1984

အလွှာငါးလွှာနဲ့ ရေအောက်မှာပုန်းနေတဲ့
အမေရိကန်နဲ့မဟာမိတ်တွေကိုဖော်ထုတ်ဖို့တရုတ်ပြင်ဆင်

တရုတ်ရေတပ်က ပစိဖိတ်သမုဒ္ဒရာအနောက်ဘက်ပိုင်းမှာ
ရေအောက်အာရုံခံစနစ်အကြီးစားတွေကို တပ်ဖြန့်ချထား
ခဲ့ပြီလို့သိရပါတယ်။

သူတို့အခေါ်ကတော့ Five-Layer Surveillanc Network
လို့ခေါ်ပြီး ပင်လယ်ကြမ်းပြင်ကနေ အာကာသအထိ
အာရုံခံနိုင်မယ့် Transparent Ocean Strategy လို့
အမည်ပေးထားပါတယ်။

အဆိုပါဆောင်ရွက်မှုက အမေရိကန်နဲ့သူ့မဟာမိတ်နိုင်ငံ
တွေရဲ့ ရေငုပ်သင်္ဘောလှုပ်ရှားမှုတွေကို ခြေရာခံနိုင်ဖို့
အတွက်ဖြစ်တယ်လို့ဆိုပါတယ်။

အဆိုပါနည်းပညာဆိုင်ရာကို hina-Russia Naval Exercise
Maritime Interaction 2025 မှာ နမူနာသရုပ်ပြသခဲ့ပါသေး
တယ်။

စစ်ရေးလေ့ကျင့်မှုမှာ ရေငုပ်သင်္ဘောတန်ပြန်စစ်ဆင်ရေး
တွေပါဝင်ခဲ့ပြီး ရုရှားနဲ့တရုတ်တို့ဟာ အပြန်အလှန်
သတင်းအချက်အလက်တွေကို ဖလှယ်ခဲ့ခြင်းဖြင့် ရန်သူ့
ရေငုပ်သင်္ဘောတွေအတွက် ပုန်းခိုစရာမရှိအောင်
ရေပြင်ကို အကွက်ပြည့်နင်းခဲ့ကြတယ်လို့သိရပါတယ်။

ပထမအဆင့်ကို Ocean Star Cluster (space) လို့
ခေါ်ပြီး ဂြိုဟ်တုအစုအဝေးတွေကနေတဆင့် Lidar
လိုနည်းပညာသုံးပြီး Scan ဖတ်မှာပါ။

ဒုတိယအဆင့်က Air-Sea Interface လို့ခေါ်ပြီး
မောင်းသူမဲ့ရေယာဉ်တွေ၊ ဘွိုင်ယာတွေ၊ လှိုင်းတွေ
အပေါ်မှာဖြန့်ကျက်နိုင်မယ့်စနစ်တွေနဲ့ မဟာဗျူဟာအရ
အရေးပါတဲ့ ရေလက်ကြားတွေမှာ တပ်ဖြန့်ပြီး ဒေတာကောက်
ပြီး ပြန်ပို့လွှတ်မှာဖြစ်ပါတယ်။

တတိယအဆင့်က Deep Sea အပိုင်းဖြစ်ပြီး
၎င်းနေရာမှာ တပ်ဖြန့်နိုင်တဲ့ဒရုန်းရေယာဉ်တွေနဲ့
အာရုံခံမှာဖြစ်ပါတယ်။ သူ့အပိုင်းက အာရုံခံဖို့
ကျန်ခဲ့တဲ့နေရာတွေကို လိုက်လံဖြည့်ဆည်းအာရုံခံ
ထောက်လှမ်းပေးမှာပါ။

စတုတ္ထအဆင့်က ပင်လယ်ကြမ်းပြင်အောက်မှာ
ရုံတွေဆောက်ပြီး ဒရုန်းတွေအတွက် အားသွင်း
ဖို့၊ ပြုပြင်ထိန်းသိမ်းဖို့အတွက် လိုအပ်တာတွေကို
လုပ်ဆောင်ပေးမှာပါ။

ပဥ္စမမြောက်အဆင့်ကတော့ Deep Blue
Brain အဆင့်ဖြစ်ပြီး အချက်အလက်အားလုံးကို
စုစည်းကာ အကောင်အထည်ဖော်၊ အမိန့်ပေးထိန်း
ချုပ်မယ့်အပိုင်းဖြစ်ပြီး စစ်ဆင်ရေးတာဝန်တွေ
လုပ်ငန်းပိုင်းဆိုင်ရာခွဲဝေတာတွေ ပြုလုပ်မှာ
ဖြစ်ပါတယ်။

ယခုစနစ်ကို အကောင်အထည်ဖော်လိုက်နိုင်
ခြင်းကြောင့် တရုတ်အတွက်တော့ ရေကြောင်း
စောင့်ကြည့်ရေးဆိုင်ရာအပေါ် အင်အားတောင့်တင်း
လာမှာဖြစ်ပြီး ရေအောက်ထဲ အမြဲငုတ်နေတဲ့
အမေရိကန်၊ ဂျပန်၊ ဩစတြေးလျတို့အတွက်
စိန်ခေါ်မှုတွေရှိလာတော့မှာဖြစ်တယ်လို့
သတင်းများအရသိရှိရပါတယ်။


-layersurvillancenetwork


Photo: Militarnyi. This content was created with the help
of AI and reviewed by the editorial team.

