Mind Diary

💭“တခြားသူတွေ ငါ့ကိုဘယ်လိုထင်ကြမလဲ” ဆိုတဲ့အကြောက်တရား

💁🏻‍♀️“တခြားသူတွေရဲ့ ကိုယ့်အပေါ်ဘယ်လိုထင်မြင်ကြမလဲ” ဆိုတဲ့အကြောက်တရားက လူတွေဆီကနေ ကိုယ့်အပေါ်မှာ မကောင်းမြင်ခံရမှာကို ကြောက်တဲ့စိတ်၊ လူဝင်မဆံ့မှာကြောက်တဲ့စိတ်၊ လူတွေဆီက ဝေဖန်ပြစ်တင်ခံရမှာကြောက်တဲ့စိတ်၊ လူတွေက ကိုယ့်ကိုမခေါ်ချင်မပေါင်းချင်ဘဲ ငြင်းပယ်ပစ်ထားကြမှာ ကြောက်တဲ့စိတ်တွေ ပေါင်းစပ်ပါဝင်နေတာပဲဖြစ်ပါတယ်။

🧠“Fear of Judgement” လို့ ခေါ်တဲ့ တခြားသူတွေရဲ့ ကိုယ့်အပေါ်မကောင်းမြင်မှာကြောက်တဲ့စိတ်ဟာ

🔺 (၁) အသက်ရှင်သန်လိုခြင်းနဲ့ဆက်စပ်တဲ့ ဗီဇစိတ်နဲ့ ဆက်စပ်နေပါတယ်။ တို့လူသားတွေအနေနဲ့ ကျောက်ခတ်ကတည်းကစလို့ အခုချိန်ထိ ဖြတ်သန်းလာခဲ့တဲ့ ခေတ်အဆက်ဆက်မှာ ကိုယ်တစ်ယောက်တည်းက အုပ်စုနဲ့ကွဲနေတယ်ဆိုရင် ကျားဆွဲနိုင်ချေပိုများတာ၊ အစာရေစာပြတ်လပ်ပြီး သေဆုံးနိုင်ချေပိုများတာ၊ ရွာကနေ နှင်ထုတ်နိုင်ချေပိုများတာ၊ အုပ်စုနဲ့မတည့်ရင် ခုံပြုတ်နိုင်ချေပိုများတာစတဲ့ အန္တရာယ်တွေကို ခေတ်အဆက်ဆက်ကြုံခဲ့ရတာကြောင့် လူသားတွေက အုပ်စုထဲမှာ ဝင်ဆံ့လိုတဲ့ ဗီဇစိတ်ပါကြပါတယ်။ အဲ့တော့ တကယ်လို့ လူတွေက ကိုယ့်ကိုသဘောမကျတာ၊ မကောင်းမြင်တာ များတယ်ဆိုရင် ကိုယ့်ရဲ့ Survival ကို လာထိခိုက်နိုင်တာကြောင့် တို့တွေက “တခြားသူတွေ ငါ့အပေါ် ဘယ်လိုထင်ကြမလဲ” ဆိုတဲ့အကြောက်တရားရှိကြတာဖြစ်ပါတယ်။


🔺 (၂) ဖြတ်သန်းလာခဲ့တဲ့ကိုယ့်ဘဝအတွေ့အကြုံတွေကလည်း “လူတွေက ငါ့ကိုဘယ်လိုထင်ကြမလဲ”ဆိုတဲ့အကြောက်တရား ပိုများစေတာလည်းဖြစ်နိုင်ပါတယ်။ ဉပမာ - ကိုယ်က ငယ်ငယ်တုန်းက အတန်းဖော်တွေဆီက နာမည်ပြောင်ခေါ်ဝေါ်ခံရပြီး အမြဲလက်ညှိုးထိုးနောက်ပြောင်ခံရတာ၊ ဆရာမဆီကနေ တစ်တန်းလုံးရှေ့မှာ အရှက်ခွဲခံရတာ၊ ကိုယ့်မိဘက ဆွေမျိုးတွေရှေ့မှာ ကိုယ့်ကိုချိုးနှိမ်ပြီးပြောဆိုတာစတဲ့ မကောင်းတဲ့အတွေ့အကြုံတွေ ကြုံခဲ့ရတာမျိုးကလည်း “လူတွေက ငါ့ကိုဘယ်လိုထင်ကြမလဲ” ဆိုတဲ့ ကြောက်စိတ်ကို ပိုမိုဆိုးရွားစေနိုင်ပါတယ်။

