရောင်းချခြင်း၊ ပေါင်နှံခြင်း၊ ငှားရမ်းခြင်း၊ လဲလှယ်ခြင်းနှင့် ပေးကမ်းခြင်း ကိစ္စရပ်များအတွက် လယ်ယာမြေ တန်ဖိုးသတ်မှတ်ခြင်း၊ တံဆိပ်ခေါင်းခွန်ပေးဆောင်စေခြင်း၊ တရားဝင်မှတ်ပုံတင်စာချုပ်ချုပ်ဆိုခြင်းနှင့် လယ်ယာမြေလုပ်ပိုင်ခွင့်ရရှိသူအမည် ပြောင်းလဲခြင်းလုပ်ငန်းစဉ်များအတွက် ဆောင်ရွက်ရန် ညွှန်ကြားချက်များ ထုတ်ပြန်ခဲ့ပါတယ်။ ထို့ကြောင့် ယခုအခါ လယ်ယာမြေနဲ့ပတ်သက်ပြီး တရားဝင်ပိုင်ဆိုင်မှုစာရွက်စာတမ်း ခိုင်ခိုင်မာမာဖြင့်အရောင်းအဝယ်ပြုလုပ်လို့ရပြီဖြစ်ပါတယ်။
ပုံစံ(၁၀၅) ဆိုတာ အဖြူရောင် စာရွက်ပေါ်က မြေပုံပါ
ပုံစံ(၁၀၅)ဆိုတာ "သက်သေခံ မြေပုံ" ကို ပြောတာပါ။ ပိုင်ဆိုင်မှုအတွက် အထောက်အထား မဟုတ်ဘူး။
မြေစာရင်း ပုံစံ(၁၀၅)လို့ လည်း ခေါ်ကြ တယ်။ (အဖြူရောင်ကွာတိုဆိုဒ် စာရွက်ပေါ်မှာ မြေပုံ ရေးဆွဲပြထားတာပါ။) ပုံစံ(၇)နဲ့ ပူးတွဲထားတာ ဖြစ်တယ် နောက်တစ်ကြိမ်ထုတ်သုံးလို့ မရတဲ့ (Death Certificate) ဖြစ်ပါတယ်။
အပြာရောင်ပုံစံ (၁၀၅) မြေပုံကတော့ အထောက်အထား တစ်ခုအတွက်ပါ
နောက်ထပ် မြေစာရင်းပုံစံ (၁၀၅) လို့ ဆိုတဲ့ သက်သေခံ မြေပုံစံမျိုးလည်း ရှိသေးတယ်။ (အပြာရောင် စာရွက် ကာရှည်ဆိုဒ်) ပုံစံပေါ့။
"ဝမ်းနော့ဖိုက်" လို့ အင်္ဂလိပ်လိုလည်း ခေါ်ကြတယ်။ ကိစ္စတစ်ခု (ဥပမာ.. ဘဏ်ငွေ ချေးရန်) အတွက် လျှောက်ထားတဲ့အခါမှာ ပူးတွဲတင်ပြရတဲ့ စာရွက် တစ်မျိုးဖြစ်ပါတယ်။ အချို့ကလည်း ဒါကိုပဲ ပိုင်ဆိုင်မှု အထောက်အထား ထင်ပြီး သိမ်းဆည်းခံထားတတ်ကြတယ်။
ပုံစံ ၃၀(က) ဆိုတာကျပြန်တော့ လယ်မြေကို စိုက်ပျိုးမှုမှအပ၊ အခြားနည်း အ သုံးပြုရန် လျှောက်ထားချက်ပါ။ တိုင်းဒေသကြီး ဒါမှမဟုတ် ပြည်နယ် လယ် ယာမြေ စီမံခန့်ခွဲမှုအဖွဲ့ရဲ့ စိစစ်ထောက်ခံချက်နဲ့ ဗဟိုလယ်ယာမြေ စီမံခန့်ခွဲမှု အဖွဲ့က ခွင့်ပြုမိန့် ထုတ်ပေးနိုင်ရန် အမှုတွဲ ဖွင့်လှစ်ဆောင်ရွက်ရတဲ့ လုပ်ငန်း စာတွဲ ဖြစ်ပါတယ်။ ခွင့်ပြုမိန့် မဟုတ်ပါ။
ခွင့်ပြုမိန့်ဆိုတာ ပုံစံ(၁၅) ကို ပြောတာပါ