ဒေသတွင်းပြိုင်ဆိုင်မှုပြင်းထန်လာမည့် စင်ကာပူရေတပ်၏ စစ်ရေယာဉ်အသစ်တပ်တော်ဝင်ပွဲ

စင်ကာပူရေတပ်ကတော့ ၎င်းတို့သမိုင်းမှာ
အကြီးဆုံးဘက်စုံသုံးတိုက်ခိုက်ရေးစစ်သင်္ဘောကို
တပ်တော်ဝင်ပွဲကို ကျင်းပခဲ့ပါပြီ။

MRCV Victory လို့အမည်ပေးထားတဲ့
အဆိုပါစစ်ရေယာဉ်ဟာ စင်္ကာပူ
ရေတပ်အတွက် တည်ဆောက်ခဲ့သမျှ
အကြီးမားဆုံးနှင့် စွမ်းရည်အရှိဆုံး စစ်သင်္ဘောဖြစ်
တယ်လို့လည်းဆိုပါတယ်။

ယခုလိုတည်ဆောက်ရတာက ၁၉၈၉ ခုနှစ်
ကတည်းက အသုံးပြုနေခဲ့တဲ့ ကော်ဗက်ရေယာဉ်
တွေနေရာမှာ အစားထိုးဖို့အတွက်ဖြစ်ပြီး
စုစုပေါင်း ၆ စီးတည်ဆောက်မှာဖြစ်ပြီး ယခုအစီးကတော့
ပထမဆုံးထွက်ပေါ်လာတာဖြစ်ပါတယ်။

တန်ချိန် ၈၃၀၀၊ မီတာ ၁၅၀ အရှည်ရှိပြီး
Integrated full-electric propulsion (IFEP) စနစ်ကို
အသုံးပြုထားတာလည်းဖြစ်ပါတယ်။

အမှုထမ်း ၁၀၀ ခန့်နဲ့ ပင်လယ်ပြင်အတွင်း ၃ ပတ်ခန့်
စစ်ဆင်နိုင်မှာဖြစ်ပြီး လောင်စာဆီဖြည့်တင်းခြင်းမရှိဘဲ
ရေမိုင် ၇၀၀၀ အထိမောင်းနှင်နိုင်မှာပါ။

လေကာစနစ်အတွက် MBDA Aster B1 NT နဲ့ VL MICA NG ဒုံးကျည်စနစ်တွေ
ကိုဒေါင်လိုက်ပစ်လွှတ်နိုင်မှာဖြစ်ပြီး အစ္စရေး IAI နဲ့
စင်ကာပူနိုင်ငံ ST Engineering တို့
ပူးပေါင်းထုတ်လုပ်ထားတဲ့ Blue Spear သင်္ဘောဖျက်
ဒုံးကျည်စနစ်တွေကိုလည်း အသုံးပြုထားတယ်လို့ဆိုပါတယ်။

76 mm Leonardo Strales စက်အမြောက်၊ အဝေးထိန်း
Rafael Typhoon Mk 30-C လက်နက်စနစ်တို့ကိုလည်းတပ်ဆင်
ထားသလို Thales SeaFire AESA ရေဒါ၊
Safran PASEO XLR electro-optical system တို့ကိုလည်း
တပ်ဆင်ထားပါတယ်။

ကြီးမားတဲ့ကိုယ်ထည်အတွင်းကြောင့် စစ်ဆင်ရေးအတွက်
သာမက မိုင်းတန်ပြန်ရှင်းလင်းရေး၊ လူသားချင်းစာနာ
ထောက်ထားမှုဆိုင်ရာ၊ သဘာဝဘေးအန္တရာယ်ကယ်ဆယ်ရေး
အစရှိတဲ့ ရည်မှန်းချက်တွေကိုပါ ဆောင်ရွက်နိုင်မှာဖြစ်တယ်လို့
ဆိုပါတယ်။

စစ်ရေယာဉ်မှာ မောင်းသူမဲ့လေယာဉ်စနစ်တွေကိုပါ
တပ်ဆင်အသုံးပြုနိုင်မှာဖြစ်တာကြောင့် တကယ့်ကို
စင်ကာပူရေတပ်အတွက် အင်အားတောင့်တင်းစေမယ့်
စစ်ရေယာဉ်တစ်စီးဖြစ်ပါတယ်။




Photo: Militarnyi. This content was created with the help
of AI and reviewed by the editorial team.

ယူကရိန်းစစ်မြေပြင်၌ ရုရှားတို့အသုံးပြုနေသော
ဒရုန်းစနစ်သစ်။

-ukarinewar


Photo: Dblog. This content was created with the help
of AI and reviewed by the editorial team.