💭စိတ်ပညာရှုထောင့်ကနေကြည့်ရင်တော့ “လူတွေ ငါ့ကိုဘယ်လိုထင်ကြမလဲ” ဆိုတဲ့ ကြောက်စိတ်က “Social Anxiety” လို့ခေါ်တဲ့ ပေါင်းသင်းဆက်ဆံရေးဆိုင်ရာစိုးရိမ်စိတ်နဲ့ ပြန်လည်ချိတ်ဆက်နေတာဖြစ်ပါတယ်။ လူတိုင်းကတော့ လူ့အဖွဲ့အစည်းမှာအသက်ရှင်ဝင်ဆံ့လိုစိတ်ကြောင့် အနည်းနဲ့အများဆိုသလို တခြားသူ ကိုယ့်ကို ဘယ်လိုထင်မလဲဆိုတာ စိုးရိမ်တတ်ကြပေမယ့် အဲ့ဒါက ကိုယ့်ဘဝမှာ ကိုယ်လုပ်ချင်တာတွေ မလုပ်ရဲတဲ့အထိဖြစ်လာတာ၊ ကိုယ့်အသံနဲ့ ကိုယ့်ဆန္ဒကို ထုတ်ပြောဖို့မတတ်နိုင်တာ၊ ကိုယ့်ဘဝမှာ ကိုယ်ချရမယ့်ဆုံးဖြတ်ချက်တွေကိုတောင်မှ လူအများအကြိုက်နောက်ကိုလိုက်ပြီးတော့ချတာတွေ ဖြစ်လာပြီဆိုရင်တော့ ဒါက ကိုယ့်ကိုဆိုးကျိုးပေးထိခိုက်စေတဲ့အခြေအနေအထိ ရောက်လာပြီဖြစ်ပါတယ်။

💁🏻‍♀️တကယ်လို့ ကိုယ်က “Fear of Judgement” ကို ကြုံတွေ့ခံစားနေရတဲ့သူတစ်ယောက်ဆိုရင်
ဒီအချက်ကလေးတွေက အထောက်အကူပြုနိုင်ပါတယ်။

🌿ကိုယ့်ရဲ့အဲ့ကြောက်စိတ်လွှမ်းတဲ့အတွေးတွေကို ပိုငြိမ်သက်ပြီးကျိုးကြောင်းကျတဲ့အတွေးနဲ့ ပေးတွေ့ဆုံပြီး စစ်ထုတ်မေးမြန်းကြည့်ပါ။ ကိုယ့်ရဲ့ကြောက်စိတ်လွှမ်းတဲ့အတွေးကနေ “နင့်ကို သူတို့က ဒီလိုထင်နေတာ၊ မြင်နေတာ” ဆိုတဲ့အသံတွေနဲ့ ကိုယ့်ကိုပြောဆိုနေပြီဆိုရင် ကိုယ့်ရဲ့ပိုငြိမ်သက်ပြီး ကြင်ကြင်နာနာတွေးခေါ်တတ်တဲ့အသံတစ်ခုကို ကိုယ်က ပြန်ဆွဲထုတ်လိုက်ပြီး ကိုယ့်ကိုယ်ကို ညှင်ညှင်သာသာ ပြန်အားပေးတာမျိုး ကြိုးစားကြည့်ပါ။ စစချင်းမှာတော့ အသံနှစ်ခုအားပြိုင်တာ၊ သူများဘယ်လိုထင်မလဲကြောက်တဲ့စိတ်ကပဲ လွှမ်းမိုးသွားတာမျိုးဖြစ်နိုင်ပေမယ့် အလေ့အကျင့်များလာတဲ့အခါ ကိုယ့်ရဲ့ပိုကြင်နာငြိမ်သက်တဲ့အသံက ကိုယ့်ခေါင်းထဲမှာ အရေအတွက် ပိုများလာတာမျိုးဖြစ်နိုင်ပါတယ်။