ဗဟိုလယ်ယာမြေ စီမံခန့်ခွဲမှုအဖွဲ့မှ လယ်မြေကို အခြားနည်း အသုံးပြုဖို့ ခွင့်ြ ပုတဲ့ အသုံးပြုခွင့်လက်မှတ်က ပုံစံ(၁၅) ဖြစ်ပါတယ်။
အနှစ်ချုပ်ပြောရရင် လယ်ယာမြေကို အခြားနည်း အသုံးပြုခွင့် လျှောက်လွှာ မှာ ပုံစံ(၁၄) နဲ့ မြေစာရင်းပုံစံ (၁၀၅) အပါအဝင် အခြးအထောက်အကူပြု စာရွက်စာတမ်းတွေ ပြည့်စုံတဲ့ လုပ်ငန်းစာတွဲ ပုံစံ-၃၀(က)နဲ့ လျှောက်ထားရ မယ်။ အဲ့ဒီလျှောက်ထားချက်အတိုင်း အရေးယူ ဆောင်ရွက်ပေးမှသာ ပုံစံ (၁၅) ခွင့်ပြုမိန့် ရရှိမှာ ဖြစ်ပါတယ်။
ဒါကြောင့် ပုံစံ(၁၄) လျှောက်ထားပြီးကြောင်း လျှောက်လွှာပြသပြီး ပုံစံ-၃၀ (က) လုပ်ငန်းစာတွဲ(အမှုတွဲ) ဓါတ်ပုံမိတ္တူ ပြသပေးလိုက်တာနဲ့ လယ်ယာမြေ ကို အခြားနည်း အသုံးပြုရန် ခွင့်ပြုမိန့် ရပြီလို့ မထင်လိုကကြပါနဲ့ ပုံစံ(၁၅) ပြ မှသာ ခွင့်ပြုမိန့်ရတာ ဖြစ်ပါတယ်ဆိုတာ သတိပေးလိုက်ပါရစေ။
ပုံစံ (၁၅) ခွင့်ပြုမိန့်ဆိုတာ လယ်မြေကို အခြားနည်း အသုံးပြုရန် ခွင့်ပြုမိန့် ကို ပြောတာ။ လယ်မြေမဟုတ်တဲ့ အခြားလယ်ယာမြေဆိုတာလည်း ရှိသေး တယ်။ ဥပမာ...ယာမြေ/ဥယျာဉ်ခြံမြေဈ စနိမြေ၊ ကိုင်း၊ ကျွန်းမြေတို့ကို အခြား နည်း အသုံးပြုခွင့်ရအောင် လျှောက်ထားဆောင်ရွက်လို့ ရပါတယ်။
အဲ့ဒီလို လယ်မြေမဟုတ်တဲ့ အခြားလယ်ယာမြေတွေကို အခြားနည်းဖြင့် အ သုံးပြုရန် ထုတ်ပေးတဲ့ လက်မှတ်ကိုတော့ ပုံစံ-၁၅(ခ) လို့ ခေါ်ပါတယ်။ တိုင်းဒေသကြီး ဒါမှမဟုတ် ပြည်နယ် အစိုးရအဖွဲ့က ထုတ်ပေးပါတယ်။
အခုလို အိမ်ခြံမြေ အရောင်းအဝယ် လုပ်ကိုင်နေကြတဲ့ ဝယ်ရောင်း အ ကျိုးေ ဆာင်ပွဲစားများအနေနဲ့ လယ်ယာမြေတွေကို လူနေထိုင်ခွင့် ရဖို့ လျှောက် ထားရယူတဲ့ နည်း ပုံစံ၁၅(က) "လယ်ယာမြေများအား အခြားနည်း အသုံးပြု ခွင့်ပြုမိန့်" နဲ့ တိုင်းဒေသကြီး ပြည်နယ် အစိုးရအဖွဲ့မှ ထုတ်ပေးတဲ့ ပုံစံ-၁၅(ခ) တို့ အကြောင်း နားလည်သွားပြီဆိုတော့ လယ်ယာမြေတွေ ဝယ်ရင်း ခွဲခြမ်း စိတ်ဖြာဆုံးဖြတ်ချက် ချနိုင်ပါပြီ။
မူရင်းပိုစ့်ပိုင်ရှင်
Click here to claim your Sponsored Listing.
Category
Contact the business
Telephone
Address
220 Parami Road, South Okkalapa
Yangon
11091
