PMS Myanmar

မြန်မာပြည်ရဟန်းမင်းကြီးဆိုင်ရာသာသနာပြုအသင်းများရုံး (CBCM - PMS ) မှကြီးမှူး၍ အဌမအကြိမ်မြောက် သာသနာပြုလုပ်ငန်းမြှင့်တင်ရေးဆိုင်ရာ အသိပညာပေးဆွေးနွေးပွဲကို အောက်တိုဘာလ ၁၄ ရက်နေ့တွင် ပထမနေ့အဖြစ် ရန်ကုန်မြို့ရှိ ကက်သလစ်ဆရာတော်ကြီးများကျောင်းတိုက်တွင်ပြုလုပ်ခဲ့သည်။

နံနက် ၇ နာရီအချိန်တွင် အဖဆရာတော် ချားလ်စ်ကာဒီနယ်ဘို ဦးဆောင်၍ မစ္ဆားတရားတော်မြတ်ကိုပူဇော်ပေးခဲ့သည်။

ထို့နောက် PMS National Director Fr. Stephen Chit Thein က တက်ရောက်လာသော PMS Diocese Directors များနှင့် ကိုယ်စားလှယ်များကို ကြိုဆိုနှုတ်ခွန်းဆက်စကားပြောကြားခဲ့သည်။

ဆက်လက်ပြီး Fr. Roger Kyaw Thu က " The Missionary Nature of the Church in Catholic Teaching " ခေါင်စဉ်ဖြင့် ဝေမျှဆွေးနွေးပေးခဲ့သည်။

နေ့လည်ပိုင်းတွင် Daw Isabella Pyone Pyone Aung က ရဟန်းမင်းကြီးဆိုင်ရာသာသနာပြုအသင်းလေးသင်းနှင့်ပတ်သက်သည့် သိကောင်းစရာများကိုလည်းကောင်း၊ PMS National Director Fr. S.Chit Thein က POPF, POSI project များနှင့်ပတ်သက်၍လည်းကောင်းတင်ပြဆွေနွေးပေးခဲ့ပြီး ပထမနေ့ဆွေးနွေးပွဲကို ညနေ ၅ နာရီတွင်အဆုံးသတ်ခဲ့သည်။

ဆွေနွေးပွဲကို ဂိုဏ်းချုပ်/ဂိုဏ်းအုပ်သာသနာ အသီးသီးမှ ရဟန်းတော် အပါး (၃၁)၊ သီလရှင် (၁၆) ပါးနှင့် ဆက်ကပ်ဘာသာတူ (၆) ဦးတက်ရောက်ခဲ့သည်။