🌿တကယ်ဆို ကိုယ်က တခြားသူတွေ ဘယ်လိုထင်မလဲဆိုတာကို ဘယ်လောက်များ လိုက်ထိန်းချုပ်လို့ရမှာမို့လဲလို့ ကိုယ့်ကိုယ်ကိုယ် ပြန်သတိပေးပါ။ သေချာလေး ပြန်သုံးသပ်ကြည့်တယ်ဆို တခြားသူတစ်ယောက်ရဲ့ဦးနှောက်ထဲမှာ တွေးနေတဲ့၊ မြင်နေတဲ့အရာတွေကို ကျွန်မတို့မှာ လိုက်ပြီးကန့်သတ်ပြုပြင်ထိန်းချုပ်နိုင်စွမ်းမရှိပါဘူး။ ကျွန်မတို့တတ်နိုင်တာက ကိုယ်လုပ်စရာရှိတာကို အကောင်းဆုံးကြိုးစားလုပ်ဆောင်ပြီး၊ အမှားတွေလုပ်မိရင်လည်း ကိုယ့်ကိုယ်ကိုယ် သိပ်မကြမ်းတမ်းဖို့ သတိလေးစိုက်ပြီး၊ သူများရဲ့အမြင်တွေကို ကြောက်စိတ်ဝင်လာရင်လည်း ကိုယ့်ခေါင်းထဲက ကိုယ့်ကိုယ်ကိုယ်ပြောနေတဲ့အသံက ကြင်နာမှုပါနေဖို့ပဲ တာဝန်ယူလုပ်ဆောင်နိုင်တာဖြစ်ပါတယ်။

💁🏻‍♀️ဒီအချက်ကလေးတွေနဲ့ ကိုယ်ကြိုးစားတယ်ဆိုပေမယ့် “Fear of Judgement” က နေ့ချင်းညချင်းမပျောက်သလို၊ “Social Anxiety” ကလည်း “ရွှိ”ဆို ပျောက်သွားတတ်တဲ့ အမျိုးမဟုတ်တာကြောင့် ကြိုးစားနေစဉ်မှာ ကိုယ့်ကိုယ်ကိုယ် စိတ်ရှည်ပေးပြီး၊ ကိုယ့်တစ်ယောက်တည်းနဲ့ ကြိုးစားရတာ ခက်ခဲလာရင် ပရော်ဖက်ရှင်နယ်အကူအညီ ယူကြည့်ဖို့လည်း တိုက်တွန်းပါရစေ။

🌱𝑴𝒊𝒏𝒅 𝑫𝒊𝒂𝒓𝒚🌱
𝑴𝒆𝒏𝒕𝒂𝒍 𝑯𝒆𝒂𝒍𝒕𝒉 𝑪𝒍𝒊𝒏𝒊𝒄
📌𝑯𝒂𝒗𝒆 𝒒𝒖𝒆𝒔𝒕𝒊𝒐𝒏𝒔 𝒂𝒃𝒐𝒖𝒕 𝑴𝒊𝒏𝒅 𝑫𝒊𝒂𝒓𝒚’𝒔 𝒔𝒆𝒓𝒗𝒊𝒄𝒆𝒔
☎️𝑫𝑴 𝒖𝒔 𝒇𝒐𝒓 𝒎𝒐𝒓𝒆 𝒊𝒏𝒇𝒐𝒓𝒎𝒂𝒕𝒊𝒐𝒏—𝒘𝒆’𝒓𝒆 𝒉𝒆𝒓𝒆 𝒕𝒐 𝒉𝒆𝒍𝒑🌱

🌍 𝐖𝐨𝐫𝐥𝐝 𝐒𝐮𝐢𝐜𝐢𝐝𝐞 𝐏𝐫𝐞𝐯𝐞𝐧𝐭𝐢𝐨𝐧 𝐃𝐚𝐲 , 𝟏𝟎𝐭𝐡 𝐒𝐞𝐩 𝟐𝟎𝟐𝟓🌍
"မျှော်လင့်ချက်နဲ့ ဘဝကိုရှင်သန်ပါ"

📊ကမ္ဘာပေါ်မှာ စက္ကန့် ၄၀ တိုင်း လူတစ်ယောက်နှုန်းနဲ့ ကိုယ့်ကိုယ်ကို အဆုံးစီရင်မှုကြောင့် အသက်ဆုံးရှုံးနေရပါတယ်။
ဒီလို ကိန်းဂဏန်းတွေရဲ့နောက်ကွယ်မှာ နာကျင်မှုစရာကောင်းတဲ့ဇာတ်လမ်းတစ်ပုဒ်ကတော့ရှိနေမြဲပါ။

📣 2024-2026ရဲ့ ဆောင်ပုဒ်ဖြစ်တဲ့ “𝐂𝐡𝐚𝐧𝐠𝐢𝐧𝐠 𝐭𝐡𝐞 𝐧𝐚𝐫𝐫𝐚𝐭𝐢𝐯𝐞 𝐨𝐧 𝐬𝐮𝐢𝐜𝐢𝐝𝐞” အတိုင်း ကိုယ့်ကိုယ်ကိုအဆုံးစီရင်မှုအပေါ် မှာ ကျွန်တော်တို့ရဲ့ တွေးခေါ်ပုံ၊ ပြောဆိုပုံနဲ့ ပြုမူပုံတွေကို ပြောင်းလဲဖို့ ရည်ရွယ်ပါတယ်။

