Broadway Learning Centre

အမေရိကန်ပညာရေးအကြောင်းပြောရမယ်ဆိုရင် မြန်မာနိုင်ငံကကျောင်းတွေလိုပဲ အသက်အရွယ်အပိုင်းခြားအလိုက်(၃)ပိုင်းခွဲပြီး တတ်ရောက်ရတယ် မူကြိုကနေ၅တန်းအထိက မူလတန်းအဆင့်၊ ၆တန်းကနေ၈တန်းအထိက အလယ်တန်းအဆင့်၊ ၉တန်းကနေ ၁၂တန်းအထိက အထက်တန်းအဆင့်ဆိုပြီးခွဲထားပါတယ်
တီချယ်လက်ရှိအလုပ်လုပ်နေတဲ့ အလယ်တန်းကျောင်းမှာကလေးတွေအဓိကသင်ရတဲ့ဘာသာရပ်တွေက ELA (English Language Arts)၊ Arts၊ Science၊ Mathematics၊ PE (Physical Education) နဲ့ Social studies ဘာသာရပ်တွေပဲဖြစ်ပါတယ်
ဒီကကျောင်းတွေမှာ သင်ရိုးညွှန်းတန်းစာအုပ်တွေဆိုလို့လက်ဆုပ်လက်ကိုင်မပြနိုင်ပါဘူး။ ဆရာ/ဆရာမတွေက သူတ်ို့သင်ချင်တဲ့အကြောင်းအရာပေါ်မူတည်ပြီး သင်ခါနီးကျမှ Worksheets တွေပေးတာဖြစ်ပါတယ် စာသင်တဲ့အခါမှာလည်းမြန်မာနိုင်ငံမှာလိုဆရာကရှေ့ကသင် ကျောင်းသားတွေကခုံမှာထိုင်ပြီးဆရာပြောသမျှအကုန်လိုက်နားထောင်တဲ့အလေ့အကျင့်ဒီမှာလုံးဝမရှိပါဘူး။
ဥပမာ - ELA အတန်းဆိုရင် အတန်းထဲရောက်ပြီဆိုတာနဲ့ ပထမဆုံး (၁၀) မိနစ်ကို Independent reading အချိန်လို့သတ်မှတ်ပြီး ကလေးတွေကကိုယ်ကြိုက်နှစ်သက်တဲ့ စာအုပ်တွေဖတ်ရပါတယ်
အချိန်(၁၀) မိနစ်ပြည့်ပြီဆိုတာနဲ့ မိမိဖတ်ထားတဲ့စာအုပ်ကို ပါလာတဲ့Chromebook ထဲမှာ record ပြန်လုပ်ရပါတယ် ဒါကလည်း semester တစ်ခုမှာမိမိစုစုပေါင်းစာအုပ်ဘယ်နှစ်အုပ်ဖတ်ထားလဲဆိုတာ record ရှိအောင်လို့ပါ။ နောက်ပိုင်းအချိန်တွေက ကလေးတွေဖတ်ရမယ့် reading comprehension packet ကိုဆရာမကပေးပြီးပြီဆိုတာနဲ့ Silent time လို့သတ်မှတ်ပြီး မိမိဘာသာဖြေရမယ့်အပိုင်းတွေပဲဖြစ်ပါတယ်
ကလေးတွေကသူတို့နားမလည်တဲ့အကြောင်းအရာ၊ စကားလုံးတွေရှိရင်တော့ hand raise လုပ်ပြီးမေးလို့ရပါတယ် အဲ့အချိန်ကျရင်တော့ဆရာကသေသေချာချာကလေးနားဝင်အောင်စိတ်ရှည်ရှည်နဲ့ရှင်းပြလေ့ရှိပါတယ်
တချို့ကလေးတွေဆိုရင်အတန်းထဲမှာ ပေးထားတဲ့စာမလုပ်ချင်လို့ ပုံထိုင်ဆွဲတာ၊ သီချင်းနားထောင်တာ၊ ကာတွန်းစာအုပ်ဖတ်တာ စသဖြင့်အလေ့ကျင့်လေးတွေရှိတတ်ပါတယ် အဲ့အချိန်ကျရင်ဆရာက ကလေးတွေစာလုပ်ချင်လာအောင် အေးအေးဆေးဆေးပဲရှင်းပြလေ့ရှိပါတယ် ဒီမှာကကလေးတွေကိုဆူတာ၊ အော်တာမရှိသလောက်ရှားပါတယ်
ဒီနိုင်ငံမှာကလေးတွေရဲ့အတွေးအခေါ်ကိုချုပ်နှောင်ထားခြင်းမရှိဘဲ လွတ်လပ်စွာတွေးခေါ်နိုင်မှုနဲ့ မိမိိဘာသာရပ်တည်နိုင်မှုကိုအဓိကအလေးထားတာတွေ့ရတဲ့အတွက် ကလေးတွေအတွက်ကောင်းတဲ့အပြုအမူလေးတွေမွေးထုတ်ပေးတဲ့ပညာရေးစနစ်ပါရှင်💕

နောက်ပိုင်းမှာလည်း အမေရိကားပညာရေးနဲ့ပတ်သတ်တဲ့အကြောင်းအရာတွေ တီချယ်အချိန်ရရင်ဆက်လက်တင်ပါဦးမည်။