👩🏻‍💼ကမ္ဘာ့ကျန်းမာရေးအဖွဲ့ (WHO) ဟာ ကိုယ့်ကိုယ်ကိုအဆုံးစီရင်ခြင်းမှကာကွယ်ဖို့အတွက် “𝐋𝐢𝐯𝐞 𝐋𝐈𝐅𝐄” 𝐏𝐫𝐨𝐠𝐫𝐚𝐦 တစ်ခုကိုပုံဖော်ခဲ့ပါတယ်။ ဒီProgramရဲ့အဓိကအချက် (၄) ချက်ကတော့

🌱 𝐋imit access to the means of su***de ကိုယ့်ကိုယ်ကိုသတ်သေဖို့အသုံးပြုနိုင်တဲ့ နည်းလမ်းတွေကို ကန့်သတ်ခြင်း (ဆေးဝါးများ နှင့် မိမိကိုယ်ကို အဆုံးစီရင်နိုင်သော အရာ၊ပစ္စည်း နှင့် ဓာတုပစ္စည်းများကို လက်လှမ်းမမှီအောင်လုံခြုံစွာထားရှိခြင်း(သို့)ထိန်းသိမ်းထားခြင်း )။
🌱 𝐈nteract with media for safe and sensitive reporting.
သတင်း၊မီဒီယာ သမားများအနေနဲ့လည်း Su***de နဲ့ပတ်သက်လို့ သတင်းရေးသားတဲ့အခါ ကဗျာဆန်ဆန် လွမ်းဆွေးဖွယ်ရေးသားခြင်းများကို ရှောင်ကြဉ်ပြီး လွယ်ကူနားလည်သဘောပေါက်စေတဲ့ အချက်အလက်ဖြင့်သာ သတင်းရေးသားမှုကို တင်ဆက်စေခြင်း။
🌱 𝐅ostering life skills to young people such as building resilience, coping, and emotional strength.
လူငယ်တွေကို စိတ်ခွန်အားများ (ခံနိုင်ရည်ရှိမှု၊ ရင်ဆိုင်ဖြေရှင်းနိုင်မှုနဲ့ စိတ်ပိုင်းဆိုင်ရာခွန်အား) တွေ ပျိုးထောင်ပေးခြင်း။
🌱 𝐄arly identification & support for those at risk or affected by su***de.
အန္တရာယ်ရှိနိုင်သူများ သို့မဟုတ် ကိုယ့်ကိုယ်ကိုအဆုံးစီရင်မှုကြောင့် ထိခိုက်ခံစားရသူများအတွက် စောစီးစွာအကူအညီ ပံ့ပိုးမှုပေးနိုင်အောင် ပြငဆင်ခြင်းတို့ပဲဖြစ်ပါတယ်။

🙋🏻‍♀️ဒါဆို လူတစ်ယောက်ချင်းစီအလိုက်ရော ဘာတွေလုပ်ပေးနိုင်မလဲ?

လူအများစုက ကိုယ့်ကိုယ်ကိုအဆုံးစီရင်လိုစိတ်ကို ဖွင့်ဟပြောဆိုလိုက်ရင် သို့ ကိုယ့်ကိုယ်ကိုအဆုံးစီရင်လိုစိတ်ရှိနေလားကို မေးမြန်းလိုက်ရင် ပိုဆိုးဝါးတဲ့ ရလဒ်တွေ ဖြစ်စေမယ်လို့ ကြောက်ရွံ့ကြပေမယ့် တကယ်တမ်းကတော့ ဆန့်ကျင်ဘက်ပါပဲ။

💬 ဘာကြောင့် စကားတစ်ခွန်းက အရေးပါတာလဲ?

✅ကျွန်မတို့က လူသားချင်းချင်းဆက်သွယ်ပြောဆိုမှုရဲ့ အရေးပါပုံကို မေ့ထားတက်ကြပါတယ်။ ရိုးရိုးစကားပြောတာလေးတစ်ခုက လူတစ်ယောက်ကို အထီးကျန်၊စိတ်ပျက်အားငယ်မှုကနေ မျှော်လင့်ချက်ချက်ရောင်ခြည်သန်းလာတဲ့အခြေအနေအထိ ပြောင်းလဲမှု အကြီးကြီးဖြစ်စေနိုင်ပါတယ်။

✅ 💁🏻‍♀️ဥပမာဆိုပါစို့ - ကိုယ့် အသိတစ်ယောက်ရဲ့ ပြောဆိုပုံတွေဒါမှမဟုတ် အပြုအမူတွေမှာ ပြောင်းလဲမှုတွေကို သတိထားမိရင် မိမိဘက်ကပဲ စတင်ပြီး “မင်းဒီရက်ပိုင်း ဘယ်လိုနေလဲ? စကားပြောချင်လား၊ ငါ နားထောင်ပေးလို့ရတယ်နော်” ဆိုပြီး မေးလိုက်ခြင်းက သူတို့ရဲ့နာကျင်မှုကို တစ်ယောက်တည်းမခံစားရဘဲ မျှဝေဖို့အတွက် နေရာလေးတစ်ခုကို ဖန်တီးပေးလိုက်တာပါပဲ။

✅နားထောင်တဲ့နေရာမှာလည်း အကြံပေးတာမဟုတ်၊ဝေဖန်မှုမပါဘဲ နားထောင်ပေးတာက လူတွေကို ပိုပြီး နားလည်ပေးတယ်၊စာနာပေးတယ်ဆိုတဲ့ ခံစားချက်ကိုရစေပါတယ်။

✅စိတ်ခံစားချက်တွေနဲ့ ပတ်သက်ပြီး အချင်းချင်း စကားပြောကြတဲ့အခါ ပြီးပြည့်စုံတဲ့စကားလုံးတွေ ရှာဖွယ်ပြီးပြောပြနိုင်ဖို့မလိုပါဘူး “မင်းတစ်ယောက်ထဲမဟုတ်ပါဘူး၊ ငါအတူရှိနေပါတယ်” ဆိုတဲ့ messageကို ပေးဖို့၊ ဂရုစိုက်ကြောင်းပြသဖို့နဲ့ သူတို့ရဲ့ဘဝဟာ အရေးပါတယ်ဆိုတာ သူတို့ပြန်သိစေဖို့ပဲ အဓိကဖြစ်ပါတယ်။

✅နောက်ပြီး ကျွမ်းကျင်သူအကူအညီတောင်းခံဖို့ တိုက်တွန်းပေးဖို့လည်း လိုအပ်ပါတယ်။ ဒီလိုအကူအညီတောင်းတာဟာ အားနည်းတာလို့ မဟုတ်ပဲ ရဲရင့်တဲ့လုပ်ရပ် ဆိုတာ၊ ဒီအကူအညီတွေက သူတို့ရဲ့ လက်တကမ်းမှာရှိနေတယ် ဆိုတာကို သူတို့ကို အသိပေးတာလည်း လုပ်နိုင်ပါတယ်။

🌿စောစောစီးစွာသိရှိပြီး အချိန်မီ နားလည်မှုအပြည့်နဲ့ ကူညီစောင့်ရှောက်ပေးခြင်းက ကိုယ့်ကိုယ်ကို အဆုံးစီရင်မှုကို ကာကွယ်နိုင်ပါတယ်။🌿

🌱𝑴𝒊𝒏𝒅 𝑫𝒊𝒂𝒓𝒚🌱
𝑴𝒆𝒏𝒕𝒂𝒍 𝑯𝒆𝒂𝒍𝒕𝒉 𝑪𝒍𝒊𝒏𝒊𝒄
📌𝑯𝒂𝒗𝒆 𝒒𝒖𝒆𝒔𝒕𝒊𝒐𝒏𝒔 𝒂𝒃𝒐𝒖𝒕 𝑴𝒊𝒏𝒅 𝑫𝒊𝒂𝒓𝒚’𝒔 𝒔𝒆𝒓𝒗𝒊𝒄𝒆𝒔
☎️𝑫𝑴 𝒖𝒔 𝒇𝒐𝒓 𝒎𝒐𝒓𝒆 𝒊𝒏𝒇𝒐𝒓𝒎𝒂𝒕𝒊𝒐𝒏—𝒘𝒆’𝒓𝒆 𝒉𝒆𝒓𝒆 𝒕𝒐 𝒉𝒆𝒍𝒑🌱
***dePreventionDay ***de

🔔August လ content လေးတွေကို တစ်စုတစ်စည်း ထဲဖတ်လို့ရအောင် ပြန်တင်ပေးထားပါတယ်🌱 📖

🌱Mind Diary🌱
Mental Health Clinic
📌Have questions about Mind Diary’s services
☎️ DM us for more information—we’re here to help🌱